كيفاش كانت العادات عندكم و هل تغيرت و كيفاش ولات ؟

[nadjofeva]

السلام عليكم و رحمة الله و بركاته
كيف حوالكم جميعا ؟؟ ان شاء الله الكل بخير



في كل المواسم و في فصل الصيف على وجه الخصوص نسمعو بالخطبة والأعراس بزاف سواء عند الأهل و الأقارب أو الجيران و الناس عموما ،
و كثيرا ما يتبادر الى ذهن البعض "المهر" و قيمته و العادات و التقاليد و ماتأخذه العروس اليوم ، و ما يأخذه العريس ، و كل الاضافات لي ولاو يديروها،
و مانسمعه كل مرة خاصة في بعض الولايات (لن أذكر اي ولاية أو منطقة باش مكاش الي يزعف بالرغم اني متأكدة من الأمر ، صدمت كي شفت الناس واش راهي ادير و شحال يكلفو رواحهم سواء العريس الرجل أو العروسة ، لذلك أترك لكم الأمر ليتحدث كل منكم على ولايته ) ،

و الغريب في الأمر على عكس ما يعتقده البعض أن المرأة و أهلها فقط يبالغون في المهر،
فحتى الشباب أصبحوا يكلفون أنفسهم من دون طلب، خشية أن يقول فلان قصّر أو فلان أفضل من فلان و كلام الناس ،
و المشكلة تجده شاب بسيط قدو قد روحو و لكن يكلف نفسه كثيرا و حتى لي عندو يبذر كثيرا .

المهم موضوعنا اليوم للدردشة ليس عن غلاء المهر و رأي الشرع ، .. ووو فكلها أمور يعرفها معضمنا
و لكن لا يطبقها الجميع،بل عن العادات و التقاليد في ولايتكم أو منطقتكم و عائلتكم،

كيف تكون الخطبة عندكم؟
كم بلغ المهر ؟
واش تدي العروسة؟
واش يدي العريس؟
كيف تجري الأعراس عندكم؟ واش يديرو فيها و الحلويات؟ و هل بدأت عندكم ظاهرة استبدال الحلويات بالفواكه ؟
هل بدأ البعض يتخلون عن الأغاني و يستبدلونها بالأناشيد أو على الأقل يستعملون ألفاظ و كلمات لائقة ؟
مراسم الزفاف و غيرها من التفاصيل من الخطبة الى يوم الزفاف، باش نشوفو كل ولاية كيفاش .

اليكم الخط
.
.
.

-------------------------------
ربي يرزق كل عضو و عضوة والزوار و الزائرات الزوج الصالح الطيب و الزوجة الصالحة الطيبة ، و ربي يهني كل المتزوجين و المتزوجات ،
و المقبلين على الزواج في كل مكان.

Nadjo

[سجل..انا جزائرية]

السلام عليككم و رحمة الله و برككاته
اهلا اختي ناجو ، كي راكي غايا ؟ ،
موضوعك جا ني على القوسظو خخ ، خاصة و انو احنا هاذ الايام رانا نجهزو لفرح خويا ،ربي يتمملو ان شاء الله
بالمناسبةاهل البيت راكم قاع معروضين تجو عند مركي تعرسو
بون نحكيلك على اعراس دارنا و الاعراس الي حضرتهم ، كانو بكري يديرو غي فالدار دوك كثرتهم راهم يفضلو لي صال المهم ماعلينا
من عاداتنا ، نهار الخظبة يتفاهمو الرجالة برك على العمامة اي المهر و الذهب اما النسوة فيتفاهمو على الجهاز نتاع العروسة
عندنا احنا المهر ما يغلوهش بزاف ، كثرتهم يديرو 8 ملاين ، و سمعت بلي في وهران كي يكثرو 5 ملاين
اما الذهب اذا ما شرظتش العروسة فيكون سنسلة و خاتم و منقوش و سباعيات او زوج مسيايس
وما ننساوش الجهاز ،،،، هذا الي ظورو فيه بزاف صوالح مثل الصباظ و غيرو
اهم شي يديروه فيه هو زوج لبسات الي تتصدر فيهم العروسة >> زوج ولا نتي و ما تحبي العدد
كاين الي يدير كاراكو و قفظان و كاين الي يديرو بلوزة و قفظان و كاين و كاين ، شوفي نتي و دراهمك و شايشرظو عليك
هذي في حالة ما مدوش دراهم
لانو كاين حالة اخرى وين راهم يمدو كلشي دراهم يعني تقوملك الذهب و الجهاز و المهر و تمدهملك دراهم و نتي اشري الي يغيتي ، و هاذ احالة افضل من ناحية المصروف تع سيدنا العريس خخخ
الدراهم الي يمدوهم يكونو بين 20 مليون حتى لل 30 مليون ، و كاين ناس تساعد تظلب اقل
عاداتنا نهار عرس الظفلة يعني الحنة ، يديرو فذاك النهار الفاتحة تع الشيخ ، و في نفس الوقت العروسة تتصدر
اول حاجة تلبسها عندنا فالغرب هي الشدة و بعدها الكاراكو ، و بعدها كيما تحب ، دوك راهم ينوعو قبايلية قفظان هندية و و و ...
نهار تلبس الشدة و تخرج بيها ، اهل العريس يجيبو قشهم الي داروهلها و يحظوه قدامها
بكري كانو يبروحو بكلش ضك بظلو ، يبرحو بالذهب برك
اضافة للجهاز و الذهب لازم اهل العريس يجيبو معاهم القاظو و التبق و الحلوى
يحنو للعروسة و هي لابسة الشدة و بعدها كي تبدا تلبس قشها و تقرب تكمل يقسمو قاظوهم
يكونو 5 انواع على الاقل مع الحلوى 6 انواع على الاقل
التبق الي يجيبوه ظبعا معروف و يتباع،، يجي فيه الشمع و الحنة و و و و يزيدو هوم فيه الريحة و الشومبوا و و و ..

