الدراسة أو العمل في الخارج

[nadjofeva]

السلام عليكم و رحمة الله و بركاته
واشراكم عضوات،أعضاء بيت العرب الجزائري؟؟
واش راكم دايرين فيها ؟ راهو البرد عندكم ولا كيفاش الطقس؟؟

أمم حبيت نسقسيكم مع المنح الي راهي في الآونة الأخيرة ،
هل جاتكم من قبل فرصة للذهاب الى الخارج ليس لعطلة أو لإقامة دائمة ،
و انما للدراسة ولا العمل ؟؟

اذا لالا ، و لو كان جيكم فرصة باش تروحو تقراو ولا تخدموا في الخارج تروحو ولا ماتروحوش؟
و في الحالتين لماذا ؟؟ و كيفاش تقررون الذهاب أو لا؟

بالنسبة للذكور، لو جاءت هكذا فرصة للأخت أو الخطيبة أو الزوجة ، كيف ستكون ردة فعلكم ، هل ستقبلون و تخلوها تروح ؟
ولا واش ديروا ؟

بالنسبة للإناث، كيف سترين ذهاب أخاك أو خطيبك أو زوجك للدراسة أو العمل في الخارج؟

و ما رأيكم اناث و ذكور في الفتاة التي تذهب الى الخارج لواحد من هذه الأسباب ؟

من دون أن احدد الظروف الي الواحد يروح فيهم .

اليكم الخط
و شكرا

[سيف الدين]

السلام عليكم و رحمة الله و بركاته

وعليكم السلام ورحمة الله وبركاته

واشراكم عضوات،أعضاء بيت العرب الجزائري؟؟

رانا بخير والحمد لله، ان شاء الله أحوالكم وأحوال العائلة
بخير


واش راكم دايرين فيها ؟ راهو البرد عندكم ولا كيفاش
الطقس؟؟

الشطر الأول من السؤال يحتاج وقت وموضوع منفصل باش
نجاوب عليه .. المهم الأمور راهي بخير والحمد لله

البرد اممم شوي مش كما الايامات الي صب فيها الثلج

أمم حبيت نسقسيكم مع المنح الي راهي في الآونة الأخيرة ،
هل جاتكم من قبل فرصة للذهاب الى الخارج ليس لعطلة أو
لإقامة دائمة ،
و انما للدراسة ولا العمل ؟؟

المنح نتاع الدولة الجزائرية؟ انا جربت العام الماضي
منحة نتاع تركيا ومش نتاع الجزائر وما نجحتش فيها،
واما الفرص الأخرى نتاع تروح بجيبك جاتني أكثر من مرة،
وأما العمل لالا

اذا لالا ، و لو كان جيكم فرصة باش تروحو تقراو ولا
تخدموا في الخارج تروحو ولا ماتروحوش؟

انا طبعا نقول ايه نروح ، ولكن البلد إلي ما عندك ولا
قريب ممكن عم/ة أو خال/ة او جد او جدة ماكلاه تفكر فيه،
لأنه الأمر جد جد صعب وخاصة اذا كان الامر راهو متعلق
بدولة غربية.

و في الحالتين لماذا ؟؟ و كيفاش تقررون الذهاب أو لا؟

لما تحب تروح تقرا في الخارج يعني أنت راك تحب تحسن
المستوى نتاعك.

لما تحب تروح من أجل العمل يعني أنت ممكن اما انك عاطل
عن العمل ولا تبحث عن أجرة كبيرة، وممكن يعجبك المكان
من حيث القوانين والنظام والنظافة وغيرها من الامور.

كيفاه نقرر؟ اممم لما نكون في الحالتين السابقتين
وخاصة الحلة المتعلقة بالعمل وأكثر من ذلك لازم نعرف
أشخاص في البلد الي راح نروح ليه، ومش بالضرورة تعرف
شخص واحد برك وانما أشخاص لأنه ممكن الشخص هذاك يبطل
ويقولك ربي يسهل عليك تمحن ههه هاو تعشي حاصل، على أقل
تزيد تشوف أشخاص آخرين، مثل ما حدث مع أحد الاصدقاء لما
زار بلد غربي.

