و نتوما واش رايكم؟؟

[nadjofeva]

السلام عليكم و رحمة الله و بركاته
واشراكم؟

كاين وحد الظاهرة ولا مانعرف كيفاش يسموها ،
نقولو طلب وخلاص يطلبوه بزاف سواء الرجل من المرأة خاصة ، وْلا بالاك حتى العكس ،

دوكا في المجتمع نتاعنا شحال من مرة نسمعو امرأة تقول خطبني فلان و قالي تغلقي الفايسبوك نتاعك ولا تعطيني (لمودباس) ولا ماتخدميش بالانترنت ..
ولا هو يقول راني قلتلها كذا و كذا .
و بالاك صادفتوا هذا الامر من قبل
و قالولكم السبب ، و كاين الي يشوف الامر عادي و كاين الي لالا.

حنا نهدرو على الفايسبوك و المواقع الي فيها حسابات كالمنتديات أيضا ،

حبيت نسقسيكم الذكور و الاناث ،
هذا الموضوع هدروا فيه و عليه بزاف ،
باش نعرفو وجهة نظر أعضاء و عضوات المنتدى فبالاك تتغير نظرة أشخاص وحدوخرين من خلال ردودكم/ن.

أنتَ كشاب هل ستطلب ذلك من زوجتك ولا خطيبتك ؟
اذا نعم، لماذا؟
و اذا لا، في رأيك علاش يطلب بعض الشباب ذلك ؟

و كيفاش راح تكون ردة فعلك لو طلبت منك زوجتك أو خطيبتك نفس الطلب ، هل رايح تتقبلو ؟



و أنتِ أخية اذا طلبَ مِنك زوجكِ أو من سيخطبك أن تفعلي ذلك فهل رايحة تقبلي؟

و كيفاش رايحة تكون ردة فعلك اذا قبلتي، هل تتقبلي الأمر ببساطة ولا واش ديري؟

و اذا كنتِ متزوجة أو مخطوبة ، هل صرات معك؟ و واش درتي؟

و اذا طلب منك زوجك ولا الي يخطبك تغلقي حسابك وْلا تعطيه كلمة السر ، هل تشرطي عليه يعطيك كلمة السر الخاصة بحسابه أيضا ؟؟

و اذا ماطلبش منك تماما، فهل نتي تطلبي منوِ سواء عندك نتي حساب وْلا ماعندكش (ان يعطيك كلمة سره أو يغلق حسابه أو مايفتحش حساب اذا ماعندوش)؟ و لماذا؟


و هل صادفتم ناس قالولكم انهم طلبوا ذلك من الطرف الآخر؟ و واش كان رايهم؟

و شكرا

[سيف الدين]

السلام عليكم و رحمة الله و بركاته
واشراكم؟

وعليكم السلام ورحمة الله وبركاته

الحمد لله نحن بخير، شكرا جزيلا لك، ان شاء الله أحوالكم بخير أيضا

كاين وحد الظاهرة ولا مانعرف كيفاش يسموها ،
نقولو طلب وخلاص يطلبوه بزاف سواء الرجل من المرأة خاصة ، وْلا بالاك حتى العكس ،

ايه يا المجتمع نتاعنا وبعض الأفكار (الغريبة) نتاعو، في الغالب الأفكار التي نجدها لدى
المجتمع هي أفكار غير مدروسة وممكن تكون فكرة واحدة مغلوطة تقود أسرة بأكملها
للتشتت.

دوكا في المجتمع نتاعنا شحال من مرة نسمعو امرأة تقول خطبني فلان و قالي تغلقي الفايسبوك نتاعك ولا تعطيني (لمودباس) ولا ماتخدميش بالانترنت ..
ولا هو يقول راني قلتلها كذا و كذا .
و بالاك صادفتوا هذا الامر من قبل
و قالولكم السبب ، و كاين الي يشوف الامر عادي و كاين الي لالا.

حنا نهدرو على الفايسبوك و المواقع الي فيها حسابات كالمنتديات أيضا ،

هذا الأمر راهو انتشر للأسف

حبيت نسقسيكم الذكور و الاناث ،
هذا الموضوع هدروا فيه و عليه بزاف ،
باش نعرفو وجهة نظر أعضاء و عضوات المنتدى فبالاك تتغير نظرة أشخاص وحدوخرين من خلال ردودكم/ن.

أنتَ كشاب هل ستطلب ذلك من زوجتك ولا خطيبتك ؟
اذا نعم، لماذا؟

بالنسبة لي لا مانع باش يكون عندها الفايسبوك او انها تشارك في المنتديات، ولكن
راهو فيه شروط، بالنسبة للفايس لازم ما يكونش عندها شباب كما انا ما عنديش البنات
وأيضا الكلام الي تهدرو يكون خاص يعني يظهر فقط لصديقاتها وطبعا لي ايضا .

أما بشأن المنتديات الردود والمشاركات تكون في حدود يعني ما تكونش فيه مبالغة في
حديثها مع الشباب، بشان مواقع التواصل الأخرى مثل تويتر،انستغرام وو عادي اذا كانت
تقوم بمتابعة الرجال، ولكن طبعا اذا كان فيه فائدة علمية او ثقافية مثل مدربين وو يعني
يشبه الفايس لما نديرو اعجاب بصفحة شخصية مشهورة مثل مصطفى حسني أو د.جميل
القدسي، او د.احمد عمارة،..

بشأن المودباس بالنسبة لي مش راح نطلب منها ذلك، لأنو اذا طلبنا منها ذلك يعني أنت
راح تبث في قلبها مشاعر أنك مش راك تثيق فيها، واحنا نعرفو ان الحياة الزوجية مبنية
أولا على الثقة المتبادلة بين الطرفين، والانسان المشكاك عمرو ما راح يتهنى وراح
يعيش حياة نتاع الوساوس والغيرة الزائدة والي هي غيرة مرضية.

بشأن النت، يعني واش بقى هاذي نعتبرها كارثة هذا في حالة ان كانت الزوجة
تستخدمها قبل الزواج والزوج رفض يديرها في البيت وهو يروح يديرها في مقهى النت
او في الهاتف 3G، ولكن ان كانت الزوجة من النوع الي عمرها ما دارت النت من قبل
والنت في البيت كاينة او مش كاينة مش راح تستخدمها هي فهذا أمر آخر، ولكن انا
نخطب وحدة تكون عندها النت في الدار واذا ما كانش ما نقبلش اخخ، السبب على الأقل
باش يكون فيه تقارب في الاهتمامات بين الطرفين.

و اذا لا، في رأيك علاش يطلب بعض الشباب ذلك ؟

راهي باينة وهي أكيدة 100/100 ولكن الشباب الي خطب او تزوج ما يحبوش يصرحوا
بيها أو أنهم مش عارفين علاه يطلبوا ذلك (لأنه كاين نوع يطلب شيء وهو في حد ذاته
مش عارف او قالو شخص آخر) وهي أنه يخاف أن شريكة حياته تخونو وتتحدث مع
رجال آخرين، هذه هي ببساطة وهذا الشيء نعتبرو أكبر جريمة في العلاقات الزوجية
وهي عدم الثقة.

