عندما كنت صغيرة....................

[متأثرة]

السلام عليكم ورحمة الله تعالى وبركاته

ليوم جبتلكم قصة جديدة مين كنت صغيرة وطبايعي

مين كنت صغيرة كانت ماما كي تحب تخرج تقولي كولي مليح باش ماتجوعيش وتبهدليني عند الناس
وأنا من الفرحة تاع راني خارجة مع ماما ماناكلش كيما نقولو قلبي يتبلع
تقولي ماما كولي ......نقولها لالالا والله مانبهدلك بصح راني شبعانة
تقولي كووولــــــــــــي راني نعرف طبايعك تبهدليني ...........نقولها ماما صااااي والله مانبهدلك
تقولي وتبهدليني ياسارة راني نشد فيك بالنعالة _ حشاكم _ نقولها صح المهم نروح معاك

وعند خروجنا من المنزل والتوجه عند فاميلتنا ندخل ونسلم ونجلس في صالة

وتبدأ أمي في الدردشة مع فاميلتنا ...........بعد عشرين دقيقة من دخولنا تبدأ كرشي بالتقرقير

وأجلس قرب أمي وأبدأ بقرصها أمي أنا جيعانة أمي أنا جيعانة. .......... ماما تقولي بلعي فمك والله نديك لدار تخلصيها غالية

ولكن خفت من أمي وصبرت لمدة لا تتراوح خمس دقائق
وذا بي أقول ل فميلتنا................................
.
.
.
.
.
.
.
من ساع رانا مجمعين معاك ماجبتيلنا والو ؟؟؟!!!!!!!!!!!!!!!!!
واذا بي أحس بأني أرجع للوراء بشدة ......فأدركت أن أمي نشعتني من شعري وأعطاتني طريحات و تحلف فيا تقولي في دار حسابك.........
.
.
. واذا ألعبها أبكي فتقوم فاميلنا (لي رحنا عندها ضياف) بأعطائي نقود وتسلم عليا ويضحكون علي
.
.
.
وبعد دقيقتين من مرور الحادثة أذا بالسنيوة تاع الأتاي والقهوة و القاطو تنحط أمامنا وآكل حتى أنتخم
.
.
.
.
ففي النهاية أخذت الضرب والنقود والقاطو ههههههههههههههههههههههههه

[سيف الدين]

وعليكم السلام ورحمة الله وبركاته

مسكينة والدتك بهدلتي بيها ^^، معليش راهي أيامات نتاع الزمان تقريبا كل واحد فات
بمواقف (تبهدل) عائلته .. وللأسف أحيانا ما نخرجوش سلامات

شكرا على المشاركة أخت الكريمة

[متأثرة]

هههههههههه شكرا على المرور

[nadjofeva]

و عليكم السلام و رحمة الله و بركاته
ايه ياختي مزيا ماجيتيش عندنا أني نكره هاذ التصرفات من الأطفال و ان كانت عفوية و احيانا تبانلي والديهم محرشينهم يقولو ولا يديرو هاكداك ،

بصح في حالتك مسكينة والدتك ماعندها حتى ذنب و زادت وصاتك و حلفت فيك مسكينة تبهدلت و تصرا بزاف هادي ،

أخخ كي نكونوا اطفال مرات مانخموش قاع ، معليش راكي ماديتيش غير طريحة ديتي حتى القاطو و النقود بصحتك و تعلمتي درس،
-----------------

أختي ما رأيك تفتحي موضوع فيه اديري
و يديرو الاعضاء هكذا مواقف تع الصغر أو غيرها ؟؟ يعني يجمع قاع هاذ المواقف

شكرا لك

[متأثرة]

هههههههههه كنت طوايشية
مشكورة على المرور لكن لم أفهم مقصودك الأخير

[nadjofeva]

المشاركة الأصلية كتبت بواسطة متأثرة

هههههههههه كنت طوايشية
مشكورة على المرور لكن لم أفهم مقصودك الأخير

قصدي تفتحي موضوع جديد يكون متجدد ديري فيه المواقف هاذو و الأعضاء أيضا يديرو فيه و يكون موضوع متجدد كل مرة موقف ،
فهمتي ؟؟

[متأثرة]

ايه فهمتك بصح مانعرفش كيفاش باكو سجلت مرة في وحد المنتدى بصح ماكنتش نشارك عندها ثلاث سنين هكذاك هاذا أو منتدى حبيتو ووليت نشارك فيه بصح مانعرفلوش بزاف
صحيتي ختيتو