و نهار العرس ايضا ماكاش اختلاف كبير ، اول حاجة لازم تلبسها العروسة هي الشدة التلمسانية
برك كاين فرق ، هاذ المرة كي تخرج بالشدة و تبدا تتصدر ، يحظو غي قاظوها -الي ديجا جابتو- فوق الظابلة قدامها يعني ماكاش الذهب و التبق و الجهاز ، يحظو غي القاظو برك و ظبعا كاين الي تبغي تتفنن و تجيبو في لي بوات و كاين الي تديرو في سلل و تزوقو شباب ، يعني كل وحدة و ذوقها

غدوة من ذاك العرس ، لازم على اهل العريس يخبزو الرفيس
يقولك لازم العروسة تشم ريحتو و تاكلو خخخ هذي العادة الي ما فهمتش سبتها لحد الان

و اهلها لازم كي يجو راجعين لدارهم ، لازم يدو معاهم عشاهم كيما يقولو ، يكون قصعة ظعام و لحم ( رجلة و لا حاجة هك )
اضافة الى هدايا ، الكبار يمدولهم كثرتها كتان مع خمار و حنة و الصغارات كل وحدة و كيفاه تمدي عبايات ..ريحة .. ساعة ..الخ

امممممممم هذو هوما نظن الفرق بين اعراس الغرب و الشرق و الجنوب
برك كاين عادة عند ناس مستغانم ، عندهم العروسة كي تبدا تلبس و كي تخرج تروح تقعد فوق قصعة سبيسيال و يجيبو مراة كبيرة تديرلها الحنة ( مشي تحنيلها نيشان لالا غي العلبة تحظها في يدها )
و بعدها يرمو عليها ( العروسة ) الحلوى ، و في نفس الوقت المداحات راهم يضربو ، هممم توحشت عراسهم خخ

كاين ايضا اعراس الي يديروهم غي بالاناشيد كيما قلتي و كاين ناس ما تبغيش مامبا تدير عرس تعشي برك و كلش بالسكات يعني لا ديجي لا والو


بالنسبة لي تديه العروسة ضوك كل وحدة تبغي تزوخ على اختها خخخ و تروح تزيد على روحها/ عقليتنا الله غالب /
زيادة على قشها نورمال حتى هي تمد هدايا لاهل العريس ..والديه ، خوتو و لافامي المقربين
و الهدايا كيفكيف تمد سجادة كتان عبايات ريحة ديودوغون ساعات سرابيت صابون الخ

و عندنا بعد العرس عادة هي الحمام ، لكن كثرتهم بظلوه ، يدو العروسة للحمام و اهم حاجة يدوها معاهم هي القاظو ( فاني خخ ) ، و ظبعا يقسموه على الناس الي يلقاوهم فم

اذا كشما تفكرت عادة نسيتها راني نجي نقولكم ،، اي واه نسيت القرقابو
عندنا واحد العاد اكثر حاجة نبغيها ، نهار يروحو العراسة يديبو العروسة ، لازم يدو معاهم قرقابو
و هذا قرقابو هو سيارة تكون تويوتا لا حاجة ، يركبو فيها ناس سبيسال كل واحد في يدو الة ، تصيبي دربوكة و الناي و بزاااف
اما ناس مستغانم عندهم يسموه عيساوى ، و تكون الاات و العزف مختلف ، لكن و الله ماعلاالي شاهي الفرق عندهم فالالات

نظن هذا ماكان ، مشكورة ناجو على الموضوع ، قد تكون لي عودة للتعقيب

[سيف الدين]

وعليكم السلام ورحمة الله وبركاته

الحمد لله بخير ^^

أجدني قليل المعرفة في هذا الموضوع ولا أعلم عنه الكثير، واطلاعي عليه محدود

أظن أن العادات والتقاليد في مجتمعنا الجزائري في هذا الموضوع بدأت تتغير، مثلا من قبل
لم نعد نسمع عن صالات الأعراس ولا نسمع عن فرق الخيالة ولا عن البارود، ممكن يكون
الخيل والبارود منتشر في مناطق أخرى اي في مدن المجاورة لنا ولكن أصبح الآن أعم في
منطقة أوراس أو عند الشاوية ..