و كيفاش راح تكون ردة فعلك لو طلبت منك زوجتك أو خطيبتك نفس الطلب ، هل رايح تتقبلو ؟

بما أني ما طلبت منها تغلق حسابات نتاع الفايس والمنتديات وو او انها تمدلي الرقم
السري نتاع حساباتها، يعني هي أيضا مش راح تطلب مني، واذا طلبت مني مع أني متأكد
أنها مش راح تدير ذلك (زعما نعرفها ^^ .. وانا ما نعرفهاش في الأصل ) ولكن
نفرضو انها فعلت، أول شيء راح يجي في بالي أنها تخاف نكون نحكي مع البنات، ولكن
انا نعتبرو من حقها أنها تعرف واش كاين في حسابي وواش ندير فيه، وتبانلي المرأة
راهي من النوع الذي تغار وتعتبر زوجها او خطيبها ملكية خاصة، وبالتالي راح نمدلها
أنا حسابي والرقم السري وكل شيء حتى وان ما طلبتش ذلك، هذا في حالة كان في فترة
الخطوبة، في فترة الزواج نترك كل شيء عمدا مفتوح على الحاسوب أو انني أتركها
تتجول في حساباتي وبكامل راحتها، وعادي جدا.

بشأن المنتدى اييييه لازم الواحد يعس روحو ويا ويلو كاشي ما يهدر وخاصة في
التدوينات احتمال انه سيتم مراجعتها واعادة قراءتها وتعشي تقول أرواح هنا واش
كنت تحكي أو يقول الزوج ارواحي هنا واش الكتبة هاذي ^^ .. مع أنه الماضي يعتبر
ماضي، وكما يقولوا حاجة إلي فاتت ماتت.

و هل صادفتم ناس قالولكم انهم طلبوا ذلك من الطرف الآخر؟ و واش كان رايهم؟

و شكرا

انا صادفت ناس ولكن في العالم الافتراضي وبالتحديد في المنتديات أنهم طلبوا ذلك وكاين
الي يقول أنه راح يطلب، مثلا المتزوجة تطلب من زوجها يغلق الفاسبوك والسكايب،..
وكاين الي قالت انها (تقاتل) باش يتخلص زوجها من المواقع الي يتم فيها التواصل.

والشباب (ارواحوا تشوفوا التناقض) قالك أنا راني راجل ومن حقي نطلب من زوجتي
تغلق الفايس ويقولك ومش من حقها تطلب مني نغلق الفايس، وكاين الي وصل لدرجة
يقول ومش من حقها تطلب مني ننحي البنات من حسابي لأنو راهم مثل (خواتاتي) !!

الناس مش عارفة أن العلاقة الزوجية مبنية على الأخذ والعطاء، مبنية على الثقة
والمودة والرحمة، مبنية على الوعي والحرية،.. كل طرف سواء الزوج أو الزوجة لما
يضيق على طرف آخر ويمنعه من حاجة ينحيها وهو مش مقتنع بيها أو انه مش مرتاح
كما ينحيها او ما يديرهاش، هو ببساطة فيه احتمال (ماشي كامل) انه يرح يحوس عليها
في مكان آخر وخاصة الزوج، يقولك هاه شوفي راني غلقت لفايس نتاعي، ويروح
للسيبار ويفتح واحد ويقعد يحكي مع البنات !!! أو من الاحسن تقول زوجته انا نفتح
الفايس (في حالة ما عندها) وتضيف زوجها على حسابها واحيانا اذا كان واحد بعيد على
آخر يحكيوا مع بعض، احيانا الزوجة تدخل على الزوج وتشوفو واش يدير بالفايس
نتاعو، الزوج احيانا يخلي الفايس نتاعو مفتوح ويقولها تجي تشوف ووو هكذا احسن.

أنا لما نحكي مش راح نخلص وخاصة في قضية نتاع غلق الحساب ، لأنو نلاحظ أن
الازواج (شفتهم في قسم مشكلتي) يخونوا زوجاتهم في مواقع التواصل الاجتماعي بحجة
واش؟ يقول نعقب الوقت !! اممم بغض النظر عن الموضوع من ناحية الحرام ووو وانما
نطرق من الناحية العملية أنه أوليس من الأحسن زوجتك يكون عندها الفايس ولما تكون
انت بعيد تحكي معاها بالفايس وو !!

مزلت حاب نحكي ولكن مش راح نخلص .. سمحولنا طولت بزاف

شكرا ليك أخت الكريمة على هذه المساهمة وان شاء الله يستفيدوا منها الاعضاء
والزوار، قبل ما يفوت (القطار) وقبل ما يطيح (الفأس على الرأس) على بعض الناس
نتيجة بعض القرارات (الخاطئة) من وجهة نظري، واحنا أيضا راح نستفادو من
الأعضاء الأفاضل.

شكرا على اتاحة الفرصة للحديث هنا .. حفظك لله

[nadjofeva]

المشاركة الأصلية كتبت بواسطة سيف الدين

وعليكم السلام ورحمة الله وبركاته

الحمد لله نحن بخير، شكرا جزيلا لك، ان شاء الله أحوالكم بخير أيضا

الحمد لله شكرا
بصراحة قبل مانكتب هذا الموضوع كتبت بزاف و اكثر من واش يجي في صفحة و حشمت نديرو و نكثرو على الاعضاء و قلت ربما فيما بعد اضع ذلك في مدونتي أو سيكون عبارة عن افكار هنا فجعلت الموضوع اسئلة فقط و كان بالفصحى كي جيت نبعثو لقيت مكتوب لازم بالعامية في هذا القسم فغيرته
و لم أكن اريد ان اضعه في قسم آخر



ايه يا المجتمع نتاعنا وبعض الأفكار (الغريبة) نتاعو، في الغالب الأفكار التي نجدها لدى
المجتمع هي أفكار غير مدروسة وممكن تكون فكرة واحدة مغلوطة تقود أسرة بأكملها
للتشتت.
ايه صحيح
هذا الأمر راهو انتشر للأسف

بالنسبة لي لا مانع باش يكون عندها الفايسبوك او انها تشارك في المنتديات، ولكن
راهو فيه شروط، بالنسبة للفايس لازم ما يكونش عندها شباب كما انا ما عنديش البنات
وأيضا الكلام الي تهدرو يكون خاص يعني يظهر فقط لصديقاتها وطبعا لي ايضا .

معك حق و لكن قد تطلب منك ذلك ايضا


أما بشأن المنتديات الردود والمشاركات تكون في حدود يعني ما تكونش فيه مبالغة في حديثها مع الشباب، بشان مواقع التواصل الأخرى مثل تويتر،انستغرام وو عادي اذا كانت
تقوم بمتابعة الرجال، ولكن طبعا اذا كان فيه فائدة علمية او ثقافية مثل مدربين وو يعني
يشبه الفايس لما نديرو اعجاب بصفحة شخصية مشهورة مثل مصطفى حسني أو د.جميل
القدسي، او د.احمد عمارة،..

