ما رأيكم في سياسة هذا الزوج ^^

[سيف الدين]

السلام عليكم ورحمة الله وبركاته

ان شاء الله يكون جميع رواد المنتدى بخير وعافية ^^

المهم في واحد المنتديات شفت واحد الموضوع يتحدث عن علاقة الزوج بزوجته
وأمه وطريقة علاجه للمشاكل

دخل من الخدمة للدار ميت بالعيا ..قابلاتو يماه : (( شوف أنا مرتك ما وليتش نحملها نهار كامل و هي مقابلة المراية ما تخدمش كيما حنا ما طيبش كيما حنا ..دير كلش من راسها ))
(( خلاص يما لعزيزة ما تتقلقيش دوك نروح ليها و نفهمها))...طلع للشومبرا ....لقى مرتو مشنفة ..بدا يعيط و يسمع في يماه (( ما نحبش نزيد نسمع يما زعفانة على جالك فهمتي أنا يما هي كلش لازم تشاوريها في كلش فهمتي ))
العجوزة يماه راهي تسمع و ميتة بالفرحة....
ثم اقترب من مرتو و عنقها (( وشراهي عمري المشنفة ديالي لي زعفتها مامايا ....أسمعي ساعفيها شوية راكي تعرفي الكبار نتي شاوريها ما خسرتي والو و الله غير تحبك و شحال من مرة تقلي اتهلا فيها )) و بقى يفهم فيها و يدرلها العقل و ما خرجش حتى شاف ابتسامتها
راح ليماه قاتلو (( صحيت يا وليدي البنات تاع دوك لازملهم التزيار ...ما ترخيلهاش الحبل تطلع فوق راسك ....اييييه الحمد لله اعطاني ربي ولد طايعني روح ربي ينورها في طريقك ))
(( شوفي يما انا صح عيطت عليها على جالك و فهمتها و بكيتها بصح هي راهي كيما بنتك نتي تحبي بنتك تكون ماشي مهنية ؟؟ شوفي هي قاتلي راني نحبها و نحترمها بصح نحب نوريلها شطارتي ...و خليها يما دير واش تعرف راكي تعرفي البنات تاع دوك ماشي كيما نتوما بكري هوما يحبو المسلسلات ما ينوضوش بكري كيما ختي ..كيفكيف هه)).... و بقى يقنع فيها
غد من داك جاب 3 قرع ريحة خبى الثالثة و اخذ لمرتو 2. و قالها (( وحدة ليك و وحدة ليما و يما قاتلي هي تخير اللولة تدي لي عجبتها )) الزوجة ماتت بالفرحة و خيرت
جبد الثانية و اخذ ليماه 2 (( وحدة ليك و وحدة لكنتك بصح هي قاتلي يماك تخير اللولة هي احق مني )) القرعة لخرا طبعا لاختو ههه يماه ماتت بالسعادة و حن قلبها على عروستها و بدات المفاهمة

#‏العبرة
هكدا الرجل ما يرضيش وحدة على حساب وحدة ...بالذكاء و الحكمة يفرح مرتو و يكسب دعاوي الخير من يماه و يصلح بيناتهم

واش رأيكم تنفع هذيك الطريقة أو لا في حل المشاكل

الموضوع للدردشة

وشكرا

[nadjofeva]

المشاركة الأصلية كتبت بواسطة سيف الدين

السلام عليكم ورحمة الله وبركاته
و عليكم السلام و رحمة الله و بركاته

ان شاء الله يكون جميع رواد المنتدى بخير وعافية ^^
الحمد لله

المهم في واحد المنتديات شفت واحد الموضوع يتحدث عن علاقة الزوج بزوجته
وأمه وطريقة علاجه للمشاكل



واش رأيكم تنفع هذيك الطريقة أو لا في حل المشاكل

الموضوع للدردشة

وشكرا

يبدو أنها نفعت ، و هذا الرجل وجد طريقة لكي يرضي الطرفين و ما يظلم حتى وحدة و تصرف ذكي منه أحسن من أن يلقي اللوم على واحدة و تتفاقم الأمور (هي فيها شويا كذب) بصح نشوفو الجانب الاجابي و بما أن هذه المشاكل تتكرر يوميا ان لم تعالج ، أرى انها طريقة جيدة ، مليح يزرع المحبة بيناتهم ..
(بصح الأخت مسكينة تدي لي بقات ههه)
شكرا

[سيف الدين]

المشاركة الأصلية كتبت بواسطة nadjofeva

يبدو أنها نفعت ، و هذا الرجل وجد طريقة لكي يرضي الطرفين و ما يظلم حتى وحدة و تصرف ذكي منه أحسن من أن يلقي اللوم على واحدة و تتفاقم الأمور (هي فيها شويا كذب) بصح نشوفو الجانب الاجابي و بما أن هذه المشاكل تتكرر يوميا ان لم تعالج ، أرى انها طريقة جيدة ، مليح يزرع المحبة بيناتهم ..
(بصح الأخت مسكينة تدي لي بقات ههه)
شكرا

نعم صحيح، وخاصة في حالة إن عاشت الحماة مع الكنة اضافة إلى أخت الزوج، في مثل
هذه البيوت قليلا ما نجد التفاهم وحسن المعاملة، إلا اذا كان فيهم واحد إنسان واعي
ويجيد الطرق الملتوية في التوفيق بين الأطراف، طبعا الواحد في بعض الأحيان يضحي
بصدقه - أي يكذب - لتجنب تفاقم المشاكل.

بشأن أخت الزوج كون عطالها زوج روايح على أساس أن زوجته تفضل أن تختار أخت
الزوج الرائحة المميزة والمتبقية لها .. هكذا لكي يظمن شقيقته في صف زوجته، لأنه
في بعض البيوت أخوات الزوج يقفون وراء المشاكل، لانو تروح لأمها وتعمل حملة
تشويه سمعة زوجة الأخ، وطبعا ممكن الغيرة أيضا تلعب الدور ..

الله يصلح أحوال بيوت المسلمين ليَعُم التفاهم وحسن المعاشرة بين أفراد الأسرة سواء
كانت كبيرة أو صغيرة .. وبارك الله فيك أخت الكريمة نادجو على هذه المداخلة

حفظك الله ورعاك ^^

[متأثرة]

هاذي كامل ماتدخليش في عقلي شكووون يدييييييرها ههههههههههههههه

[سيف الدين]

المشاركة الأصلية كتبت بواسطة متأثرة

هاذي كامل ماتدخليش في عقلي شكووون يدييييييرها ههههههههههههههه

أممم ممكن الزوج الدبلوماسي، أو الزوج الذي يتمتع بحكمة ^^
شكرا لك أخت الكريمة على المرور وعلى تواجدك في الموضوع

الله يوفقك