وزايد ما ننساوش النقطة المهمة الي تخليك تتخذ القرار
وهو الماآآآل ..


بالنسبة للذكور، لو جاءت هكذا فرصة للأخت أو الخطيبة أو
الزوجة ، كيف ستكون ردة فعلكم ، هل ستقبلون و تخلوها
تروح ؟
ولا واش ديروا ؟

اخاااه نقبل ، شقيقتي اذا راح تروح لبلاصة فيها
اقارب معليش، ونفس الشيء للخطيبة، ولكن الخال والعم
بالنسبة للخطيبة معليش بصح الخالة والعمة لالا وذلك بسبب
أزواجهن، ولكن انا خطيبتي ما نقبلش.

وشقيقتي اذا تروح للبلاصة ما كانش فيها اقارب لالا
مستحيل.

أما الزوجة من المستحيلات السبع لازم رجلي رجلها، هاو
الزوج يغار على زوجته ولا كيفاه

السبب نتاع الرفض مش متعلق بالثقة وانما الأمر صعب أن
تذهب زوجتك بعيدا عنك، خطيبتك بالاك شوي، ولكن مع بلد
أجنبي الواحد راح يخاف عليها بزاف المضايقات
وكاشي مكروه الله يعافينا وغيرها.

بالنسبة للإناث، كيف سترين ذهاب أخاك أو خطيبك أو زوجك
للدراسة أو العمل في الخارج؟

يا درى واش راح يكون الجواب

و ما رأيكم اناث و ذكور في الفتاة التي تذهب الى
الخارج لواحد من هذه الأسباب ؟

بالنسبة لي عادي ان كان لها اقارب في المكان الذي
ستذهب إليه، ولكن مثل ما قلت الفوق استثني خطيبتي أو
زوجتي، والشخص الآخر الي سمح خطيبتو او زوجته تذهب
بمفردها فالله يسهل عليه وربي يقدر الخير ان شاء الله.

من دون أن احدد الظروف الي الواحد يروح فيهم .

اليكم الخط
و شكرا

شكرا ليك أخت نادجو على فتح هذه المساحة، الموضوع فعلا
يشغل البال وطرحته على نفسي أكثر من مرة.

الله يحفظك

[nadjofeva]

المشاركة الأصلية كتبت بواسطة سيف الدين

وعليكم السلام ورحمة الله وبركاته

رانا بخير والحمد لله، ان شاء الله أحوالكم وأحوال العائلة
بخير
الحمد لله أنكم بخير و الحمد لله
نحن بخير


الشطر الأول من السؤال يحتاج وقت وموضوع منفصل باش
نجاوب عليه .. المهم الأمور راهي بخير والحمد لله
صحيح ، و لله الحمد

البرد اممم شوي مش كما الايامات الي صب فيها الثلج
حنا طل علينا من بعيد لبعيد برك

المنح نتاع الدولة الجزائرية؟ انا جربت العام الماضي
منحة نتاع تركيا ومش نتاع الجزائر وما نجحتش فيها،
لالا ماشي شرط المنح تع الجزائر برك،
يعني حتى تع الخارج ولا كيما لكونكور الي رايح يديروه في فيفري تع الدكتوراه 3 الاوائل من التخصصات المعنية يجوزوه،
و من بعد الي ينجح يعطولو منحة للخارج و البلد حسب التخصص و الرغبة ووو.