بشأن المودباس بالنسبة لي مش راح نطلب منها ذلك، لأنو اذا طلبنا منها ذلك يعني أنت
راح تبث في قلبها مشاعر أنك مش راك تثيق فيها، واحنا نعرفو ان الحياة الزوجية مبنية
أولا على الثقة المتبادلة بين الطرفين، والانسان المشكاك عمرو ما راح يتهنى وراح
يعيش حياة نتاع الوساوس والغيرة الزائدة والي هي غيرة مرضية.
في الحقيقة كلما يتكلمون معي في هذا الموضوع و اربطه بالثقة لا يتقبلون ذلك (بما انني فتاة اقصد عندما اتكلم مع النساء) و لذلك قلت ربما بعض الشباب يطلبون ذلك لأسباب اخرى و لو انني لا اقتنع بذلك .

بشأن النت، يعني واش بقى هاذي نعتبرها كارثة هذا في حالة ان كانت الزوجة
تستخدمها قبل الزواج والزوج رفض يديرها في البيت وهو يروح يديرها في مقهى النت
او في الهاتف 3G، ولكن ان كانت الزوجة من النوع الي عمرها ما دارت النت من قبل
والنت في البيت كاينة او مش كاينة مش راح تستخدمها هي فهذا أمر آخر، ولكن انا
نخطب وحدة تكون عندها النت في الدار واذا ما كانش ما نقبلش اخخ، السبب على الأقل
باش يكون فيه تقارب في الاهتمامات بين الطرفين.


راهي باينة وهي أكيدة 100/100 ولكن الشباب الي خطب او تزوج ما يحبوش يصرحوا
بيها أو أنهم مش عارفين علاه يطلبوا ذلك (لأنه كاين نوع يطلب شيء وهو في حد ذاته
مش عارف او قالو شخص آخر)
هذا النوع هو الذي يحير اكثر و ربما قد نجده لا يملك حسابا اصلا و لا يعرف ماهو الفايسبوك مثلا .
اما الشخص الي عندو حساب و مايقبلش ينحيه بصح يطلب من زوجته حذفه فهذا مانعرف بواش من منطق يخمم .
وهي أنه يخاف أن شريكة حياته تخونو وتتحدث مع
رجال آخرين، هذه هي ببساطة وهذا الشيء نعتبرو أكبر جريمة في العلاقات الزوجية
وهي عدم الثقة.


بما أني ما طلبت منها تغلق حسابات نتاع الفايس والمنتديات وو او انها تمدلي الرقم
السري نتاع حساباتها، يعني هي أيضا مش راح تطلب مني، واذا طلبت مني مع أني متأكد
أنها مش راح تدير ذلك (زعما نعرفها ^^ .. وانا ما نعرفهاش في الأصل ) ولكن
نفرضو انها فعلت، أول شيء راح يجي في بالي أنها تخاف نكون نحكي مع البنات، ولكن
انا نعتبرو من حقها أنها تعرف واش كاين في حسابي وواش ندير فيه، وتبانلي المرأة
راهي من النوع الذي تغار وتعتبر زوجها او خطيبها ملكية خاصة، وبالتالي راح نمدلها
أنا حسابي والرقم السري وكل شيء حتى وان ما طلبتش ذلك، هذا في حالة كان في فترة
الخطوبة، في فترة الزواج نترك كل شيء عمدا مفتوح على الحاسوب أو انني أتركها
تتجول في حساباتي وبكامل راحتها، وعادي جدا.

بشأن المنتدى اييييه لازم الواحد يعس روحو ويا ويلو كاشي ما يهدر وخاصة في
التدوينات احتمال انه سيتم مراجعتها واعادة قراءتها وتعشي تقول أرواح هنا واش
كنت تحكي أو يقول الزوج ارواحي هنا واش الكتبة هاذي ^^ .. مع أنه الماضي يعتبر
ماضي، وكما يقولوا حاجة إلي فاتت ماتت.
حسنا (اخاه على مراجعة كل شيء و لكن الامر عادي مادام الانسان ماداير والو ماعندو ما يخاف لكن صحيح المرأة تغار
و على الرجل ان يتوقع ذلك بصح حتى الرجل يغار)
لن نضيف فوق كلامك اي شيء بخصوص هذا الجزء و ننتظر آراء البقية.

انا صادفت ناس ولكن في العالم الافتراضي وبالتحديد في المنتديات أنهم طلبوا ذلك وكاين
الي يقول أنه راح يطلب، مثلا المتزوجة تطلب من زوجها يغلق الفاسبوك والسكايب،..
وكاين الي قالت انها (تقاتل) باش يتخلص زوجها من المواقع الي يتم فيها التواصل.
هذه التي تقاتل من اجل ذلك اما ثقتها منعدمة بزوجها او انها رأت امورا منه على الأغلب و الله اعلم.
والشباب (ارواحوا تشوفوا التناقض) قالك أنا راني راجل ومن حقي نطلب من زوجتي
تغلق الفايس ويقولك ومش من حقها تطلب مني نغلق الفايس، وكاين الي وصل لدرجة
يقول ومش من حقها تطلب مني ننحي البنات من حسابي لأنو راهم مثل (خواتاتي) !!
امم هذه تع "خواتاتي" آآآآه افضل ان لا اعلق عليها و لكن فلتقل له لا سأترك حسابي و فيه رجال
و هذوك خاوتي و نشوفو واش يقول .
أظن مررت بهكذا راي في موقع آخر ، و لا اعلم مالفرق بين الرجل و المرأة فكل منهما انسان و معرض للخطأ.

الناس مش عارفة أن العلاقة الزوجية مبنية على الأخذ والعطاء، مبنية على الثقة
والمودة والرحمة، مبنية على الوعي والحرية،.. كل طرف سواء الزوج أو الزوجة لما
يضيق على طرف آخر ويمنعه من حاجة ينحيها وهو مش مقتنع بيها أو انه مش مرتاح
كما ينحيها او ما يديرهاش، هو ببساطة فيه احتمال (ماشي كامل) انه يرح يحوس عليها
في مكان آخر وخاصة الزوج، يقولك هاه شوفي راني غلقت لفايس نتاعي، ويروح
للسيبار ويفتح واحد ويقعد يحكي مع البنات !!!
نعم هذا وارد و جدا و هنا نقول لهما ان يودعا حياتهما الزوجية اذا لم يتغيرا و يدرك كل طرف مايفعله .
أو من الاحسن تقول زوجته انا نفتح
الفايس (في حالة ما عندها) وتضيف زوجها على حسابها واحيانا اذا كان واحد بعيد على
آخر يحكيوا مع بعض، احيانا الزوجة تدخل على الزوج وتشوفو واش يدير بالفايس
نتاعو، الزوج احيانا يخلي الفايس نتاعو مفتوح ويقولها تجي تشوف ووو هكذا احسن.
نعم
أنا لما نحكي مش راح نخلص وخاصة في قضية نتاع غلق الحساب ، لأنو نلاحظ أن
الازواج (شفتهم في قسم مشكلتي) يخونوا زوجاتهم في مواقع التواصل الاجتماعي بحجة
واش؟ يقول نعقب الوقت !! اممم بغض النظر عن الموضوع من ناحية الحرام ووو وانما
نطرق من الناحية العملية أنه أوليس من الأحسن زوجتك يكون عندها الفايس ولما تكون
انت بعيد تحكي معاها بالفايس وو !!
أكيد
مزلت حاب نحكي ولكن مش راح نخلص .. سمحولنا طولت بزاف
لالا عادي الموضوع موضوعكم و حكو كيما تحبو و اكيد سنستفيد و يستفيد منه الاعضاء و ربما الزوار اكثر.
شكرا ليك أخت الكريمة على هذه المساهمة وان شاء الله يستفيدوا منها الاعضاء
والزوار، قبل ما يفوت (القطار) وقبل ما يطيح (الفأس على الرأس) على بعض الناس
نتيجة بعض القرارات (الخاطئة) من وجهة نظري، واحنا أيضا راح نستفادو من
الأعضاء الأفاضل.