كيف تكون الخطبة عندكم؟

فترة الخطبة هنا عندنا نظن أنها تمر بـ3 مراحل : المرحلة الأولى أين يذهب الخاطب
برفقة اشخاص كبار مثل والده وعمه وو لطلب يد الفتاة من ولي أمرها، وهنا ينتضر
الخاطب فترة ربما أسبوع أو أكثر أو أقل اذا كان فيه قبول أو رفض لطلب يد ابنتهم
المرحلة الثانية: وبعد القبول تذهب النساء لرؤية الفتاة وو ليتفقوا على الأمور، المرحلة
الثالثة لست أدري ما يأخذون للفتاة، ولكن هنا في هذه المرحلة تحس وكأنه عرس
لأنهم يعرضوا الناس وفيه قهوة والحلويات وو.

كم بلغ المهر ؟

المهر عندنا 15 مليون سنتيم، ومؤخرا في المدن المجاورة داخل الولاية
ارتفع إلى 20 مليون سنتيم.

واش تدي العروسة؟

واش يدي العريس؟

الله أعلم

كيف تجري الأعراس عندكم؟ واش يديرو فيها و الحلويات؟

الأعراس عند الشاوية معروفة كما قلت سابقا، بالخيل والبارود، والاكل في يوم العرس
فيه الك*** وطاجين الحلو والشربة (نتاع الفريك) والحميص، طبعا الفواكه
والمشروبات الغازية. ولما ينهون الأكل يأخذون طابق او علبة تحتوي على الحلويات.

هنا في مدينتي لا توجد ثقافة صالات الأعراس وأيضا المفرقعات، أظن أن البارود
بصوته المدوي يكفي

و هل بدأت عندكم ظاهرة استبدال الحلويات بالفواكه ؟

الله أعلم لأنه أصلا في بعض من الأعراس لا توجد الحلويات، والفواكه موجودة.

هل بدأ البعض يتخلون عن الأغاني و يستبدلونها بالأناشيد أو على الأقل يستعملون ألفاظ و كلمات لائقة ؟

أصلا هنا عندنا الإنسان المحافظ يستعمل الأناشيد، وغيره يستعمل الأغاني ولست أدري
ان كان نوع الغناء فاحش أم لا لأنني لا أركز ما يغني.

في العرسين اللذان حضرتهما لاثنين من أعمامي هنا في بيتنا، لم تكن فيه فرقة من
الخيل او البارود، كما لم يكن فيه الغناء، وانما كانت فيه المفرقعات وايضا الدف
(البندير) مع غناء النساء، وأحيانا الأناشيد، بخصوص الطعام يوم العرس مثلما قلت
سابقا، إضافة أننا بعد أيام لا أتذكر كم قمنا بعمل شخشوخة ودعوة أهل العروسة، وفي
أثناء فترة الخطبة تقدم الهدايا في المناسبات وفيها اللباس والنقود والفواكه والحلويات
وو.

هذا ما أعرف ، شكرا جزيلا لك أخت الكريمة نادجو على الموضوع


دمت بخير وعافية، والسلام عليكم ورحمة الله

[سجل..انا جزائرية]

السلام عليكم

الله أعلم لأنه أصلا في بعض من الأعراس لا توجد الحلويات، والفواكه موجودة.

هاذ الجزء من كلامك خلعني تصدق ، سبحان الله احنا عكسكم
اهم عاداتنا لازم كل انواع الحلويات موجودة عكس الفواكه ما تصيش
كاين غي التمر برك ، يقدموه للعريسين هذا ما كان
لكن بيني و بينك عادة الفاكهة افضل =)

[سيف الدين]

المشاركة الأصلية كتبت بواسطة مركـي..أكمل الفرآغ

السلام عليكم




هاذ الجزء من كلامك خلعني تصدق ، سبحان الله احنا عكسكم
اهم عاداتنا لازم كل انواع الحلويات موجودة عكس الفواكه ما تصيش
كاين غي التمر برك ، يقدموه للعريسين هذا ما كان
لكن بيني و بينك عادة الفاكهة افضل =)
[/CENTER]

وعليكم السلام ورحمة الله وبركاته

الحلويات يعني يجب أن تتوفر يوم العرس ؟!!، نظن انه عندنا (هنا) فيه أمور الانسان
حر فيها، وبامكانه أن يغيّر من الطريقة، نسيت نقول السلطة ربما تقولي (حال ما
يديروش السلطة!!) ههه

وانا كنت أقول لماذا المهر عندم ليس بالغالي ههه، يعني يذهب كله في التحضير
ليوم العرس، وحسب ما أرى أنه عندكم جد ملّكف .