واما الفرص الأخرى نتاع تروح بجيبك جاتني أكثر من مرة،
وأما العمل لالا
و ماذا فعلت ؟؟
انا طبعا نقول ايه نروح ، ولكن البلد إلي ما عندك ولا
قريب ممكن عم/ة أو خال/ة او جد او جدة ماكلاه تفكر فيه،
لأنه الأمر جد جد صعب وخاصة اذا كان الامر راهو متعلق
بدولة غربية.
أممم حتى و الاقامة كاينة و مضمونة من الدولة نتاعك ، و لكن في الدولة الي يروح يقرا ولا يخدم فيها المعني بالأمر طبعا .


لما تحب تروح تقرا في الخارج يعني أنت راك تحب تحسن
المستوى نتاعك.
على الأغلب نعم.

لما تحب تروح من أجل العمل يعني أنت ممكن اما انك عاطل
عن العمل ولا تبحث عن أجرة كبيرة، وممكن يعجبك المكان
من حيث القوانين والنظام والنظافة وغيرها من الامور.
أوك
كيفاه نقرر؟ اممم لما نكون في الحالتين السابقتين
وخاصة الحالة المتعلقة بالعمل وأكثر من ذلك لازم نعرف
أشخاص في البلد الي راح نروح ليه، ومش بالضرورة تعرف
شخص واحد برك وانما أشخاص لأنه ممكن الشخص هذاك يبطل
ويقولك ربي يسهل عليك تمحن ههه هاو تعشي حاصل، على أقل
تزيد تشوف أشخاص آخرين، مثل ما حدث مع أحد الاصدقاء لما
زار بلد غربي.
تمحن امم لكنك لن تعتمد على الأشخاص الي تعرفهم و تروح لهدف معين فقط، و حتى و لو كان هنالك آلاف الاشخاص مش بالضرورة يوقفوا معاك.

وزايد ما ننساوش النقطة المهمة الي تخليك تتخذ القرار
وهو الماآآآل ..
المال نقولو زعما راهي منحة خالصة
و ماتحتاجش المال .


اخاااه نقبل ،
هاذي ايه ولا لالا مافهمتهاش
شقيقتي اذا راح تروح لبلاصة فيها
اقارب معليش، ونفس الشيء للخطيبة، ولكن الخال والعم
بالنسبة للخطيبة معليش بصح الخالة والعمة لالا وذلك بسبب
أزواجهن، ولكن انا خطيبتي ما نقبلش.
الخالة أو العمة اذا بالنسبة للأخت ايضا فيوجد أزواجهن .

لكن لماذا الاخت نعم و الخطيبة لا في هذه الحالة؟

وشقيقتي اذا تروح للبلاصة ما كانش فيها اقارب لالا
مستحيل.
و في حالة تركها الوالد تذهب؟؟

أما الزوجة من المستحيلات السبع لازم رجلي رجلها، هاو
الزوج يغار على زوجته ولا كيفاه
حسنا

السبب نتاع الرفض مش متعلق بالثقة وانما الأمر صعب أن
تذهب زوجتك بعيدا عنك، خطيبتك بالاك شوي، ولكن مع بلد
أجنبي الواحد راح يخاف عليها بزاف المضايقات
وكاشي مكروه الله يعافينا وغيرها.
أوك

يا درى واش راح يكون الجواب
ننتظر الاناث

بالنسبة لي عادي ان كان لها اقارب في المكان الذي
ستذهب إليه، ولكن مثل ما قلت الفوق استثني خطيبتي أو
زوجتي، والشخص الآخر الي سمح خطيبتو او زوجته تذهب
بمفردها فالله يسهل عليه وربي يقدر الخير ان شاء الله.

اللهم آمين
شكرا ليك أخت نادجو على فتح هذه المساحة، الموضوع فعلا
يشغل البال وطرحته على نفسي أكثر من مرة.

الله يحفظك

نعم صحيح و جدا
شكرا لك على المرور و ابداء رأيك ، وفقكم الله و ربي يحفظ الجميع

[سيف الدين]

المشاركة الأصلية كتبت بواسطة nadjofeva

لالا ماشي شرط المنح تع الجزائر برك،
يعني حتى تع الخارج ولا كيما لكونكور الي رايح يديروه في فيفري تع الدكتوراه 3 الاوائل من التخصصات المعنية يجوزوه،
و من بعد الي ينجح يعطولو منحة للخارج و البلد حسب التخصص و الرغبة ووو.