شكرا على اتاحة الفرصة للحديث هنا .. حفظك لله

[CENTER]

و انا ايضا اعلم أنني لن اتوقف عن الكلام و لكن ساحاول ان اختصر.

ما يحيرني أن بعض الشباب يملكون حسابات في مواقع التواصل الاجتماعي و أيا كان استعمالهم لها ايجابيا او سلبيا فهم يستعملونها و لكن يطلبون من زوجاتهم أو خطيباتهم أن يغلقن الحساب الخاص بهن أو أن لا يفتحن حسابا ،
و سواء بحسن نية او بسوء نية (و هنا الموضوع واسع و لا أريد ان ادخل في بعض التفاصيل و لا اعلم ان كان هنالك شخص ملتزم و يستعمل الفايسبوك استعمالا صحيحا و لكنه يطلب من زوجته ان لا تفعل و هو يعلم انها مثله ،
لا اعلم و لكن لا اقتنع بذلك هذا الشخص بالاك موسوس بزاف او لا اعلم).

لكن أظن ليس من حق الرجل أن يطالب زوجته بشيء و هو لا يطبقه و ليس من حق المرأة ان تفعل ذلك أيضا ،

يعني ان أملك حسابا في موقع التواصل الاجتماعي و لكن أطلب من الزوج ان يغلق حسابه ،
أظن الامر غير مقبول من الطرف الآخر و من العقل البشري نوعا ما ،
حتى و ان كنت اعلم أنني أستعمله استعمالا صحيحا و زوجي لا يفعل (و لو أنه لن يفعل ذلك ان شاء الله) فتوجد ربما طرق أخرى اجعله بها يكف عن ذلك لكن طلب مباشر كهذا لا اظن انه سيقتنع به بسهولة.

منذ فترة كنت اتحدث مع بعض البنات و هدرنا على الفايسبوك و بالضبط على الفتاة التي تعطي المودباس نتاعها لزوجها او خاطبها وطبعا تكون قد أضافت صديقاتها في الحساب و مرة تدخل هي بحسابها و مرة يدخل زوجها ، الى هنا ربما الامر يبدو عاديا ،و انا لست ضدهما كل شخص و قناعاته و تفكيره و هوما أحرار تعطيه ولا يعطيها كلمة السر او لا ،

(هنا راني نهدر على الي يدخل يكوناكتي بيه ماشي قال يضرب طلة )

و لكن أولا ، هي لا تخبر صديقاتها انها ليست هي من تدخل دائما بالحساب و بالتالي مثلا قد اكلمها على أساس صديقتي و قد يجيبني زوجها ،

ثانيا ، هي تطلب منه ان يدخل بحسابها عندما لا تتوفر عندها الأنترنت باش يقولها اذا كاش ماكاين جديد في الفايسبوك
و بالرسائل التي وصلتها،
و حتى على واش راهم يهدرو صحاباتها الي يقراو معاها في محادثة جماعية لتعرف اذا فيه هنالك جديد يخص لقراية ،

( و عندما اقول محادثة بنات يعني من المفروض هو لا يدخل الى المحادثة فليس بالضرورة هن يتحدثن دائما على الدراسة).

ثالثا ، مادام يرى ما تنشرنه صديقاتها فقد ينشرن صور لنساء ووو على اساس أن تراها النساء خاصة لمن لا تضيف الرجال في حسابها فالمنشور ليس موجها الا للنساء في بعض المرات و بالاك كاين الي دير تصاورها زعما باش يشوفوهم غير صحاباتها،

رابعا الرسائل ايضا ، ما أتكلمه أنا
و صديقتي ليس بالضرورة يجب ان يعلمه زوجي فيوجد كلام بين النساء فقط و كذلك كلام بين الرجال فقط ،

كل ما قلته ينطبق أيضا على من يعطي الرقم السري ديالو لزوجته او خطيبته يعني نفس الشيء سواء للمرأة او للرجل لكن أحيانا أكثر بالنسبة للرجل الذي نعطيه كلمة السر .

قد يقول البعض انت تقولين ثقة و بالتالي عندما تعطين كلمة السر لزوجك تكونين واثقة انه لن يفتح رسائل صديقاتك من دون مراقبته، و انه لن يرى كذا او كذا ،
نعم صحيح عندما يكون اهلا للثقة و اعطيه هذه الثقة فساكون على يقين انه لن يفعل و لكن هذا يسمى "الفايسبوك" و عالم افتراضي فليس بالضرورة عندما يظهر له منشور موجه للنساء خاصة اذا كان عبارة عن صور نساء غير محجبات مثلا ، هو من دخل فيه بل سيظهر في الصفحة الرئيسة من حسابي مثلا و سيراه صدفة و أكون انا السبب في ذلك فلو لم اعطيه كلمة السر
و دخل الى حسابي لن يراه.

و امر آخر اذا كان يثق في زوجته و هي تثق فيه لماذا قد يطلب احدهما من الآخر كلمة السر أصلا فكل واحد منهم علابالو الآخر واش راه يدير بلا مايعرف كلمة السر،

و هل يا ترى ينتهي الامر و نطمئن أن الطرف الآخر تحت رقابتي مثلا ، لا اظن ذلك فنقدروا نفتحوا الف حساب و لا احد سيعلم به كما ذكرت اخ الكريم،
و هنا طبعا ممكن نكون ابتعدنا تماما عن الشخص الذي يستحق الثقة .

نعود الى صديقاتي ، عندما اخبرت احداهن بذلك عندما كانت تتكلم عن فتاة تقول لخطيبها ان يرى آخر الاخبار في حسابها حتى الرسائل ، شرحت لها بعض النقاط التي ذكرتها هنا فلم يعجبها الأمر و اخبرتنا انها ايضا تتبادل كلمة السر مع زوجها،
و قالت لا انا مثلا أقول له أن يدخل و لكن و لا مرة قرأ رسائلي يخبرني فقط بالشخص الذي أرسلها و فقط و اذا كاين جديد في مجموعة الدراسة كي ماتكونش عندي الانترنت.(لانهما متزوجان شرعا و قانونيا بصح مازال ماداروش العرس) و هي في بيت والدها.

