شكون يقوم بهذا العمل في داركم؟

[nadjofeva]

السلام عليكم و رحمة الله و بركاته

ان شاء الله تكونوا كامل عيدتو مليح، الي ذبحو ربي يتقبل منهم،
و الي ماذبحوش ان شاء الله العام لجاي تذبحوا.

بما اننا في العيد حبيت نسقسيكم شكون ينقي الدوارة في عائلتكم؟
(الدوارة و ماشي البوزلوف ولا الزلوف على حساب واش تقولو)

و بالمناسبة اذا عندكم كاش تسميات أخرى في منطقتكم؟

[غيثاء]

السلام عليكم و رحمة الله تعالى و بركاته


مساء الانوار .. و صح عيدك حنونتي ..تعيدو وتزيدو ان شاء الله ...عيدنا مليح ان شاء الله نتوما تاني وكامل الامة الاسلامية

امممم الدوارة ...اختصاصي هههههه توجور طايرتلي ليا ... اما بوزلوف منسيبورتيهش لهذا نخليه لعنقاء هههههه ..ايه وانت مقولتيلناش كيفاش جاز العيد عندكم ..كاش خدمة ولا والو هههه

شكرا للطرح ..دمت بود

[سيف الدين]

وعليكم السلآآآم ورحمة الله وبركاته

عيدكم مبارك وكل عام وانتم بخير الله يتقبل منا ومنكم، مع انو ما بقاش المعايدة، ولكن
أنا هذا وين شفت الموضوع للاسف ... عيدنا مليح والحمد لله >> زعما العيد
عندو طعم

اممممم منعرف كيفاه يسمويها نورمالمون دوارة ولا، لانو انا نعيطلها الكرشة
والمصارن

اممممم وشكون الي يغسلهم زعما نخمم .. هو في الاضحية كما نذبحوا نكون انا
والوالد والوالدة الله يحفظهم نديروا كلش، يعني مع الذبح والسلخ وغسل الدوارة وو

شكرا اخت نادجو على الموضوع

الله يبارك فيك

[nadjofeva]

المشاركة الأصلية كتبت بواسطة غيثاء

السلام عليكم و رحمة الله تعالى و بركاته


مساء الانوار .. و صح عيدك حنونتي ..تعيدو وتزيدو ان شاء الله ...عيدنا مليح ان شاء الله نتوما تاني وكامل الامة الاسلامية

امممم الدوارة ...اختصاصي هههههه توجور طايرتلي ليا ... اما بوزلوف منسيبورتيهش لهذا نخليه لعنقاء هههههه ..ايه وانت مقولتيلناش كيفاش جاز العيد عندكم ..كاش خدمة ولا والو هههه

شكرا للطرح ..دمت بود

و عليكم السلام و رحمة الله وبركاته
اهلا غيثاء، اولا شكرا لك على قبول الموضوع و على الرد فيه.
الحمد لله حتى حنا عيدنا مليح
اييه مليح اعطاولك الصعيب اخخخ البوزلوف أهون من الدوارة ولا لالا

انا بكل صراحة ماتوشيتهمش كامل هاد لعيد كنت حجزت قبل ايام لكي أقوم بكل بذلك خاصة الطياب يعني، و اتفقنا انا وشقيقاتي كل وحدة واش ادير و ووو
و لكن يوم العيد تولى ابي و امي الامر جزاهم الله خيرا

بابا نقا الدوارة و والدتي زادتلها تشليلة حفيفة برك، و بوزلوف ماما دارتو بطريقة جديدة و بابا زلفو يعني والدي تولى الامر بجدارة و هو الي حب ،
قلنالو حنا نديروهم بصح هو حب يتولى الامر يعطيه الصحة (على كل حال ترياحة منهم )
و طبعا الطياب أمي من دون منافس أخخخ
في الايام الاخرى غير العيد امي اديرهم و يمكن اي واحد منا عدا وحدة من شقيقتي ماتحملش هاذ الأمور و احيانا والدي بصح في العيد اختلفت الامور

يعني مليح لما الراجل ايضا يقوم بهكذا اعمال ماشي شرط المرأة هي الي ديرهم دايما
برك كاين ناس مايتقبلوش الفكرة و يزيدو يقولولك كيفاش هو يدير كلش و المرأة الي ماديرهمش ماهيش مرا يخي حالة
ولا واش رايك؟
شكرا لك غيثاء

[nadjofeva]

المشاركة الأصلية كتبت بواسطة سيف الدين

وعليكم السلآآآم ورحمة الله وبركاته

عيدكم مبارك وكل عام وانتم بخير الله يتقبل منا ومنكم، مع انو ما بقاش المعايدة، ولكن
أنا هذا وين شفت الموضوع للاسف ... عيدنا مليح والحمد لله >> زعما العيد
عندو طعم

اممممم منعرف كيفاه يسمويها نورمالمون دوارة ولا، لانو انا نعيطلها الكرشة
والمصارن

اممممم وشكون الي يغسلهم زعما نخمم .. هو في الاضحية كما نذبحوا نكون انا
والوالد والوالدة الله يحفظهم نديروا كلش، يعني مع الذبح والسلخ وغسل الدوارة وو

شكرا اخت نادجو على الموضوع

الله يبارك فيك

اللهم آمين أجمعين
ايه فات وقتو بصح معليش
الحمد لله كان العيد مختلفا عندنا هاد لعام
الكرشة و المصارن و وو هدوك قاع يقولولهم دوارة
مليح كي تتعاونو كامل
شكرا على الرد

[غيثاء]

سلام عليكم


صباح النور ...ايه مام حنا نقولو كرشة ومصارن والمجموع الكل دوارة هههههه ...يعني اختصرنا التفاصيل...

