عيب لما نقولو نحبك مثلا !!

[سيف الدين]

السلام عليكم ورحمة الله وبركاته

أحوالك، عساكم بخير ان شاء الله ^^

فيه واحد الفيديو وغيره من الفيديوهات منتشرة على النت، وهاذي الفيديوهات تبين مدى
( عيب ) كلمة نحبك !! والفئة الي مستهدفة في هذا الفيديو هي فئة الأمهات، يعني لما تقول
يا ماما أنا نحبك بزاف بزاف ، حتى أنك تقابل بواحد ردة الفعل جد غريبة وترد عليك
وتقولك : من الأخير واش راك حاب ؟!!! وفيه الي يقول يا ماما نحبك ترد عليه او عليها:
واش راك تهدر !!!! وفيه الي قالت مثلا عيب عيب !!

هاه حساب الشوفة كلمة نحبك راهي ولات ( عيب ) حتى وان قيلت لأقرب الأقربين إليك !!

طبعا كاين أمهات ايجابيات وكانت ردة فعلهن ايجابية، كأن ترد عليه او عليها: وأنا نحبك
يا عمري

نخليكم مع الفيديو



وانتم، وشكون الي يقول لأمه راكي زينة، أو أنا نحبك يا ماما بزآآآآف
وترد عليه او عليها: وانا نحبك بزآآآآف يا بنتي أو يا ابني



أخوكم سيف ^^

[nadjofeva]

و عليكم السلام و رحمة الله و بركاته

الحمد لله ان شاء الله الكل بخير
لم أستطع مشاهدة الفيديو لخلل ما عندي،

لالا ماهي عيب ماوالو برك عندنا كاين الي يخمو هكاك،

بالنسبة لرد الأم ، من الطبيعي كي وليدها ولا بنتها كل مايروح يقولها نحبك يطلب منها حاجة من بعد هي تولي تفهم هكداك دائما ، يعني كاينة حاجة مور هديك "نحبك" و ماقالهاش برك هكاك ،

بالنسبة لي أكيد نقول لوالدتي نحبك
و راكي شابة ووو ، و ردتها ليست واش راكي حابة دائما ووو ،
غير مرات باينة عندما أمزح معها و نشكر بالمزاح ... تْبان من هدرتي و تفهم بلي كاشما حبيت أكيد راح تقولي واش راكي حابة و نكون صح حابة حاجة يعني مينداك،
و والدتي تفهمني مباشرة عندما أتكلم و أعني ماأقول و عندما أمهد لشيء

شكرا

[سيف الدين]

المشاركة الأصلية كتبت بواسطة nadjofeva

و عليكم السلام و رحمة الله و بركاته

الحمد لله ان شاء الله الكل بخير
لم أستطع مشاهدة الفيديو لخلل ما عندي،

المشاركة الأصلية كتبت بواسطة nadjofeva

لالا ماهي عيب ماوالو برك عندنا كاين الي يخمو هكاك،

بالنسبة لرد الأم ، من الطبيعي كي وليدها ولا بنتها كل مايروح يقولها نحبك يطلب منها حاجة من بعد هي تولي تفهم هكداك دائما ، يعني كاينة حاجة مور هديك "نحبك" و ماقالهاش برك هكاك ،

بالنسبة لي أكيد نقول لوالدتي نحبك
و راكي شابة ووو ، و ردتها ليست واش راكي حابة دائما ووو ،
غير مرات باينة عندما أمزح معها و نشكر بالمزاح ... تْبان من هدرتي و تفهم بلي كاشما حبيت أكيد راح تقولي واش راكي حابة و نكون صح حابة حاجة يعني مينداك،
و والدتي تفهمني مباشرة عندما أتكلم و أعني ماأقول و عندما أمهد لشيء

شكرا

الحمد لله أنكم بخير، نحن تمام والحمد لله

ايه مش عيب أخت الكريمة، ولكن للاسف تحولت للعيب لدى البعض ، وممكن صح كما
قلتِ أنه الاشخاص هذوك من قبل تعودت أمهاتهم على أن كلمة ( نحبك ) تعني تمهيد
لشيء، لذلك ممكن تفقد لذة تلك الكلمة من ابنها او ابنتها، وممكن أيضا مثل حالتك أن كلمة
نحبك تقدر الامهات الذكيات تفهم واش يحب ابنها او ابنتها، ان كان مجرد تمهيد او انه فعلا
كلمة نحبك ليست سوى تعبير عن مشاعر الحب والود بين الابن او الابنة تُجاه الام ..