(هذه الصديقة لم تكن تملك حسابا في الفايسبوك عندما خطبها و لكنه كان يملك واحدا و بعد الخطبة تكلما في الأمر و قال لها ممنوع فتح حساب و بعد محاولات منها قال لها لا بأس و لكن تعطيني كلمة السر
و اعطاها هو ايضا و رغم ذلك تصر على ان الأمر لا يتعلق بالثقة) ،

و عندما سالتها عن السبب قالت (مافيها والو عادي ) ثم قالت لي يعني انت عندما تتزوجين اذا طلب منك زوجك أن تعطيه كلمة السر ا وان تغلقي حسابك لن تفعلي و تخسري حياتك على جال موقع ،

قلت لها لن اترك هذا الأمر الى ما بعد الزواج و العرس لاتكلم فيه و اكيد لن أغلق حسابي بهكذا طلب من دون سبب او تفسير مقنع ، يعني على الأقل لو يقول فتح حساب آخر ربما لكن غلق الحساب تماما فلن افعل ذلك و ان فعلت فسيكون برغبتي او اكون اقتعنت،

و أكيد سيكون استعمالنا لهذه المواقع في حدود و بالتالي لا شيء يجعل احدنا يطلب من الآخر اغلاق حسابه ، و لن يكون في حسابي ذكور و لا في حسابه اناث و قلت لها ان هذا الامر فيه نوع من الخصوصية و يجب على كل طرف ان يحترمه ،

فقالت مستحيل الآن تقولين ذلك لكن بعد تتزوجي و تكوني في بيته و تنحطي امام الامر الواقع ،
و مكاش راجل دوك مايطلبش هاد الشيء، ساتصل بك و ستقولين لي انه طلب منك ذلك و قبلت و سترين ، و أخبرتها انه لن يفعل و كلي ثقة و لن اضطر لأقبل او ارفض ...


كتبت بزاف اخاه عينيكم مساكن ،
المهم نكملو في ردود أخرى اذا كاين،
فقط اردت ان تنتبه البنات لبعض النقاط
و أن يتفهم الرجال بعض الأمور.
شكرا و اعتذر تعبتكم في القراءة.

شكرا اخ الكريم سيف الدين على الرد ، بارك الله فيك و ان شاء الله يقرأ ردك بعض الرجال الذين يفكرون بطريقة غريبة .

[سجل..انا جزائرية]

السلام عليكم و رحمة الله و بركاته
واشراكم؟

و عليكم السلام و الرحمه
الحمد لله السؤال عليك ؟

دوكا في المجتمع نتاعنا شحال من مرة نسمعو امرأة تقول خطبني فلان و قالي تغلقي الفايسبوك نتاعك ولا تعطيني (لمودباس) ولا ماتخدميش بالانترنت ..
ولا هو يقول راني قلتلها كذا و كذا .
و بالاك صادفتوا هذا الامر من قبل
و قالولكم السبب ، و كاين الي يشوف الامر عادي و كاين الي لالا.

اي صح كاينه .. و كاين الي يشرظ مالبدايه ما يكونش عندها نت فالدار و لا سمعت بيها اصلا

و أنتِ أخية اذا طلبَ مِنك زوجكِ أو من سيخطبك أن تفعلي ذلك فهل رايحة تقبلي؟

و كيفاش رايحة تكون ردة فعلك اذا قبلتي، هل تتقبلي الأمر ببساطة ولا واش ديري؟

اممم ما نظنش كاين مشكل ..احتمال نتقلق مالظلب فالبديه لكن فالاخير نمدو لانو حسب رايي من حقو .......

و اذا طلب منك زوجك ولا الي يخطبك تغلقي حسابك وْلا تعطيه كلمة السر ، هل تشرطي عليه يعطيك كلمة السر الخاصة بحسابه أيضا ؟؟

كلم السر المفروض نمدها انا قبل الظلب حسب رايي كنوع من الثقة و ككذا ..
اما عنو هو فحر تماما
اذا مدهالي بها و نعمه و اذا لا ..ما ظاحتش السماء على الارض
و اصلا كان نروحو للشك ما نسلكوش ..
(قاع نفرضو مدهالي ..شكون يقعني بلي عندو غي هاذ الحساب و ماعندوش اخر)

و اذا ماطلبش منك تماما، فهل نتي تطلبي منوِ سواء عندك نتي حساب وْلا ماعندكش (ان يعطيك كلمة سره أو يغلق حسابه أو مايفتحش حساب اذا ماعندوش)؟ و لماذا؟

اذا كا من المدمنين هنا نتوقع من حقي نظلب ..
و رح نظلب بكل تاكيد
نشوفو سبب الادمان على الاقل !

و هل صادفتم ناس قالولكم انهم طلبوا ذلك من الطرف الآخر؟ و واش كان رايهم؟

واه و بزاف
تقريبا معظم الثنائي للي نعرفهم عندهم المودباس تع بعضعم
عايشين لاباس عليهم و الحمد لله
هو فضول و اشتراك قبل مايكون شك

مشكوووره على الموضوع اختي ناجو

[nadjofeva]

المشاركة الأصلية كتبت بواسطة مركـي..أكمل الفرآغ

و عليكم السلام و الرحمه
الحمد لله السؤال عليك ؟
الحمد لله بخير(مع لقراية بزاااف )

اي صح كاينه .. و كاين الي يشرظ مالبدايه ما يكونش عندها نت فالدار و لا سمعت بيها اصلا
ايه كاين الي يشرطو

اممم ما نظنش كاين مشكل ..احتمال نتقلق مالظلب فالبديه لكن فالاخير نمدو لانو حسب رايي من حقو .......
أمم من حقو هادي فيها و عليها ،
علاش تتقلقي امالا؟

(من حقو يعرف واش راكي ديري فيه بالاك يالوكان فضول ايه، كيما من حقنا نعرفو ، بصح ماشي من حقو يدي المودباس بالضرورة، بمعنى ماشي يشرطو
و لازم لازم يديه الافضل كي كل واحد يخلي الحرية للآخر ماشي خير )

كلمة السر المفروض نمدها انا قبل الظلب حسب رايي كنوع من الثقة و ككذا ..
امم نحترم رأيك بصح مانيش معاك فيه ،
نتي راكي قلبتيلنا الثقة من الناحية الاخرى،
يعني كي تمديلو الي تثيقي فيه ،
كل واحد كيفاش يشوفها بالاك كاين الي يحسو بالثقة هكاك يعني كي تعطيلو و بلا مايقولك .. وجهة نظر

اما عنو هو فحر تماما
اذا مدهالي بها و نعمه و اذا لا ..ما ظاحتش السماء على الارض
و اصلا كان نروحو للشك ما نسلكوش ..
(قاع نفرضو مدهالي ..شكون يقعني بلي عندو غي هاذ الحساب و ماعندوش اخر)
ايه صح ، بصح هكاك امالا واحد ماهو يثيق فلاخر وش من فايدة يمدلك ولا تمديلو اومبعد يفتح حساب آخر و ماتعرفيش ..