اه طيب، بالتوفيق الي راح يجوز الكونكور


و ماذا فعلت ؟؟

تكاسلت (ماليزيا، تركيا وفرنسا).


أممم حتى و الاقامة كاينة و مضمونة من الدولة نتاعك ، و لكن في الدولة الي يروح يقرا ولا يخدم فيها المعني بالأمر طبعا .

مش عارف بالضبط نظن الأمر راهو صعب شوي.

أولا: بلد أجنبي.

ثانيا: اذا قلنا اقامة سما فيه اتحمال انه ماكانش
اقارب، واذا راهم بعاد على مكان الدراسة وتطلب الاقامة،
نظن معليش، لأنه كاين إلي يعاونك وينحي عليك الاحساس
بالغربة.

ثالثا: اذا قلنا الدراسة في الخارج يعني الفتاة راح
تمكث ممكن سنة وتاخذ العطلة وترجع للبيت ومبعد تعاود
ترجع، نظن عام الي راح تقعد فيه وحدها في بلد اجنبي
ومع الغربة، صعب بزاف وبزاف، راني نعرف رجال وعانوا من
الغربة فما بالك الفتاة.

رابعا: اذا قلنا بلد غربي يعني راح نقولو مثلا بريطانيا
ولا فرنسا وو واذا قلنا فتاة يعني راح نتحدثو عن الفتاة
المسلمة وتضع الخمار،.. واحنا رانا نشوفو المضايقات
والعنصرية في البلدان الغربية تجاه كل ما يمت بالاسلام،
الي تضع خمار ممكن راح يكون فيه اعتداء جسدي واذا
تحدثنا عن أقل الاضرار راح يكون ضرر نفسي كالشتم
والتهديد،..


تمحن امم لكنك لن تعتمد على الأشخاص الي تعرفهم و تروح لهدف معين فقط، و حتى و لو كان هنالك آلاف الاشخاص مش بالضرورة يوقفوا معاك.

البلد راح تروح ليه أول مرة ومثلا أنا عايش في كوكب
الجزائر وتروح لكوكب بريطانيا مثلا هاو كلش كلش راح
يتدبل، واحتمال الواحد ما يفهم فيها والو ولازم على
الاقل يعاونو كاشي واحد باش يتعود شوي ويتأقلم.


المال نقولو زعما راهي منحة خالصة
و ماتحتاجش المال .

اممم الله أعلم وشحال منحة هذيك، لانه حسب البلدان كاين
الي يقولك نعطيلك الاقامة وتكلفة الدراسة ونعطيلك
الفطور نتاع الصباح ولكن الغداء والعشاء تمحن وحدك،
ونظن المنحة راهم في كل الدول الغربية تدخل فيها
تكاليف الاقامة ودفع مستحقات الدراسة، مثلا جامعة
اكسفورد الي نلم ندرس فيها انا، تكلفة الدراسة فيها
500 مليون سنتيم للعام.. اما الدولة نتاعنا اذا عندها
بعثات علمية للخارج قصد التكوين مش عارف المنحة
نتاعها واش يدخل فيها.


هاذي ايه ولا لالا مافهمتهاش

هذيك معناتها صدمة، الترجمة نتاعها (معقولة نقبل )

الخالة أو العمة اذا بالنسبة للأخت ايضا فيوجد أزواجهن .

لكن لماذا الاخت نعم و الخطيبة لا في هذه الحالة؟

مستوى الغيرة إلي يحدد ولست أنا .. وممكن الرأي راح
يتغير مع وقت.
.
و في حالة تركها الوالد تذهب؟؟

تركها الوالد يعني هنا في حالة كانت (أخت) أم خطيبة؟

سأفترض ان المقصود هم في الثلاثة.