لم يظهر الفيديو عندك ممكن النت ثقيلة عنك او ان فلاش بلاير مش متوفر في حاسوب
والله اعلم، وهذا هو رابط الفيديو على موقع اليوتيوب:

https://www.youtube.com/watch?v=Vl7tvha9Nng

الله يحفظ والدتك أخت الكريمة ووالدك أيضا وجميع أمهات وأباء المسلمين، وشكرا جزيلا
لك على المرور

دمت بخير

[nadjofeva]

المشاركة الأصلية كتبت بواسطة سيف الدين

الحمد لله أنكم بخير، نحن تمام والحمد لله

ايه مش عيب أخت الكريمة، ولكن للاسف تحولت للعيب لدى البعض ، وممكن صح كما
قلتِ أنه الاشخاص هذوك من قبل تعودت أمهاتهم على أن كلمة ( نحبك ) تعني تمهيد
لشيء، لذلك ممكن تفقد لذة تلك الكلمة من ابنها او ابنتها، وممكن أيضا مثل حالتك أن كلمة
نحبك تقدر الامهات الذكيات تفهم واش يحب ابنها او ابنتها، ان كان مجرد تمهيد او انه فعلا
كلمة نحبك ليست سوى تعبير عن مشاعر الحب والود بين الابن او الابنة تُجاه الام ..

لم يظهر الفيديو عندك ممكن النت ثقيلة عنك او ان فلاش بلاير مش متوفر في حاسوب
والله اعلم، وهذا هو رابط الفيديو على موقع اليوتيوب:

https://www.youtube.com/watch?v=vl7tvha9nng

الله يحفظ والدتك أخت الكريمة ووالدك أيضا وجميع أمهات وأباء المسلمين، وشكرا جزيلا
لك على المرور

دمت بخير

الآن رأيت الفيديو شكرا جزيلا لك على الرابط،
و الفيديو رائع و ردات الفعل مختلفة
و كاين الي كانوا مترددين شغل خايفين ان يقولوا أحبك لأمهاتهم ،
اللهم آمين و الله يحفظ والدتك و والدك أيضا .
شكرا

[سيف الدين]

المشاركة الأصلية كتبت بواسطة nadjofeva

الآن رأيت الفيديو شكرا جزيلا لك على الرابط،
و الفيديو رائع و ردات الفعل مختلفة
و كاين الي كانوا مترددين شغل خايفين ان يقولوا أحبك لأمهاتهم ،
اللهم آمين و الله يحفظ والدتك و والدك أيضا .
شكرا

العفو، نعم صحيح كانوا مترددين وكلمة ( أحبك ) ممكن جاتهم ثقيلة
ان شاء الله تتخلص أسرنا من مثل هذه الحواجز للتعبير عن المشاعر
انا مع أمي عادي جدا .. شكرا مرة أخرى على ردك وتواجدك
في الموضوع ..

الله يحفظك أخت الكريمة ويحفظ الجميع

[متأثرة]

موضوووووووووع جميل جدا جدا

لكن للأسف أستحي أقول لأمي أحبك ولا أبي أستحي كثير

مثلا كان عمري 20 سنة كنت قبل ما أنام أسلم على بابا من خدو و أمي من خديها قبل ما أنام

لكن أبي وحد لمرة قالي خلص راكي كبيرة لا تسلمي علينا وقت النوم

أستحيت كثير وبكيت و ماعدت أسلم عليهم بنوب الا في المناسبات الاعياد فقط أو عندما يغيب أبي أو أمي عن البيت يوم واحد أو يومين أسلم عليهم

و مرة أختي صغيرة في عمرها 9 سنين سلمت على أمي في رجليها أمي غضبت منها و قالت لها ماتعاوديش تكري مثل هاذ طبايع

لهذا السبب لم أستطع أن أعبر عن مشاعري لوالدي حتى ولو بشيئ صغير

مشكور على الموضوع

[سيف الدين]

المشاركة الأصلية كتبت بواسطة متأثرة

موضوووووووووع جميل جدا جدا

لكن للأسف أستحي أقول لأمي أحبك ولا أبي أستحي كثير

مثلا كان عمري 20 سنة كنت قبل ما أنام أسلم على بابا من خدو و أمي من خديها قبل ما أنام

لكن أبي وحد لمرة قالي خلص راكي كبيرة لا تسلمي علينا وقت النوم

أستحيت كثير وبكيت و ماعدت أسلم عليهم بنوب الا في المناسبات الاعياد فقط أو عندما يغيب أبي أو أمي عن البيت يوم واحد أو يومين أسلم عليهم

و مرة أختي صغيرة في عمرها 9 سنين سلمت على أمي في رجليها أمي غضبت منها و قالت لها ماتعاوديش تكري مثل هاذ طبايع

لهذا السبب لم أستطع أن أعبر عن مشاعري لوالدي حتى ولو بشيئ صغير

مشكور على الموضوع

اه للأسف ربما عندهم وجهة نظر مختلفة وممكن يحشموا من بعض الأمور مثل الشيء الي
قامت به شقيقتك، وممكن شافوك كبيرة وخاصة والدك ممكن يحشم منك، ممكن تكون النية
نتاعهم طيبة وشكون يدري، كل عائلة وطريقتها في التعبير عن المشاعر، المهم الواحد
يكون بار بوالديه ويطيعهم وما يديرلهمش المشاكل.