اذا كان من المدمنين هنا نتوقع من حقي نظلب ..
و رح نظلب بكل تاكيد
نشوفو سبب الادمان على الاقل !
هههه هنا لازم ياك اخخ
واه و بزاف
تقريبا معظم الثنائي للي نعرفهم عندهم المودباس تع بعضعم
عايشين لاباس عليهم و الحمد لله
هو فضول و اشتراك قبل مايكون شك

مشكوووره على الموضوع اختي ناجو

لالا عادي ، ماشي كي واحد يمد للآخر معنتها مايعيشوش مليح ،
ايه فضول كاينة منها ، اشتراك بالاك تانيت ،
بصح كاين الي شك و برك،
(هايا امالا خليهم يعطونا و مانعطولهمش واش رايك اخخ ،
امزح فقط ، بصح الواحد اذا رضا بزوجته ماتعطيلوش و هو يعطيلها معليش يكتر خيرو ،
مي ماشي طرف يطلب ذلك و مايقبلش يمد تاعو )

صحيتي على ابداء رأيك مركي ،
ربي يحفظك و يوفقك في قرايتك و ان شاء الله الي تتمنايها تلقايها

[كًبـريسـة~العلجِيـ،ـة]

السلام عليكم ورحمة الله وبركاتهه
وش رراكي نادجو ؟ عاش من شافك
راكي جايبتها يعطيك الصحة

موضوع يصلح للنقاش ،، جبتيلنا فاكهة العصر
عندي بزاف هدرة بصح عجزانة نكتب
(بيني بينك كتبت جرنان واتمحى )
المهم الي فوقي ماشاء الاخ سيف ما خلا حتى حاجة في قلبو
لا نحسدو فاني

بالنسبة للفيس وين نشوفو نشوف المشاكل
والقضية تاع المودباس تبانلي يدوموندوها التشيرات بزاف ، مشكاكات ومغيارات \
بالنسبة ليا نشوفها جياحة وتاع ذراري سيرتو عند المخطوبين
تحسهم هكا يبغو يجبدو فالمشاكل لرواحهم ولوكان من تحت الارض
تقوله مدلي المودباس\ماتديهش\جيبو ولا كش ما ندير\والله ما تشوفيه وديري الي ديره \ تعادية سمانة ومايهدرش معاها هو بعدها شهر ويكبرو المشاكل ويوصلو للفسخ على حاجة تافهة ،،
+

الاشياء الشخصية تبقى شخصية ولوكان وش يصرا
كانت قادرة من توصل لداره وتشوفو يكونيكتي تقعد بحذاه وتشوفو شا يدير على راحتها بلا تيباس الراس

مم وبالنسبة ليا ما نظنش نطالب بالمودباس
واذا اني نمدو ولالا ؟ فَـ على حساب
الطفلة من تحس الحاجة فيها تحقيق تعاند وما تمدتش لانو الراجل اذا بين الشك نتاعه راهي ماتفراش (باينة : كان من قبل عنده لبنات ويحوس يشوف اذا راني منهم ولا نو ) الشح فيه خليه يموت بالشك

الفيس والمنتديات والمواقع بعد الزواج حاجة عادية ونشجعها
وتكون بحدود كيما قال الاخ سيف قبلي ،، المشاركة ولكن في حدود
ما يهدر مع البنات ما تقصر مع لولاد وعاشو في سعادة وسلام

وفي حالة اذا طلبو مني نبعد على النت بشكل عام هنا صح نحاولو نعترضو ونتمسكنو
وما نعرف وش يصرا بصح يا نادجو مش النت ولا الفيس الي يخلو الطفلة تخسر دارها

الهدرة راحتلي ،، نرجعو من بعد ان شا الله
واسمحيلنا طولنا عليك

تصبحو بخير

[nadjofeva]

المشاركة الأصلية كتبت بواسطة كًبـريسـة~العلجِيـ،ـة

السلام عليكم ورحمة الله وبركاتهه
و عليكم السلام و رحمة الله و بركاته
وش رراكي نادجو ؟ عاش من شافك
الحمد لله بخير ، كيما قلت لمركي اني ملي نوض و انا نقرا حتى راسي يسطر (كي شغل صح )
بصح يا كبريسة نتي الي عاش من شافك هادي غيبة ، وش حوالك؟

راكي جايبتها يعطيك الصحة
الله يسلمك

موضوع يصلح للنقاش ،، جبتيلنا فاكهة العصر
عندي بزاف هدرة بصح عجزانة نكتب
(بيني بينك كتبت جرنان واتمحى )
ههه مسكينة معليش
المهم الي فوقي ماشاء الاخ سيف ما خلا حتى حاجة في قلبو
لا نحسدو فاني

بالنسبة للفيس وين نشوفو نشوف المشاكل
تعرفي كاين ناس طلقت على جال الفايس، بصح ماشي على لمودباس و انما لِفساد واحد منهما يالزوج يالزوجة .. و هادو الي مايعرفوش يستغلو التكنولوجيا..

والقضية تاع المودباس تبانلي يدوموندوها التشيرات بزاف ، مشكاكات ومغيارات \
هي صح بعض البنات يغيرو شويا بزاف بصح انا على حساب واش شفت لولاد يطلبوه أكثر
بالنسبة ليا نشوفها جياحة وتاع ذراري سيرتو عند المخطوبين
تحسهم هكا يبغو يجبدو فالمشاكل لرواحهم ولوكان من تحت الارض
تقوله مدلي المودباس\ماتديهش\جيبو ولا كش ما ندير\والله ما تشوفيه وديري الي ديره \ تعادية سمانة ومايهدرش معاها هو بعدها شهر ويكبرو المشاكل ويوصلو للفسخ على حاجة تافهة ،،
+
ههههه
لالا ماشي هكدا، كي يوصل التعامل بين الطرفين بهذه الطريقة مابقات حياة بيناتهم ماشي هكدا الي لواحد يبني حياة مليحة بغض النظر عن العفسة تع المودباس ، يعني عموما كي يولي التعامل هكا في كل شيء خلاص ..

الاشياء الشخصية تبقى شخصية ولوكان وش يصرا
كانت قادرة من توصل لداره وتشوفو يكونيكتي تقعد بحذاه وتشوفو شا يدير على راحتها بلا تيباس الراس

ايه معك حق و هادي الي حبيت نوصلها يعني مش شرط يكون عندك المودباس باش تعرفي واش يدير ، و هو وحدو قادر يوريلك و نتي نفس الشيء ،
بصح تبقى على حساب طبيعة كل واحد منهما ، قادر حتى كي تتزوج و مايوريلهاش ..