نسيت أن أبارك لكم ولأخيك الكريم العروسة، والعقبال للذرية الصالحة وربنا يتم
الأمور على خير، وان شاء الله يمر العرس عندكم أفضل من الأعراس الأخرى ^^

وشكرا جزيلا، واعتذر من الأخت الكريمة نادجو على المداخلة ^^.

والسلام عليكم

[nadjofeva]

المشاركة الأصلية كتبت بواسطة مركـي..أكمل الفرآغ

السلام عليككم و رحمة الله و برككاته

و عليكم السلام و رحمة الله و بركاته

اهلا اختي ناجو ، كي راكي غايا ؟ ،
الحمد لله بخير سوال عليك

موضوعك جا ني على القوسظو خخ ، خاصة و انو احنا هاذ الايام رانا نجهزو لفرح خويا ،ربي يتمملو ان شاء الله
اللهم آمين ربي يهنيهم و يعاونكم في التجهيزات

بالمناسبة هل البيت راكم قاع معروضين تجو عند مركي تعرسو
هيا امالا ارواحي ديني ..

بون نحكيلك على اعراس دارنا و الاعراس الي حضرتهم ، كانو بكري يديرو غي فالدار دوك كثرتهم راهم يفضلو لي صال المهم ماعلينا
حنا لحد الآن مازال بزاف يديرو في الدار بصح كاين لي ولاو يديرو في لاصال ..
من عاداتنا ، نهار الخظبة يتفاهمو الرجالة برك على العمامة اي المهر و الذهب اما النسوة فيتفاهمو على الجهاز نتاع العروسة
حنا (لقبايل) الرجال يتفاهمو على الهنا و برك و النساء أيضا ببساطة عندنا مكاش لا دراهم و لا أي شروط مادية يطلبها اهل لعروسة و أهل العريس يجيبو وش يحبو يعني من عندهم و على حسابهم و لحد الآن مازال متمسكين بيها و كاين لي بداو يتخلاو عنها و بدات تقيسهم عدوى المهر الغالي ..
عندنا احنا المهر ما يغلوهش بزاف ، كثرتهم يديرو 8 ملاين ، و سمعت بلي في وهران كي يكثرو 5 ملاين
5 ملاين بزاف مقارنة بعاداتنا بصح كاين ولايات من 20 مليون للفوق يعني 5 ل8 راهم فيهم الرحمة مليح كي مازال مازادوش عندكم ..

اما الذهب اذا ما شرظتش العروسة فيكون سنسلة و خاتم و منقوش و سباعيات او زوج مسيايس
وما ننساوش الجهاز ،،،، هذا الي ظورو فيه بزاف صوالح مثل الصباظ و غيرو
اهم شي يديروه فيه هو زوج لبسات الي تتصدر فيهم العروسة >> زوج ولا نتي و ما تحبي العدد
كاين الي يدير كاراكو و قفظان و كاين الي يديرو بلوزة و قفظان و كاين و كاين ، شوفي نتي و دراهمك و شايشرظو عليك
لالا حنا عندنا كل وحدة على حساب مقدورها فيما يخص التصديرة ماشي شرط ادير شحال من لبسة و كل وحدة كيفاش تبدا عادي و كل شيء من عند لعروسة مايشرطوش لبسة ني ذهب و اهل لعريس يجيبو الطبق على حساب واش يقدرو و الدراهم عندنا وحد لعادة يجيبو الشاش ويديرو فيه مبلغ من المال و يرفد منو أهل العروسة "والد العروسة " كيما يحب و عادة عندنا يرفد مبلغ رمزي فقط يعني كيما بكري شويا بالاك يرفد 50 دج و دوكا قادر يرفد 500دج مثلا فقط ..
هذي في حالة ما مدوش دراهم
لانو كاين حالة اخرى وين راهم يمدو كلشي دراهم يعني تقوملك الذهب و الجهاز و المهر و تمدهملك دراهم و نتي اشري الي يغيتي ، و هاذ احالة افضل من ناحية المصروف تع سيدنا العريس خخخ
الدراهم الي يمدوهم يكونو بين 20 مليون حتى لل 30 مليون ،
30 مليون كارثة ههه مسكين الشاب عندو مايصرف ، ربي يعينهم ..
و كاين ناس تساعد تظلب اقل
عاداتنا نهار عرس الظفلة يعني الحنة ، يديرو فذاك النهار الفاتحة تع الشيخ ، و في نفس الوقت العروسة تتصدر
ايه مام عندنا بكري هكاك و اذا يسكنو بعيد دار لعريس يباتو ثما و في الغد يدوها ..
اول حاجة تلبسها عندنا فالغرب هي الشدة و بعدها الكاراكو ، و بعدها كيما تحب ، دوك راهم ينوعو قبايلية قفظان هندية و و و ...
نهار تلبس الشدة و تخرج بيها ، اهل العريس يجيبو قشهم الي داروهلها و يحظوه قدامها
بكري كانو يبروحو بكلش ضك بظلو ، يبرحو بالذهب برك
هادي تع يبرحو بالذهب مكاش عندنا و دوكا ماسمعتش اذا راهم يديروها، لا أعلم اذا كاين لي يديرها عندنا و اللبسة بكري كل وحدة و مقدورها مكاش تع لازم تلبس هاديك ولا هاديك و عندنا الحاجة لي تقريبا قاع يديروها هي لاغوب كابيل و تخرج بالبرنوس ..

