اورتيغا نتاعنا ^^

[سيف الدين]

السلام عليكم ورحمة الله وبركاته

أهلا وسهلا بيكم ..

شدني (جفاف) نتاع المواضيع اليومية، من أيام وانا قاعد نخمم على كاشي ما ندير موضوع
جديد هنا ، هيا مزية لقينا فيه موضوع جديد هههه

شقيقتي اليوم راحت درست عند واحد أستاذ يلقبوه بـ اورتيغا، وهو مختص في كل شيء الله
يبارك، هو راهو يدرس: الفلسفة، الرياضيات، الفيزياء، الفرنسية، اممم تبانلي هذا مكان،
ممكن الي يشوف المواد الي يدرسهم يقول هذا مش مختص وممكن يكون ناقص، بصح
راهو 444، لأنو حتى انا درست عندو رياضيات من قبل وايضا فرنسية .

انا رياضيات كنت ناقص فيها ، بصح كما قريت عندو وليت عبقري في الرياضيات
يعني عندو أسلوب في التبسيط ويعرف كيفاه يوصل المعلومة، يعني يخمم في بلاصتك
باش يوصلك المعلومة !

وأيضا راهو يتوقع الأسئلة نتاع السنة 5 ابتدائي ونتاع المتوسط وأيضا نتاع الباك ! ربي
يبارك، انا كنت نكره رياضيات بصح كما قريت عندو وليت نحبها ونحب الرياضيات، ومن
خلال مساري الدراسي كله ما شفتش أستاذ يعرف يوصل المعلومة كما هو ! نسيت
نقولكم بلي استاذ يقري في الدروس الخصوصية.

أورتيغا اممم انا كنت نحسب فيه كاشي اسم نتاع فبلسوف ولا عالم ولا، ولكن حوست في
النت لقيت واحد منهم لاعب رياضي وآخر رجل أعمال، ممكن يكونوا لقبوه بـ اورتيغا لأنو
يعرف كرة القدم.

انتوما كاشي ما عندكم حالة كما هاذي الحالة في منطقتكم أو لا، وتسميوا الناس الي
عندهم هاذي الملكة بأسماء نتاع شخصيات وو، كما هنا ثاني كاين واحد استاذ يعيطولو
طاليس وهو استاذ نتاع رياضيات، قريت انا عندو بصح الاسلوب نتاع التدريس مش كما
أستاذ الي حكيتلكم عليه.

وشكرا ^^

[nadjofeva]

المشاركة الأصلية كتبت بواسطة سيف الدين

السلام عليكم ورحمة الله وبركاته

أهلا وسهلا بيكم ..

و عليكم السلام و رحمة الله و بركاته
شكرا
ايييييييه ماناش قاع نديرو مواضيع
أمم هذا الاستاذ باين مليح الله يبارك فكرني بالعلماء تع بكري يختصو في كل حاجة ماشي قال قرا رياضيات يعرف رياضيات و برك و انما شحال من حاجة ،

يعني عندو أسلوب في التبسيط ويعرف كيفاه يوصل المعلومة، يعني يخمم في بلاصتك
باش يوصلك المعلومة !
يعجبني هذا النوع من الاساتذة

وأيضا راهو يتوقع الأسئلة نتاع السنة 5 ابتدائي ونتاع المتوسط وأيضا نتاع الباك ! ربي
يبارك،
ايه مليح نقول لاختي اجي تقرا عندو لأنها مسكينة يقروها وحد الاساتذة الله لا يشوفكم فيهم ،

الله يبارك ربي يكثر من أمثالو،
بالنسبة لحالة كيما هاذي عندنا مازال ماسمعتش في الأطوار الثلاثة و عندنا يعطولهم بأسماء (تنابز بالالقاب) و ليس لأنو مليح و لكن ماشي كامل ،