مم وبالنسبة ليا ما نظنش نطالب بالمودباس
واذا اني نمدو ولالا ؟ فَـ على حساب
الطفلة من تحس الحاجة فيها تحقيق تعاند وما تمدتش لانو الراجل اذا بين الشك نتاعه راهي ماتفراش (باينة : كان من قبل عنده لبنات ويحوس يشوف اذا راني منهم ولا نو ) الشح فيه خليه يموت بالشك
هههه هذي مليحة فيها "بدون تعليق"

الفيس والمنتديات والمواقع بعد الزواج حاجة عادية ونشجعها
وتكون بحدود كيما قال الاخ سيف قبلي ،، المشاركة ولكن في حدود
ما يهدر مع البنات ما تقصر مع لولاد وعاشو في سعادة وسلام
هديك هيا

وفي حالة اذا طلبو مني نبعد على النت بشكل عام هنا صح نحاولو نعترضو ونتمسكنو
عجبتني نتمسكنو
وما نعرف وش يصرا بصح يا نادجو مش النت ولا الفيس الي يخلو الطفلة تخسر دارها

الهدرة راحتلي ،، نرجعو من بعد ان شا الله
واسمحيلنا طولنا عليك

تصبحو بخير

ههه لالا واش وصلنا الى الخسارة
أهلا بيك في كل وقت كبريسة (ضحكني الرد تاعك )
شكرا لك على الرد و أنتِ من أهل الخير ان شاء الله ،
و الله يبعد عليك هدو المشاكل .

[سيف الدين]

وعليكم السلام ورحمة الله وبركاته

راني رجعت مرة أخرى للموضوع لأنو تذكرت واحد شخص ونستغلم الأمر في ابداء
ملاحظات على ردكم على تعليقنا

هذا الأمر راهو انتشر للأسف

بالنسبة لي لا مانع باش يكون عندها الفايسبوك او انها تشارك في المنتديات، ولكن
راهو فيه شروط، بالنسبة للفايس لازم ما يكونش عندها شباب كما انا ما عنديش البنات
وأيضا الكلام الي تهدرو يكون خاص يعني يظهر فقط لصديقاتها وطبعا لي ايضا .

معك حق و لكن قد تطلب منك ذلك ايضا

عادي جدا، مش معقولة الواحد يطلب من طرف آخر بفعل أمر وهو نفسه لا يطبق، أعتقد أنه
سيسقط من عيني الطرف الآخر !

بشأن نقطة نتاع أمور خاصة الي متواجدة في حساب نتاع النساء، نشكرك على هذه النقطة
أخت الكريمة لأنو ما خطرتش في بالي وما نتبهتش ليها ! وشكرا أيضا على مراجعة الأفكار
حول هذه النقطة

نظن الواحد الي يطلب من زوجتو تعطيلو المود الباس لازم يحشم شوي من هذا الطلب، لأنو
كما تفضلت أخت الكريمة راهو كاين أمور خاصة بين النساء وممكن هو يفتح الحساب
نتاعها مباشرة تخرجلك هذيك الصورة ولا كاشي كلام في الصفحة الرئيسية ! وممكن هاذي
العفسة راح تفسد العلاقة لما يروح الزوج يقول زوجته راني شفت كذا في حسابك نقصد
الصور نتاع النساء وو وممكن مثلا يروح يقرا الرسائل نتاعها من باب لفضول اذا هدرنا من
منطق الفضول !

وأيضا نظن أي زوج ما يحبش من زوج آخر او رجل يقرا واش تكتب زوجتو لصديقاتها،
يعني واحد متزوج مثلا زوجته تملك الفايس وهذه الزوجة عندها صديقة وهي ثاني متزوجة
وعندها الفايس يهدروا مع بعضاهم في الفايس هيا يجي زوج الصديقة ويقرا الكلام نتاع
الزوجة الأخرى ! وممكن فيه أمور خاصة، انا واحد من ناس لو نسمع صديقة زوجتي
راجلها قرا رسائل نتاع زوجتي نطلب منها اما ما تزيدش تحكي معها او تديرلها درس حول
هذه نقطة، وهذا شي مش معقول ما نظنش واحد يقبلو !

المهم النقطة الي رجعت علجالها تذكرت واحد يدرس معي وهو متزوج، وكان عندو بنات في
الحساب نتاعو قالي بلي قلت للمدام اي الزوجة نتاعو شوفي راني نحيتهم كامل اخخخ بصح
كانت عندنا استاذة تقرينا وعندها الفايس احيانا تطلب منا نبعثولها رسائل ليها على شكل
بحوث ووو المهم السيد هذا قتلو كيفاه راح تدير مع الاستاذة نتاعنا قالي نتخبى ونبعث طلب
(الصداقة) ونكليكي على القبول اخخخخ قتلو اذا شافتها في الحساب نتاعك قال لي تنوض
ليا بالمقلات أخخخخخ ..

المهم السيد هذا نظن الغاية نتاعو هو الاستفادة وممكن المرأة راح تغير لو شافت جنس
(انثى) في حساب زوجها حتى وان كانت واش تكون .. حتى الزوج راح يغير ايضا اذا
شاف شخص (ذكر) في حساب زوجته حتى وان كان استاذ نتاعها في حالة ان كانت تدرس اخخخ

راني ذرك تفكرت حاجة أخرى، كاينة فيه سيدة من منتدى أخر تشكي من شقيق زوجها عمرو
كاشي 11 سنة لقات في حساب نتاعو نساء المهم راحت تقرا الرسائل نتاعو لقاتو مداير
علاقة مع نساء متزوجات !! ولما سقساتو قالها نقصر بيهم برك ! .. المهم نساء متزوجات
+ طفل 11 حاسبينو في عشرينيات ولا ثلاثينيات ! نظن هنا واحد يحتاج تفصيل شوي
بسبب العلاقة (الفاترة) بين الزوجة والزوج الي خلات الزوجة تبحث عن الحنان في مكان
آخر.

ممكن كاشي زوجة تفوت من هنا تقرا كلامنا او زوج يقرا كلامنا، المهم ما نظلمو حتى واحد
كل واحد والنية نتاعو وانما الواحد يتحدث عن الأفضلية وهو يتجنب الجنس الآخر في
مواقع التواصل الاجتماعي، لأنو ممكن تولي في كاشي أمور ما تدري وين تقيسك.

وسمحولنا عن الاطالة .. وتقبلو مرورنا

شكرآ

[nadjofeva]

المشاركة الأصلية كتبت بواسطة سيف الدين

وعليكم السلام ورحمة الله وبركاته

راني رجعت مرة أخرى للموضوع لأنو تذكرت واحد شخص ونستغلم الأمر في ابداء
ملاحظات على ردكم على تعليقنا

عادي جدا، مش معقولة الواحد يطلب من طرف آخر بفعل أمر وهو نفسه لا يطبق، أعتقد أنه
سيسقط من عيني الطرف الآخر !
أكيد،شكرا على التعليق.
بشأن نقطة نتاع أمور خاصة الي متواجدة في حساب نتاع النساء، نشكرك على هذه النقطة
أخت الكريمة لأنو ما خطرتش في بالي وما نتبهتش ليها ! وشكرا أيضا على مراجعة الأفكار
حول هذه النقطة
نظن الواحد الي يطلب من زوجتو تعطيلو المود الباس لازم يحشم شوي من هذا الطلب،
ايه صح ، بصح باش مانظلموش قاع الي يطلبو هذا الطلب ،
كاين الي بالاك الي ماتخطرش في بالهم
و لازم المرأة تتفطن لهكذا أمور باش تقدر تفهم زوجها أو خطيبها و طبعا هو يفهمها و ما يبسش راسو بزاف.
لأنو
كما تفضلت أخت الكريمة راهو كاين أمور خاصة بين النساء وممكن هو يفتح الحساب
نتاعها مباشرة تخرجلك هذيك الصورة ولا كاشي كلام في الصفحة الرئيسية ! وممكن هاذي
العفسة راح تفسد العلاقة لما يروح الزوج يقول زوجته راني شفت كذا في حسابك نقصد
الصور نتاع النساء وو وممكن مثلا يروح يقرا الرسائل نتاعها من باب لفضول اذا هدرنا من
منطق الفضول !
ايه و يولي يقول واش اداني للرسائل
و للحساب ديالها