اضافة للجهاز و الذهب لازم اهل العريس يجيبو معاهم القاظو و التبق و الحلوى
يحنو للعروسة و هي لابسة الشدة و بعدها كي تبدا تلبس قشها و تقرب تكمل يقسمو قاظوهم
يكونو 5 انواع على الاقل مع الحلوى 6 انواع على الاقل
التبق الي يجيبوه ظبعا معروف و يتباع،، يجي فيه الشمع و الحنة و و و و يزيدو هوم فيه الريحة و الشومبوا و و و ..

و نهار العرس ايضا ماكاش اختلاف كبير ، اول حاجة لازم تلبسها العروسة هي الشدة التلمسانية
برك كاين فرق ، هاذ المرة كي تخرج بالشدة و تبدا تتصدر ، يحظو غي قاظوها -الي ديجا جابتو- فوق الظابلة قدامها يعني ماكاش الذهب و التبق و الجهاز ، يحظو غي القاظو برك و ظبعا كاين الي تبغي تتفنن و تجيبو في لي بوات و كاين الي تديرو في سلل و تزوقو شباب ، يعني كل وحدة و ذوقها

غدوة من ذاك العرس ، لازم على اهل العريس يخبزو الرفيس
يقولك لازم العروسة تشم ريحتو و تاكلو خخخ هذي العادة الي ما فهمتش سبتها لحد الان

و اهلها لازم كي يجو راجعين لدارهم ، لازم يدو معاهم عشاهم كيما يقولو ، يكون قصعة ظعام و لحم ( رجلة و لا حاجة هك )
هادو حتى نسقسي عليهم لأني شويا معلاقاش مع هذه الأمور ماعلاباليش كيفاش يديرو علبالي غير يجيبو الطبق ..

اضافة الى هدايا ، الكبار يمدولهم كثرتها كتان مع خمار و حنة و الصغارات كل وحدة و كيفاه تمدي عبايات ..ريحة .. ساعة ..الخ
الهدايا كاين لي يديروها عندنا تدي هدايا رمزية لأهل العريس والديه و اخواته .. يعني لقراب برك و الزوج ..
امممممممم هذو هوما نظن الفرق بين اعراس الغرب و الشرق و الجنوب
و الوسط او الشمال مساكن نسيتيهم
برك كاين عادة عند ناس مستغانم ، عندهم العروسة كي تبدا تلبس و كي تخرج تروح تقعد فوق قصعة سبيسيال و يجيبو مراة كبيرة تديرلها الحنة ( مشي تحنيلها نيشان لالا غي العلبة تحظها في يدها )
و بعدها يرمو عليها ( العروسة ) الحلوى ، و في نفس الوقت المداحات راهم يضربو ، هممم توحشت عراسهم خخ

كاين ايضا اعراس الي يديروهم غي بالاناشيد كيما قلتي و كاين ناس ما تبغيش مامبا تدير عرس تعشي برك و كلش بالسكات يعني لا ديجي لا والو
في الوسط من بكري كاين عائلات يديرو غناء شويا ملتزم و أعراسهم محترمة نوعا ما و دوكا بزاف بداو يديرو أعراس غير بالأناشيد و تخلاو على الأغاني ..

بالنسبة لي تديه العروسة ضوك كل وحدة تبغي تزوخ على اختها خخخ و تروح تزيد على روحها/ عقليتنا الله غالب /و
سمعت عن مناطق بدون تسميتها بلي المرأة ولات تدي كل شيء شغل هي تعمر الدار و بزاف يبالغو ..