لكن في الجامعة درسنا أستاذ (هي في الحق كاين زوج بصح الثاني ماقراناش بزاف كيما الاول ) الله يبارك كي تخرج من عندو ماتحتاجش تجبد كراس ولا تراجع يوصل المعلومة و يقري بوحد الطريقة ماشاء الله (مع العلم أنه مش قاري في الجزائر) و هو كبير الآن قْرا بكري ، و هذا الاستاذ لعلمكم غني، يعني عندو بزاف خدْمات و مشاريع و حاجة ماتخصو و بالرغم انه مريض الآن ربي يشافيه و كبير الا انه لم يتوقف بعد عن التدريس و يحب يقري الأجيال يعني مش محتاج لهذه المهنة او للمال و انما يقري فعلا باش يعلم الناس و يؤدي رسالة عظيمة ،
للأسف و لسوء حضنا ماقراناش هاد لعام و لعام لي فات حتى انني في البداية صماطتلي لقراية من دونه فمعظم الاساتذة شويا ماشي كيما هو و كان الوحيد الي نستفادو منو بمعنى الكلمة ، و خاصة انه لا يلتزم بالبرنامج يعني الي جي في راسو يعلمهالنا اضافة للبرنامج طبعا و عندو تعلمنا عفايس مش برك في تخصصنا و شحال من مرة يسقسونا طلبة تع تخصصات اخرى عن امور على اساس مانعرفوهاش باش مانجاوبوش يلقاونا نجاوبو فيهم عادي فيعرفوان هديك العفسة اكيد قريناها عند هذا الاستاذ،
و لو كان كل الاساتذة مثله لكانت الاجيال تخرج مش برك قارية و الحاجة لمليحة فيه انو ماشي زعما انا نقول مليح و آخر يقول لالا و انما كل الدفعة تشهد له بذلك،

و طبعا كنت ندي عندو أعلى علامة
حتى أنني في آخر امتحان عندو شويا عميتها و اكلت بهدلة يعني ماشي بزاف طلعت المقياس ب14 بهدلني قالي ماوليتيش قاع تقراي و كانت آخر علامة اخذتها في هذاك السداسي عندو و في العادة دائما علامته اعلى علامة (راني قلت هذاك السداسي ماشي معنتها دايما ندي مليح)، (يعني غاضتني عمري هداك النهار علاش يقولي هكاك ، و هو يعرف الوالد و قلت لوالدي روح قولو بلي غير عندك لي ماداتش كيما موالف بالاك ماتقولوش و مع التالي هو قال لوالدي راهي خدمت كي العادة هي تقرا بصح ماشي كيما موالف هبطت شويا ، و كاين زوج حاجات مايعجبونيش فيه خارج لقراية ،
الأولى كل حاجة يقولها لوالدي مزيا ماجيت ندير والو و ايضا اتكلم مع ابي في كل مرة باش كاشما يقولو يعرف واش يجيبه و لكن عادي لأنه يمدحني فقط ،
و الثانية مانقولهاش لكنه أستاذ رائع ربي يحفظو و يشافيه و بالنسبة للنقاط مش لانه يعرف والدي لانه كان جارنا و عامين و أنا نقرا في الجامعة و قراني و ماعلابالوش بلي بنت صاحبو ولا جارتهم أخخ و عرف بعد ذلك بالصدفة عندما كان يتكلم مع أبي و لكنه ليس جارنا دوكا )
المهم كنت اعتبره مثل والدي و هو يعتبرني ابنته الصغيرة لان ولادو و بناتو قاع كبار ،
هذا من الاساتذة الي حابين نديرولهم تكريم ان شاء الله ربي يقدرنا و مانخرجوش من الجامعة قبل تكريمه ،
واقيلا خرجت قاع على الموضوع هاعلاديك مانحبش مرات نكتب ،
كاشما تفكرت استاذ كيما الاستاذ الي حكيتلنا عليه نعاود نولي ،
شكرا على الموضوع

[سيف الدين]

و عليكم السلام و رحمة الله و بركاته
شكرا
ايييييييه ماناش قاع نديرو مواضيع
أمم هذا الاستاذ باين مليح الله يبارك فكرني بالعلماء تع بكري يختصو في كل حاجة ماشي قال قرا رياضيات يعرف رياضيات و برك و انما شحال من حاجة ،

يعجبني هذا النوع من الاساتذة

ايه صح يشبه كما الناس نتاع بكري الي تلقى واحد فيه مختص تقريبا في كل العلوم
نشفى واحد المرة الاستاذة نتاعنا نتاع الادب لما كنت نقرى في الثانوي قلنالها عليه
قاتلنا مكانش منها هذا يعرف الفيزياء والفرنسية والرياضيات والفلسفة،.. كلهم دفعة
وحدة قاتلنا مهما كان راهو ناقص اخخخ، بصح اذا جا ناقص ولا واحد يفهم عندو واش
يقول نشفى كما قريت عندو الرياضيات جبت فيها 19/20 ربي يبارك فيه.

ايه مليح نقول لاختي اجي تقرا عندو لأنها مسكينة يقروها وحد الاساتذة الله لا يشوفكم فيهم
الله يبارك ربي يكثر من أمثالو،

ايه .. شقيقتي كما راحت تقرا ليه في مادة الرياضيات حارت فيه وجات مسكينة
فرحانة للدار، قالت تحس روحك في كاشي دولة اوروبية تقرا ..