يعني مليح لما الراجل ايضا يقوم بهكذا اعمال ماشي شرط المرأة هي الي ديرهم دايما
برك كاين ناس مايتقبلوش الفكرة و يزيدو يقولولك كيفاش هو يدير كلش و المرأة الي ماديرهمش ماهيش مرا يخي حالة
ولا واش رايك؟

انا نضن حاجة مليحة الراجل يعاون في حاجة كيما هادي .... و حتى المرا ماش تقعد وتعول عليه في كلشي هههههه المعاونة مليحة ههه ..احنا الوالد متهني راه عندو لبنات بزاف مايتعب روحو ما يعاون ههههه ..لكن جداتي كانت تحكي بلي كان يعاونها فهاد الاعمال ...

[nadjofeva]

المشاركة الأصلية كتبت بواسطة غيثاء

سلام عليكم


صباح النور ...ايه مام حنا نقولو كرشة ومصارن والمجموع الكل دوارة هههههه ...يعني اختصرنا التفاصيل...

اي نعم

انا نضن حاجة مليحة الراجل يعاون في حاجة كيما هادي .... و حتى المرا ماش تقعد وتعول عليه في كلشي هههههه المعاونة مليحة ههه ..احنا الوالد متهني راه عندو لبنات بزاف مايتعب روحو ما يعاون ههههه ..لكن جداتي كانت تحكي بلي كان يعاونها فهاد الاعمال ...

أكيد حاجة مليحة،
لالا ماشي تقعد و تعول عليه فيي كلشي و انما هي الي راهي ادير كلشي أصلا على العام في البيت و اذا عاونها في العيد على الأقل فماراحش تنقص رجولتو،
فالرسول و ماأدراك مالرسول عليه الصلاة و السلام كان يساعد زوجاته في اعمال البيت ايا كانت،

أمم هادي تع لبنات مانتفاهموش عليها حتى بابا عندو لبنات الله يبارك و عندو امي ربي يحفظها،
بصح حاب يقوم بالعمل و هذا هو الفرق،

ما أقصده من الموضوع هو ان يقوم الرجل بمساعدة زوجته ماشي لأنو مضطر و مكاش الي يدير العمل او مكاش الي يعرف يديرو، ولا لأنو الي يدير العمل مرض، و لا ولا ولا ،..
و انما في الظروف الطبيعية و هذا هو الهدف من كتابتي لهذا الموضوع

و بيناتنا ماتحبيش نتي الزوج ديالك يعاونك في أمور البيت من دون ان تطلبي منه ذلك و هو يعلم انك تجيدين القيام بكل شيء ؟

[سجل..انا جزائرية]

السلام عليكم و رحمة الله

صح عيدكم و كل عام و نتوما بخير
اي على حساب الشوفة مام انا لحقت روطار على الموضوع ، همم معليش المهم لحقنا عليه قبل محرم
اييهيه على ديك الدوارة ، اخر مرة نقيتها كي كنت 3 متوسط ادا ما غلطتش
بسكو من فم ماتطيرليش خخخ و الله من نيتي ما تطيرليش لانو احنا الله يبارك كل خطرة واحد من اخوتي يعرسو ، و عاداتنا العام الزاوج من عرس الطفلة هي تنقي الدوارة
هاد العام بغيت ننقيها و بديت فيها و ممبعد قالولي بعدي روحي للبوزلوف ما زال ما كملش روحي كمليه
- بيناتنا جاتني على القوسطو بصح ما قلتش خخخ -

اي صح حاجة اخرى قريت الردود الي قبلي ، اول مرة نسمع بلي كاين رجال ينظفو الدوارة ،- وين راكي عايشة يا مركي وين-
احنا عندنا عيب و كلش هاد الشي ، للرجال خدمتهم و للنساء خدمتهم
هوم الدبح و السلخ و احنا البوزلوف و الدوارة

هدي فكرتني بوحد الطفلة قاتلي فالعيد انا نسلخ مع الوالدة كبشنا ،، قتلها و باباك ؟ قاتلي يدبح برك و احنا نكملو الباقي

سبحان الله ، كل واحد فهاد العالم و عقليتو كاين الي عيب و كاين الي عندهم عادي

صحيتي ناجو على الموضوع الزين كيما نتي

[nadjofeva]