(الاخت) ان قبل الوالد فلا دخل لي بعد ذلك، هذا يعني
أنني لم أفلح في تغيير الموقف.

((الخطيبة) في حالة لم يتم عقد القران فيحق لوالدها
ان يتخذ قراره بشأن ابنته وسأحترم رأيه ولن أقول أي
شيء مع أنه قرار صعب، ان شاء الله ما نشوفش هذا الموقف

في حالة كانت خطيبة وتم عقد القران فالقرار أعتقد أنه
سيرجع إلي، وطبعا سأرفض .

بلمناسبة لقد انتبهت لنقطة وهي:

كيف لخطيبة أن تذهب وتعمل في بلد أجنبي مثلا وخطيبها في
بلد آخر، والذي نعرفه عن العمل أنه قد يكون مؤقت ربما
أشهر او بضع أعوام، وممكن دائم؟ وكيف سيتم الزواج؟

ونفس الشيء بالنسبة للزوجة أن تعمل خارج البلد بعيدا
عن زوجها.

بانتظار مداخلات باقي الاعضاء


وشكرا

[nadjofeva]

اه طيب، بالتوفيق الي راح يجوز الكونكور
نعم بالتوفيق لهم(ن)


تكاسلت (ماليزيا، تركيا وفرنسا).
معليش خيرها في غيرها.


مش عارف بالضبط نظن الأمر راهو صعب شوي.
من ناحية صعيب فهذا مفروغ منه بالنسبة للجنسين .

أولا: بلد أجنبي.

ثانيا: اذا قلنا اقامة سما فيه احتمال انه ماكانش
اقارب، واذا راهم بعاد على مكان الدراسة وتطلب الاقامة،
نظن معليش، لأنه كاين إلي يعاونك وينحي عليك الاحساس
بالغربة.

ثالثا: اذا قلنا الدراسة في الخارج يعني الفتاة راح
تمكث ممكن سنة وتاخذ العطلة وترجع للبيت ومبعد تعاود
ترجع، نظن عام الي راح تقعد فيه وحدها في بلد اجنبي
ومع الغربة، صعب بزاف وبزاف، راني نعرف رجال وعانوا من
الغربة فما بالك الفتاة.
أكيد.

رابعا: اذا قلنا بلد غربي يعني راح نقولو مثلا بريطانيا
ولا فرنسا وو واذا قلنا فتاة يعني راح نتحدثو عن الفتاة
المسلمة وتضع الخمار،.. واحنا رانا نشوفو المضايقات
والعنصرية في البلدان الغربية تجاه كل ما يمت بالاسلام،
الي تضع خمار ممكن راح يكون فيه اعتداء جسدي واذا
تحدثنا عن أقل الاضرار راح يكون ضرر نفسي كالشتم
والتهديد،..




البلد راح تروح ليه أول مرة ومثلا أنا عايش في كوكب
الجزائر وتروح لكوكب بريطانيا مثلا هاو كلش كلش راح
يتدبل، واحتمال الواحد ما يفهم فيها والو ولازم على
الاقل يعاونو كاشي واحد باش يتعود شوي ويتأقلم.
أوك



اممم الله أعلم وشحال منحة هذيك، لانه حسب البلدان كاين
الي يقولك نعطيلك الاقامة وتكلفة الدراسة ونعطيلك
الفطور نتاع الصباح ولكن الغداء والعشاء تمحن وحدك،
ونظن المنحة راهم في كل الدول الغربية تدخل فيها
تكاليف الاقامة ودفع مستحقات الدراسة، مثلا جامعة
اكسفورد الي نلم ندرس فيها انا، تكلفة الدراسة فيها
500 مليون سنتيم للعام.. اما الدولة نتاعنا اذا عندها
بعثات علمية للخارج قصد التكوين مش عارف المنحة
نتاعها واش يدخل فيها.
وفقك الله