ايه كاين بعض من الاساتذة للأسف ما يعرفوش كيفاه يوصلوا المعلومة للتلميذ أو الطالب

بالنسبة لحالة كيما هاذي عندنا مازال ماسمعتش في الأطوار الثلاثة و عندنا يعطولهم بأسماء (تنابز بالالقاب) و ليس لأنو مليح و لكن ماشي كامل ،

ايه حتى هاذي الظاهرة منتشرة عندنا، كون غير جات اسامي مليحة كما اورتيغا او
طاليس نتاع كاشي شخصية ولا، وانما أسماء ما تليقش بمقام أستاذ أو اي شخص آخر،
وربي يهديهم.

أستاذ طاليس يعيطولو هكذاك لأنو واحد العام كان فيه تمرين في الرياضيات وهو تمرين
صعيب بزاف ولا واحد قدر يحلو من الاساتذة، هيا جا استاذ هذا اكتشف بلي تمرين راهو
غالط ومش صحيح نهائيا .. هيا منذاك ولاو ناس يلقبوه بهذاك الاسم.

لكن في الجامعة درسنا أستاذ (هي في الحق كاين زوج بصح الثاني ماقراناش بزاف كيما الاول ) الله يبارك كي تخرج من عندو ماتحتاجش تجبد كراس ولا تراجع يوصل المعلومة و يقري بوحد الطريقة ماشاء الله (مع العلم أنه مش قاري في الجزائر) و هو كبير الآن قْرا بكري ، و هذا الاستاذ لعلمكم غني، يعني عندو بزاف خدْمات و مشاريع و حاجة ماتخصو و بالرغم انه مريض الآن ربي يشافيه و كبير الا انه لم يتوقف بعد عن التدريس و يحب يقري الأجيال يعني مش محتاج لهذه المهنة او للمال و انما يقري فعلا باش يعلم الناس و يؤدي رسالة عظيمة ،
للأسف و لسوء حضنا ماقراناش هاد لعام و لعام لي فات حتى انني في البداية صماطتلي لقراية من دونه فمعظم الاساتذة شويا ماشي كيما هو و كان الوحيد الي نستفادو منو بمعنى الكلمة ، و خاصة انه لا يلتزم بالبرنامج يعني الي جي في راسو يعلمهالنا اضافة للبرنامج طبعا و عندو تعلمنا عفايس مش برك في تخصصنا و شحال من مرة يسقسونا طلبة تع تخصصات اخرى عن امور على اساس مانعرفوهاش باش مانجاوبوش يلقاونا نجاوبو فيهم عادي فيعرفوان هديك العفسة اكيد قريناها عند هذا الاستاذ،
و لو كان كل الاساتذة مثله لكانت الاجيال تخرج مش برك قارية و الحاجة لمليحة فيه انو ماشي زعما انا نقول مليح و آخر يقول لالا و انما كل الدفعة تشهد له بذلك،

و طبعا كنت ندي عندو أعلى علامة
حتى أنني في آخر امتحان عندو شويا عميتها و اكلت بهدلة يعني ماشي بزاف طلعت المقياس ب14 بهدلني قالي ماوليتيش قاع تقراي و كانت آخر علامة اخذتها في هذاك السداسي عندو و في العادة دائما علامته اعلى علامة (راني قلت هذاك السداسي ماشي معنتها دايما ندي مليح)، (يعني غاضتني عمري هداك النهار علاش يقولي هكاك ، و هو يعرف الوالد و قلت لوالدي روح قولو بلي غير عندك لي ماداتش كيما موالف بالاك ماتقولوش و مع التالي هو قال لوالدي راهي خدمت كي العادة هي تقرا بصح ماشي كيما موالف هبطت شويا ، و كاين زوج حاجات مايعجبونيش فيه خارج لقراية ،
الأولى كل حاجة يقولها لوالدي مزيا ماجيت ندير والو و ايضا اتكلم مع ابي في كل مرة باش كاشما يقولو يعرف واش يجيبه و لكن عادي لأنه يمدحني فقط ،
و الثانية مانقولهاش لكنه أستاذ رائع ربي يحفظو و يشافيه و بالنسبة للنقاط مش لانه يعرف والدي لانه كان جارنا و عامين و أنا نقرا في الجامعة و قراني و ماعلابالوش بلي بنت صاحبو ولا جارتهم أخخ و عرف بعد ذلك بالصدفة عندما كان يتكلم مع أبي و لكنه ليس جارنا دوكا )
المهم كنت اعتبره مثل والدي و هو يعتبرني ابنته الصغيرة لان ولادو و بناتو قاع كبار ،
هذا من الاساتذة الي حابين نديرولهم تكريم ان شاء الله ربي يقدرنا و مانخرجوش من الجامعة قبل تكريمه ،
واقيلا خرجت قاع على الموضوع هاعلاديك مانحبش مرات نكتب ،
كاشما تفكرت استاذ كيما الاستاذ الي حكيتلنا عليه نعاود نولي ،
شكرا على الموضوع