ممكن والدتك لما تقوليلها ( نحبك أو نشتيك ) يا ماما راح تفرح وتسعد بك كثيرا ^^ جربي
وشوفي طريقة أو ردة فعلها، ممكن مع البداية راح تشك أنه فيه حاجة وراء تلك الكلمة
ولكن مع التكرار من حين لآخر راح تتعود وتولي تحب تسمعها منك.

بارك الله فيك أخت الكريمة على المرور، الله يصلح أحوالكم ويحفظ عائلتك الكريمة

دمت بخير

[nadjofeva]

السلام عليكم
أعتذر أخ الكريم سيف الدين على المداخلة

المشاركة الأصلية كتبت بواسطة متأثرة

موضوووووووووع جميل جدا جدا

لكن للأسف أستحي أقول لأمي أحبك ولا أبي أستحي كثير
مثلا كان عمري 20 سنة كنت قبل ما أنام أسلم على بابا من خدو و أمي من خديها قبل ما أنام
لكن أبي وحد لمرة قالي خلص راكي كبيرة لا تسلمي علينا وقت النوم
أستحيت كثير وبكيت و ماعدت أسلم عليهم بنوب الا في المناسبات الاعياد فقط أو عندما يغيب أبي أو أمي عن البيت يوم واحد أو يومين أسلم عليهم
كيما قالك الأخ سيف الدين بالاك حشم منك برك ماتعمريش راسك بزاف و هو قالك وقت النوم ماشي ماتسلميش علينا كامل غير في المناسبات ولا كي نغيبو، عادي تقدري تسلمي عليه في أوقات أخرى ماشي كل دقيقة و لكن كي جي خارجة من الدار في الصباح مثلا
و حتى اذا ماشي كل يوم معليش، و اذا ماحبوش ماتزعفيش كل والد و والدة كيفاش يخموا عامليهم مليح و أحسني اليهم بطرق أخرى و مع الوقت ان شاء الله ربما تتغير الأمور
و مرة أختي صغيرة في عمرها 9 سنين سلمت على أمي في رجليها أمي غضبت منها و قالت لها ماتعاوديش تكري مثل هاذ طبايع
هذا الأمر عادي أختي أكيد والدتك لم تكن نيتها سيئة تكون غاضتها ختك برك و حشمت ،
تْقُولك ماشي جاية اجي تسلم على رجليا مسكينة بنتي -أكرمكم الله- و ربما تُفَضِل تسلم عليها عادي علاه حتى في الرجلين أكرمكم الله

لهذا السبب لم أستطع أن أعبر عن مشاعري لوالدي حتى ولو بشيئ صغير

مشكور على الموضوع

أما عن التعبير عن الحب و المودة فيكون حتى بالأفعال كل واحد كيفاش يعبر ماشي دائما يكون ذلك بالكلام ، كل شخص و طبيعته .
ربي يسعدكم ان شاء الله أختي الكريمة

[متأثرة]

مشكورة أختي لكن كيما يقولو الجنة تحت أقدام الأمهات هذاك علاش سلمتلها على رجليها _ أكرمكم الله _ وختي صغيرة سلمت على ماما من باب أنو الجنة تحت أقدام الأمهات هاذي عادي مافيها عيب لكن الوالدين يمكن يحشمو مانيش عارفة كل عائلة وكيفاه
شكرااااااااا جدا

[nadjofeva]

المشاركة الأصلية كتبت بواسطة متأثرة

مشكورة أختي لكن كيما يقولو الجنة تحت أقدام الأمهات هذاك علاش سلمتلها على رجليها _ أكرمكم الله _ وختي صغيرة سلمت على ماما من باب أنو الجنة تحت أقدام الأمهات هاذي عادي مافيها عيب لكن الوالدين يمكن يحشمو مانيش عارفة كل عائلة وكيفاه

المشاركة الأصلية كتبت بواسطة متأثرة

شكرااااااااا جدا

عفوا ،
أنا لم أقصد أن أختك مخطئة أو العكس
و لقد ذكرتِ سنها و أكيد هي أيضا نيتها مليحة ، لكن أنا تكلمت عن والدتك هي بالاك تغيضها بنتها ولا تحس بلي بنتها راهي تذل في روحها بهذا التصرف أو لا أعلم ، شيء من هذا القبيل ، يعني شغل تغيضها ،
(أنا وحدة من الناس في مكان أمك مانخليش بنتي اجي تسلم على رجليا -أكرمكم الله-وعلاش مسكينة و لكن كل واحد و ردة فعله كاين الي يعبر مليح على مقصودو و ماينفاعلش بزاف و كاين الي لالا ،
فهمتي ماشي من باب أن أختك اخطأت و لا حتى والدتك طبعا ،
والأم هكا دايرة ماتحبش على ولادها حتى اذا على حسابها هي )