المشاركة الأصلية كتبت بواسطة سجل..انا جزائرية

السلام عليكم و رحمة الله

صح عيدكم و كل عام و نتوما بخير
اي على حساب الشوفة مام انا لحقت روطار على الموضوع ، همم معليش المهم لحقنا عليه قبل محرم
اييهيه على ديك الدوارة ، اخر مرة نقيتها كي كنت 3 متوسط ادا ما غلطتش
بسكو من فم ماتطيرليش خخخ و الله من نيتي ما تطيرليش لانو احنا الله يبارك كل خطرة واحد من اخوتي يعرسو ، و عاداتنا العام الزاوج من عرس الطفلة هي تنقي الدوارة
هاد العام بغيت ننقيها و بديت فيها و ممبعد قالولي بعدي روحي للبوزلوف ما زال ما كملش روحي كمليه
- بيناتنا جاتني على القوسطو بصح ما قلتش خخخ -

اي صح حاجة اخرى قريت الردود الي قبلي ، اول مرة نسمع بلي كاين رجال ينظفو الدوارة ،- وين راكي عايشة يا مركي وين-
احنا عندنا عيب و كلش هاد الشي ، للرجال خدمتهم و للنساء خدمتهم
هوم الدبح و السلخ و احنا البوزلوف و الدوارة

هدي فكرتني بوحد الطفلة قاتلي فالعيد انا نسلخ مع الوالدة كبشنا ،، قتلها و باباك ؟ قاتلي يدبح برك و احنا نكملو الباقي

سبحان الله ، كل واحد فهاد العالم و عقليتو كاين الي عيب و كاين الي عندهم عادي

صحيتي ناجو على الموضوع الزين كيما نتي

و عليكم السلام و رحمة الله و بركاته
و كل عام و أنت بألف خير
ايه كامل رانا روطار على الموضوع لأنو ماتقبلش في الوقت المناسب
ايه صح كي تكون العائلة كبيرة كل مرة شكون يدير الحاجة دونك قادر ماتطيرلكش قاع بصح تهنيتي منها على كل حال كيما وحدة صحبتي قاع من الامور تع الدار على العام يصحلها غير غسيل المواعن دايمن أخخخ
راكي غير فدزاير
اخاه على عيب ، العيب المجتمع هو الي صنعو، و هو الي ينحيه،
و شكون قال هادي خدمة النساء
عندنا ماهي عيب ما والو على الأقل في دارنا و الصح فيها و اذا ولات كي ينقي الراجل الدوارة عيب امالا تزاgات زعما قاع واش راهم يديرو الرجال مايقولوهمش عيب بصح كي ينقي شويا دوارة يولي عيب أه على الدنيا السلام كي مازال الناس تخمم هكدا
ايه واش فيها اذا سلخنا نورمال هذه الامور يقدرو يديروهم الرجال كيما يقدرو يديروهم النسا و ماهيش شرط لا عليهم و لا علينا (بيناتنا لو كان نورمال نذبح نذبح )
الفايدة يا مركي واش رايك حنا الي نبدلو هاد العفايس الغريبة في مجتمعنا و شويا شويا تولي نورمال و يتقبلها كيما تقبل الكثير من الأمور
(بون مانيش نقول في هذا الموضوع بلي المراة ماتنقيش الدوراة و عادي تنقيها،
وْلاَّ يلزم على الراجل هو الي ينقيها،
و انما لا نربط 'ماهيش مرا و عيب" بالدوراة و ماهيش حرام على الراجل باش ينقيها أيضا)

شكرا مركي على المشاركة في هذا الموضوع، ردودك تضيف للموضوع الكثير
:

[غيثاء]

المشاركة الأصلية كتبت بواسطة nadjofeva

أكيد حاجة مليحة،
لالا ماشي تقعد و تعول عليه فيي كلشي و انما هي الي راهي ادير كلشي أصلا على العام في البيت و اذا عاونها في العيد على الأقل فماراحش تنقص رجولتو،
فالرسول و ماأدراك مالرسول عليه الصلاة و السلام كان يساعد زوجاته في اعمال البيت ايا كانت،

أمم هادي تع لبنات مانتفاهموش عليها حتى بابا عندو لبنات الله يبارك و عندو امي ربي يحفظها،
بصح حاب يقوم بالعمل و هذا هو الفرق،

ما أقصده من الموضوع هو ان يقوم الرجل بمساعدة زوجته ماشي لأنو مضطر و مكاش الي يدير العمل او مكاش الي يعرف يديرو، ولا لأنو الي يدير العمل مرض، و لا ولا ولا ،..
و انما في الظروف الطبيعية و هذا هو الهدف من كتابتي لهذا الموضوع

و بيناتنا ماتحبيش نتي الزوج ديالك يعاونك في أمور البيت من دون ان تطلبي منه ذلك و هو يعلم انك تجيدين القيام بكل شيء ؟

اكيد الفايدة انو الشخص يساعد العائلة تاعو مهيش عيب الحاجة هاذي وانت جبتيلني افضل مثال على النبي عليه الصلاة والسلام ....

يا بنتي باينتلك نحب ...واذا ميعرفش ينقيها ويعاوني ..نعلمو ماش خسارة المفيد ينقص شوية تعب ههههههه