ما شاء أستاذ رائع ومميز، ويا ريت تكون كل الجامعات عندها استاذ في مثل علمه وأكثر
من ذلك أخلاقه، لأنو العلم بدون أخلاق نظن ما عندنا واش راح نديرو بيه، كما الاستاذ
هذاك بالرغم من المرض نتاعو (الله يشفيه ان شاء الله، وان شاء الله يكون مرضه عبارة
عن موجة وتفوت) وبالرغم من الغنى نتاعو إلا أنه يقري، وحاجة الي لاحظتها ان
الانسان الي يكون مثقف ومتعلم ووو ما يبانش عليه نلقاوه متواضع ومتخلق ووو وانما
الآخرين الله يهديهم تقول كاشي ما يحسب روحو كاشي عالم ولا وفي الاخير تلقى الناس
ما تفهمش عندو ووو.

حاجة الي عجبتني في الاستاذ هذاك أيضا أنه مهتم بالطلبة نتاعو وهاذي قليييل وين
نلقاوها في الجامعات وخاصة في هذا الوقت، لأنه راهو يقدم في مجهود، وراهو يتعب
صح وحاب يوصل الرسالة نتاعو للاجيال وحاب الطلبة نتاعو يتفقوا وينجحوا، والناس
هاذو ربي يكملهم ويزيدلهم في العلم، وربي يزيدلك أيضا من علمه أخت نادجو.

الاستاذ نتاعكم راهو فعلا يستحق التكريم وربي يبارك فيه وفي علمه.

عادي أخت نادجو ما خرجتيش عن الموضوع لأنو راكي تطرقتِ للاستاذ تفهمو
عندو مليح والناس كامل تحتارمو وتقدرو ^^ .. باين كون نقرا عندو نَلمْ بجوانب
التخصص كلها ههه، ربي يبارك أعجبني فعلا.

بارك الله فيك على مشاركتك لنا هذا الموضوع، والي يدل على أن الجزائر مازال فيها ناس
أكفاء، وناس تخاف ربي وتبلغ رسالتها على أكمل وجه، وممكن زيادة عن اللزوم، اي
انها تبذل مجهود أكثر وأكثر مما هو مقرر عليه.

ان شاء الله تتفكري كاشي استاذ آخر وتحكيلنا عليه ^^

الله يحفظك ودمت بخير

[غيثاء]

السلام عليكم و رحمة الله تعالى و بركاته


هذا استاذ كيما يقولو كل صبع بصنعة الله يحفظو ...هنيئا لكم بيه..في منطقتنا لا يوجد عبقري كهذا ..لكن اذكر ايام الجامعة كنا ندرس على المقاييس بالفرنسية بحكم الفرع... في مقياس الكيمياء الحيوية كان يدرسنا بروفيسور ملقبينو ب france24 لتمكنه الشديد من الفرنسية فهو لا يلفظ ولو سهوا الكلمات بالعربية ...و كانت محاظرته الاروع دوما لانه مرح و متميز ...شكرا للطرح سيف دمت بود

[سيف الدين]

المشاركة الأصلية كتبت بواسطة غيثاء

السلام عليكم و رحمة الله تعالى و بركاته


هذا استاذ كيما يقولو كل صبع بصنعة الله يحفظو ...هنيئا لكم بيه..في منطقتنا لا يوجد عبقري كهذا ..لكن اذكر ايام الجامعة كنا ندرس على المقاييس بالفرنسية بحكم الفرع... في مقياس الكيمياء الحيوية كان يدرسنا بروفيسور ملقبينو ب france24 لتمكنه الشديد من الفرنسية فهو لا يلفظ ولو سهوا الكلمات بالعربية ...و كانت محاظرته الاروع دوما لانه مرح و متميز ...شكرا للطرح سيف دمت بود

وعليكم السلام ورحمة الله وبركاته

الله يبارك فيكم، ما شاء الله على أستاذكم ربي يبارك فيك ويكثر من أمثاله ^^
شكرا جزيلا لك أخت غيثاء على مشاركتك لنا هذا الموضوع

دمت بخير وعافية