وأيضا نظن أي زوج ما يحبش من زوج آخر او رجل يقرا واش تكتب زوجتو لصديقاتها،
(كي شغل اذا طلب منها ادير المنشورات لصديقاتها برك كيما قلت ، و اومبعد يجي الزوج تع صديقتها يقراه ، مادار والو و المشكل كي ما يصرحوش بلي عاطيين المودباس لأزواجهم )
يعني واحد متزوج مثلا زوجته تملك الفايس وهذه الزوجة عندها صديقة وهي ثاني متزوجة
وعندها الفايس يهدروا مع بعضاهم في الفايس هيا يجي زوج الصديقة ويقرا الكلام نتاع
الزوجة الأخرى ! وممكن فيه أمور خاصة، انا واحد من ناس لو نسمع صديقة زوجتي
راجلها قرا رسائل نتاع زوجتي نطلب منها اما ما تزيدش تحكي معها او تديرلها درس حول
هذه نقطة، وهذا شي مش معقول ما نظنش واحد يقبلو !
ايه و هداك هو المشكل يقولك انا معليش نقرا رسائل زوحتي مع صديقاتها راهي زوجتي و ماتخبي عليا والو،
و مايديرش في بالو بلي كاين شخص آخر ثان قادر يقرا واش تكتب زوجته ،
و هو يحسبها غير على روحو ، بصح الشيء الي الواحد مايقبلوش على روحو مايديروش للناس .
المهم النقطة الي رجعت علجالها تذكرت واحد يدرس معي وهو متزوج، وكان عندو بنات في
الحساب نتاعو قالي بلي قلت للمدام اي الزوجة نتاعو شوفي راني نحيتهم كامل اخخخ بصح
كانت عندنا استاذة تقرينا وعندها الفايس احيانا تطلب منا نبعثولها رسائل ليها على شكل
بحوث ووو المهم السيد هذا قتلو كيفاه راح تدير مع الاستاذة نتاعنا قالي نتخبى ونبعث طلب
(الصداقة) ونكليكي على القبول اخخخخ قتلو اذا شافتها في الحساب نتاعك قال لي تنوض
ليا بالمقلات أخخخخخ ..
ههه (كان بعثلها واش قاتلكم تع قراية في رسالة بلا طلب صداقة و هنّا روحو،
ولا زعما ممكن هذه الاستاذة ماتقبلش الرسائل غير من الاصدقاء)
و بالاك الايميل احسن في هكذا امور علاه حتى يولي الواحد في طلبات الصداقة.
المهم السيد هذا نظن الغاية نتاعو هو الاستفادة وممكن المرأة راح تغير لو شافت جنس
(انثى) في حساب زوجها حتى وان كانت واش تكون .. حتى الزوج راح يغير ايضا اذا
شاف شخص (ذكر) في حساب زوجته حتى وان كان استاذ نتاعها في حالة ان كانت تدرس اخخخ
أكيد ( مع اني نشوف في ناس ماعلابالهمش كامل يحيرو).
راني ذرك تفكرت حاجة أخرى، كاينة فيه سيدة من منتدى أخر تشكي من شقيق زوجها عمرو
كاشي 11 سنة لقات في حساب نتاعو نساء المهم راحت تقرا الرسائل نتاعو لقاتو مداير
علاقة مع نساء متزوجات !! ولما سقساتو قالها نقصر بيهم برك ! .. المهم نساء متزوجات
+ طفل 11 حاسبينو في عشرينيات ولا ثلاثينيات ! نظن هنا واحد يحتاج تفصيل شوي
بسبب العلاقة (الفاترة) بين الزوجة والزوج الي خلات الزوجة تبحث عن الحنان في مكان
آخر.
الله يهدي الناس كامل ، و ايضا و هذا الطفل الي 11 سنة
و يقوم بهكذا امور منين جاب هذو الافكار ،
كيفاش حتى ولا هكا و صغير في السن وينراهم والديه ووو مؤسف حقا ، الناس ماهيش تهدر لولادها و ماهيش تعرف كيفاش تخليهم يستخدمو التكنولوجيا مليح .

ممكن كاشي زوجة تفوت من هنا تقرا كلامنا او زوج يقرا كلامنا، المهم ما نظلمو حتى واحد
كل واحد والنية نتاعو وانما الواحد يتحدث عن الأفضلية وهو يتجنب الجنس الآخر في
مواقع التواصل الاجتماعي، لأنو ممكن تولي في كاشي أمور ما تدري وين تقيسك.
نعم بذلك الواحد يغلق كل الابواب .
وسمحولنا عن الاطالة .. وتقبلو مرورنا
لالا عادي رانا كامل جايبينها غير ردود طويلة
شكرآ

شكرا على عودتك للموضوع مرة أخرى أخ الكريم

[غيثاء]

السلام عليكم و رحمة الله تعالى و بركاته

موضوع رائع .....مؤسف انني لم اكن متواجدة ولم اشارك في نقاشكم هذا ......بالفعل نلاحظ كثيرا في مجتمعنا الخلاف الحاصل حول مسالة الفايسبوك خاصة ومواقع التواصل والمنتديات عامة...يا ترى هل هذا عائد لعدم انفتاح شرائح المجتمع على التقدم المعلوماتي ام انه عائد الى خلفية الافراد و تخلاطهم بالتالي يخافون ان يكون نفس الامر من الطرف الاخر

المهم وجهة نظري بسيطة
لا مانع لدي في ان يستعمل شريكي الفايسبوك او المنتديات او اي موقع تواصل يشاء ....بالنسبة لي ساوقف حساب الفايسبوك تلقائيا ان ما حدث و ارتبطت ان طلب ذلك لكن بشرط ساتابعكم احبتي عن طريق حسابه الخاص هههههههه او سافتح بعد مشورته حسابا جديدا يضم صديقاتي والمعنيات بالامر ولا داعي لاضافة الشباب تجنبا للخلاف
بالنسبة لطلب المودباس ...لا مانع لدي ان طلبه لكن في قرارة نفسي افضل الا يفعل فكما اسلفتم الذكر هذا سيولد في نفسي شعورا بانه لا يمنحني ثقته المطلقة و انا كذلك لن اطلب المودباس وارحب ان اعطاني اياه من تلقاء نفسه .....شفتو شحال متفهمة هههههههههه كذلك هو شريكي الغائب بعد هههههه
اما عن المنتديات فلا داعي للنقاش فانا سابقى من روادها لكن سيكون هناك نوع من التحفظ اكثر من ذي قبل ...شكرا للطرح عزيزتي دمت بود