زيادة على قشها نورمال حتى هي تمد هدايا لاهل العريس ..والديه ، خوتو و لافامي المقربين
و الهدايا كيفكيف تمد سجادة كتان عبايات ريحة ديودوغون ساعات سرابيت صابون الخ

و عندنا بعد العرس عادة هي الحمام ، لكن كثرتهم بظلوه ، يدو العروسة للحمام و اهم حاجة يدوها معاهم هي القاظو ( فاني خخ ) ، و ظبعا يقسموه على الناس الي يلقاوهم فم
اممم تع الحمام مكاش عندنا تماما و حتى ان طلبوا ذلك عادة ترفض المرأة ..

اذا كشما تفكرت عادة نسيتها راني نجي نقولكم ،،
أكيد مرحبا بيك في كل وقت
اي واه نسيت القرقابو عندنا واحد العاد اكثر حاجة نبغيها ، نهار يروحو العراسة يديبو العروسة ، لازم يدو معاهم قرقابو
و هذا قرقابو هو سيارة تكون تويوتا لا حاجة ، يركبو فيها ناس سبيسال كل واحد في يدو الة ، تصيبي دربوكة و الناي و بزاااف
اما ناس مستغانم عندهم يسموه عيساوى ، و تكون الاات و العزف مختلف ، لكن و الله ماعلاالي شاهي الفرق عندهم فالالات
والدتي من الغرب الجزائري (ماشي أصلهم) و نسمع بلي كاين بعض هذه العادات و كنت نشوفهم كي نكونو في الغرب و أقصد ولاية معينة و حتى الخيل لكن بما أننا قبايل فماكانوش يطبقو عادات الغرب و انما تع لقبايل (عائلتنا ) و لكن في الوسط و العاصمة كاين لي يديرو الزرنة و كاين لي مايديروش .. (معليش كل مرة وش نقولكم حنا شويا من كل بلاصة يعني وسط غرب و قبايل أكيد) ..

نظن هذا ماكان ، مشكورة ناجو على الموضوع ، قد تكون لي عودة للتعقيب
اهلا بيك مركي سرتني مشاركتك

[nadjofeva]

المشاركة الأصلية كتبت بواسطة سيف الدين

وعليكم السلام ورحمة الله وبركاته
الحمد لله بخير ^^
أجدني قليل المعرفة في هذا الموضوع ولا أعلم عنه الكثير، واطلاعي عليه محدود
(ربما نحن أكثر لأننا نادرا في بيتنا وين نحضرو لعراس فقط أقارب الأقارب و لكن عادي )

أجدني قليل المعرفة في هذا الموضوع ولا أعلم عنه الكثير، واطلاعي عليه محدود
(ربما نحن أكثر لأننا نادرا في بيتنا وين نحضرو لعراس فقط أقارب الأقارب و لكن عادي )

أظن أن العادات والتقاليد في مجتمعنا الجزائري في هذا الموضوع بدأت تتغير، مثلا من قبل
لم نعد نسمع عن صالات الأعراس ولا نسمع عن فرق الخيالة ولا عن البارود، ممكن يكون
الخيل والبارود منتشر في مناطق أخرى اي في مدن المجاورة لنا ولكن أصبح الآن أعم في
منطقة أوراس أو عند الشاوية ..

صحيح بدأت تتغير عند البعض

فترة الخطبة هنا عندنا نظن أنها تمر بـ3 مراحل : المرحلة الأولى أين يذهب الخاطب
برفقة اشخاص كبار مثل والده وعمه وو لطلب يد الفتاة من ولي أمرها، وهنا ينتظر
الخاطب فترة ربما أسبوع أو أكثر أو أقل اذا كان فيه قبول أو رفض لطلب يد ابنتهم
المرحلة الثانية: وبعد القبول تذهب النساء لرؤية الفتاة وو ليتفقوا على الأمور، المرحلة
الثالثة لست أدري ما يأخذون للفتاة، ولكن هنا في هذه المرحلة تحس وكأنه عرس
لأنهم يعرضوا الناس وفيه قهوة والحلويات وو.

ايه دوكا كاين لي ولاو يديرو حفلة بعد الخطبة ، حنا بكري عندنا مكاش مباشرة العرس لكن الآن تغيرت الأمور

المهر عندنا 15 مليون سنتيم، ومؤخرا في المدن المجاورة داخل الولاية
ارتفع إلى 20 مليون سنتيم.