هذيك معناتها صدمة، الترجمة نتاعها (معقولة نقبل )
أمم انا قلت بالاك مافهمتش و معنتها ايه


مستوى الغيرة إلي يحدد ولست أنا .. وممكن الرأي راح
يتغير مع وقت.
حسنا


تركها الوالد يعني هنا في حالة كانت (أخت) أم خطيبة؟
لا طبعا قصدت الأخت و ليس الخطيبة لأنني اعلم ان الرأي ليس للوالد على الأغلب بعد عقد القران الشرعي.

سأفترض ان المقصود هم في الثلاثة.

(الاخت) ان قبل الوالد فلا دخل لي بعد ذلك، هذا يعني
أنني لم أفلح في تغيير الموقف.

((الخطيبة) في حالة لم يتم عقد القران فيحق لوالدها
ان يتخذ قراره بشأن ابنته وسأحترم رأيه ولن أقول أي
شيء مع أنه قرار صعب، ان شاء الله ما نشوفش هذا الموقف
حسنا ان شاء الله لن يحدث ذلك معكم.

في حالة كانت خطيبة وتم عقد القران فالقرار أعتقد أنه
سيرجع إلي، وطبعا سأرفض .
ههه أوك يعني الرفض مفروغ منه أيضا.

المشاركة الأصلية كتبت بواسطة سيف الدين

بالمناسبة لقد انتبهت لنقطة وهي:

كيف لخطيبة أن تذهب وتعمل في بلد أجنبي مثلا وخطيبها في
بلد آخر، والذي نعرفه عن العمل أنه قد يكون مؤقت ربما
أشهر او بضع أعوام، وممكن دائم؟ وكيف سيتم الزواج؟
أممم لا أعلم و لم أسمع بهكذا حالات ، ربما اذا كان العمل مؤقتا و يكون قد قبل بذهابها فأكيد سينتظرها و سيكون الزواج بعد عودتها،
و لكن اذا كانت الفترة قصيرة نوعا ما ، أو انهما متفقان على تاريخ زواجهما ربما بعد عام ، عامين، 3 أعوام،..

ونفس الشيء بالنسبة للزوجة أن تعمل خارج البلد بعيدا
عن زوجها.
يعني اذا تعلق الأمر بالزوجة فلا أظن انها ستفعل و لا الزوج سيتركها تذهب .
بانتظار مداخلات باقي الاعضاء


وشكرا

ان شاء الله ننتظرهم
شكرا لك على العودة مرة اخرى

[سيف الدين]

المشاركة الأصلية كتبت بواسطة nadjofeva

اممم الله أعلم وشحال منحة هذيك، لانه حسب البلدان كاين
الي يقولك نعطيلك الاقامة وتكلفة الدراسة ونعطيلك
الفطور نتاع الصباح ولكن الغداء والعشاء تمحن وحدك،
ونظن المنحة راهم في كل الدول الغربية تدخل فيها
تكاليف الاقامة ودفع مستحقات الدراسة، مثلا جامعة
اكسفورد الي نلم ندرس فيها انا، تكلفة الدراسة فيها
500 مليون سنتيم للعام.. اما الدولة نتاعنا اذا عندها
بعثات علمية للخارج قصد التكوين مش عارف المنحة
نتاعها واش يدخل فيها.
وفقك الله

ايييييه واش كتبت ، راني غلطت في الكتبة وبدلا ما نكتب نحلم كتبت نلم ، واقيلا راح
تسرى صح ان شاء الله سمحولنا على هذا الخطأ غير المقصود، ولكن يا سبحان الله
حرت وفرحت كما غلطت لأنو الفكرة لم تكن متوقعة .

الله يوفق الجميع ان شاء الله، وشكرا جزيلا لك على تقبلك مرورنا من هنا

ان شاء الله تتحق طموحات جميع الأعضاء في هذا المنتدى وفي خارجه، ونسمع أخبار
جميلة ومفرحة عنهم/ن.