بدون تعليق حتى في الوسط كاين لي راهم يلحقوا هذا المبلغ لكن عادة لا يتجاوز 15 مليون سنتيم

الأعراس عند الشاوية معروفة كما قلت سابقا، بالخيل والبارود، والاكل في يوم العرس
فيه الك*** وطاجين الحلو والشربة (نتاع الفريك) والحميص، طبعا الفواكه
والمشروبات الغازية. ولما ينهون الأكل يأخذون طابق او علبة تحتوي على الحلويات.
حنا يديرو هكا في قاعة الحفلات في الدار أحيانا يديرو الطعام "الك***ي" او ***كو بالقبايلية و تختلف طريقة التقديم سابقا دوكا كاين لي يديرو أطباق مختلفة و حلويات ..

هنا في مدينتي لا توجد ثقافة صالات الأعراس وأيضا المفرقعات، أظن أن البارود
بصوته المدوي يكفي

الله أعلم لأنه أصلا في بعض من الأعراس لا توجد الحلويات، والفواكه موجودة.

هذه أصبحوا يقومون بها في العاصمة و صحيا هي أفضل و حتى ماديا أقل تكليفا من الحلويات (حبة قاطو قد تصل الى 70 دج أو 90 دج ) ماشي كيما يعطو حبة بنان و تفاح ..

أصلا هنا عندنا الإنسان المحافظ يستعمل الأناشيد، وغيره يستعمل الأغاني ولست أدري
ان كان نوع الغناء فاحش أم لا لأنني لا أركز ما يغني.

في العرسين اللذان حضرتهما لاثنين من أعمامي هنا في بيتنا، لم تكن فيه فرقة من
الخيل او البارود، كما لم يكن فيه الغناء، وانما كانت فيه المفرقعات وايضا الدف
(البندير) مع غناء النساء، وأحيانا الأناشيد، بخصوص الطعام يوم العرس مثلما قلت
سابقا، إضافة أننا بعد أيام لا أتذكر كم قمنا بعمل شخشوخة ودعوة أهل العروسة، وفي
أثناء فترة الخطبة تقدم الهدايا في المناسبات وفيها اللباس والنقود والفواكه والحلويات
وو.

عندنا أيضا تغني النساء (لكبار) بدلا من الغناء و يديرو البارود .. تفاصيل أخرى حتى أنا لا أعلم

هذا ما أعرف ، شكرا جزيلا لك أخت الكريمة نادجو على الموضوع

لا عليك ، العفو شكرا على المرور الطيب و المشاركة معنا

دمت بخير وعافية، والسلام عليكم ورحمة الله

(اعذرونا على الاطالة في الرد عليكم مشكلة في التنسيق)..
و دمتم بألف خير و عليكم السلام و رحمة الله و بركاته

[nadjofeva]

المشاركة الأصلية كتبت بواسطة سيف الدين

وعليكم السلام ورحمة الله وبركاته

الحلويات يعني يجب أن تتوفر يوم العرس ؟!!، نظن انه عندنا (هنا) فيه أمور الانسان
حر فيها، وبامكانه أن يغيّر من الطريقة، نسيت نقول السلطة ربما تقولي (حال ما
يديروش السلطة!!) ههه

وانا كنت أقول لماذا المهر عندم ليس بالغالي ههه، يعني يذهب كله في التحضير
ليوم العرس، وحسب ما أرى أنه عندكم جد مكلف .

وشكرا جزيلا، واعتذر من الأخت الكريمة نادجو على المداخلة ^^.

والسلام عليكم

لم أنتبه جيدا لهذا الجزء حتى ردت الأخت مركي ،
ليس يجب أن تتوفر لكن لم نسمع بأعراس من دون حلويات الا في آخر فترة ، غريبة شويا يعني بدون حلويات تماما من بكري ؟؟ (بالرغم أنه أفضل ) ..
لا عادي يمكن للجميع التدخل و مرحبا بكم ..
شكرا
و عليكم السلام و رحمة الله و بركاته

[سيف الدين]

المشاركة الأصلية كتبت بواسطة nadjofeva

لم أنتبه جيدا لهذا الجزء حتى ردت الأخت مركي ،
ليس يجب أن تتوفر لكن لم نسمع بأعراس من دون حلويات الا في آخر فترة ، غريبة شويا يعني بدون حلويات تماما من بكري ؟؟ (بالرغم أنه أفضل ) ..
لا عادي يمكن للجميع التدخل و مرحبا بكم ..
شكرا
و عليكم السلام و رحمة الله و بركاته

الحلويات هي موجودة ولكن عند النساء فقط، وفيه البعض الاعراس أين نجد حتى
الحلويات عند الرجال، ولكن في الغالب أنا منذ حضوري للاعراس لم أرَ الحلويات تعطى
للرجال ، ولكن نحن في عرس لعمي كانت فيه حلويات للنساء وللرجال، نظن العرس
الي ما فيه حلويات مش عرس، على الاقل للنساء.

بالمناسبة بالأمس فقط كان فيه زوج أعراس مجاورة لنا، ويا سبحان الله في النهار
والمساء ماكاين لا حس لا والو، ولكن بعد صلاة العشاء تقريبا ناضوا بالحس نتاعهم !!
هذا البارود تحس وكأنك في الحرب حتى أن أحد أفراد العائلة شك بأنه هناك عملية
عسكرية ما، وأيضا ممكن يكون فيه مغني لأنو هنا عندنا يجيبوا مغنيين مع المايكروفون
يغني ويهدر مع الجمهور، وهذا الاخير يصفق ويصفر !! المهم لحتى 12 نتاع الليل
باش توقف الحس نتاعهم !! مع أنه الي يدير العرس لازم يجيب فيه رخصة من عند
الشرطة وهاذي الرخصة فيها التعهد بلي ما يدير لا كذى لا كذى، ومن بين هاذي الأمور
أن مظاهر الاحتفال تتوقف على الساعة 10 ليلا !!

بالنسبة للمهر هو المهر هنا عندنا مش عبارة عن نقود فقط، مثلا 15 مليون راهو
داخل فيه الاضحية وزايد خاتمين للعروسة وفيه شيء يقدم لأم العروسة نسيت ماهو
ان كان لباس أو خاتم وفيه حوايج أخرى أيضا، وممكن في المدن المجاورة لنا وصلت
لـ 20 مليون بسبب ارتفاع الاسعار، مثلا الاضحية اليوم مرتفع سعرها مقارنة بالسنوات
الماضية ونفس الشيء بالنسبة للذهب،..

وشكرا مرة أخرى ^^

[nadjofeva]

المشاركة الأصلية كتبت بواسطة سيف الدين

الحلويات هي موجودة ولكن عند النساء فقط، وفيه البعض الاعراس أين نجد حتى
الحلويات عند الرجال، ولكن في الغالب أنا منذ حضوري للاعراس لم أرَ الحلويات تعطى
للرجال ، ولكن نحن في عرس لعمي كانت فيه حلويات للنساء وللرجال، نظن العرس
الي ما فيه حلويات مش عرس، على الاقل للنساء.
آه بالنسبة للرجال فقط "يحgروكم" ، نعم حتى عندنا كاين لي مايمدوش للرجال لكن عموما يعطو الحلويات للرجال و النساء خاصة في الأعراس تع الدار كي يجو خارجين يعطولهم .. او اذا حطو القهوة و لاتاي على حساب كيفاش يديرو لعرس ..

بالمناسبة بالأمس فقط كان فيه زوج أعراس مجاورة لنا، ويا سبحان الله في النهار
والمساء ماكاين لا حس لا والو، ولكن بعد صلاة العشاء تقريبا ناضوا بالحس نتاعهم !!
هذا البارود تحس وكأنك في الحرب حتى أن أحد أفراد العائلة شك بأنه هناك عملية
عسكرية ما، وأيضا ممكن يكون فيه مغني لأنو هنا عندنا يجيبوا مغنيين مع المايكروفون
يغني ويهدر مع الجمهور، وهذا الاخير يصفق ويصفر !! المهم لحتى 12 نتاع الليل
باش توقف الحس نتاعهم !! مع أنه الي يدير العرس لازم يجيب فيه رخصة من عند
الشرطة وهاذي الرخصة فيها التعهد بلي ما يدير لا كذى لا كذى، ومن بين هاذي الأمور
أن مظاهر الاحتفال تتوقف على الساعة 10 ليلا !!
ايه كاين لي يديرو في الليل العرس ماشي في النهار و ذلك متعب أكثر للجميع و في العاصمة لي يديرو في قاعة الحفلات يديرو في الليل و مايكملوش حتى مور الفجر (ماشي كامل) صحيح القاعة تكون عازلة للصوت بصح الناس تعيا و كذلك العروسة و لعريس ..

بالنسبة للمهر هو المهر هنا عندنا مش عبارة عن نقود فقط، مثلا 15 مليون راهو
داخل فيه الاضحية وزايد خاتمين للعروسة وفيه شيء يقدم لأم العروسة نسيت ماهو
ان كان لباس أو خاتم وفيه حوايج أخرى أيضا، وممكن في المدن المجاورة لنا وصلت
لـ 20 مليون بسبب ارتفاع الاسعار، مثلا الاضحية اليوم مرتفع سعرها مقارنة بالسنوات
الماضية ونفس الشيء بالنسبة للذهب،..

وشكرا مرة أخرى ^^

ههه خاتم أيضا لأم العروسة !! بالاك لباس ..
لا أعلم المهم المصروف كبير و الله يكون في عون العائلتين في زوج يصرفو بزاف ..
شكرا على المرور مرة أخرى