ان الله على كل شيء قدير

[غيثاء]

السلام عليكم و رحمة الله و بركاته

و عليكم السلام و رحمة الله تعالى و بركاته

واشراكم عضوات،أعضاء بيت العرب الجزائري؟؟

لباس الحمد لله على كل حال

واش راكم دايرين فيها ؟ راهو البرد عندكم ولا كيفاش الطقس؟؟

كيما قالك سيف لازملها قعدة و نقولك واش دايرين فيها مع انو تقريبا والو ههههه ..... اما الجو مليح كنا مع الثلج لكن الان الجو منقولش تحسن لانو نحب الثلج خير... لكن الجو ماش بارد بزاف

أمم حبيت نسقسيكم مع المنح الي راهي في الآونة الأخيرة ،
هل جاتكم من قبل فرصة للذهاب الى الخارج ليس لعطلة أو لإقامة دائمة ،
و انما للدراسة ولا العمل ؟؟

امممممم ..مسمعتش بيها ..المهم احسنتي نادجو جبتيلنا الخبر ههه ...... لالا مجاتنيش فرصة كهذه من قبل

اذا لالا ، و لو كان جيكم فرصة باش تروحو تقراو ولا تخدموا في الخارج تروحو ولا ماتروحوش؟
و في الحالتين لماذا ؟؟ و كيفاش تقررون الذهاب أو لا؟

اذا كانت منحة للداسة نروووح اكيد منراطيهاش اما للعمل منضنش مفكرتش فالامر حتى من قبل لكن بخصوص الدراسة تقدري تقولي ياااااما حلمت بالفكرة
مفهمتش سؤالك كيفاش نقرروا مليح..المهم حسب م فهمت انو نقررو وحدنا ولا نشاورو العائلة اذا قصدك هكذا اكيد الانسان ليس حر نفسه في الخروج من البيت الى بلد اجنبي بمفرده في مجتمعنا المحافظ نوعا ما

بالنسبة للذكور، لو جاءت هكذا فرصة للأخت أو الخطيبة أو الزوجة ، كيف ستكون ردة فعلكم ، هل ستقبلون و تخلوها تروح ؟
ولا واش ديروا ؟

ابهرونا بالاجابات ذكور المنتدى

بالنسبة للإناث، كيف سترين ذهاب أخاك أو خطيبك أو زوجك للدراسة أو العمل في الخارج؟

بالنسبة للاخ او الخطيب عادي للدراسة او حتى العمل ...بالنسبة للزوج قد اغض النظر في قضية الدراسة ونخليه يروح يقرا وحدو و يرجع ههه اما بخصوص العمل يعني يقدر يستقر مكاش كيفاش نبقا هنا وهو لهيه .. ساطالبه بالذهاب معه

و ما رأيكم اناث و ذكور في الفتاة التي تذهب الى الخارج لواحد من هذه الأسباب ؟

بالنسبة للدراسة اظن الامر عادي ..و كما ذكر سيف في رده من الافضل لو كانت البلد بها اقارب ...لان التغرب بمفردك صعب جدا اما بالنسبة للعمل انا ضد الفكرة

من دون أن احدد الظروف الي الواحد يروح فيهم .

اليكم الخط
و شكرا

موضوع رائع عزيزتي ...شكرا للطرح الطيب ......دمت بود

[nadjofeva]

و عليكم السلام و رحمة الله تعالى و بركاته

لباس الحمد لله على كل حال
و لله الحمد ، الله يدومها

كيما قالك سيف لازملها قعدة و نقولك واش دايرين فيها مع انو تقريبا والو ههههه ..... اما الجو مليح كنا مع الثلج لكن الان الجو منقولش تحسن لانو نحب الثلج خير... لكن الجو ماش بارد بزاف

أوك أيا مليح ، بصحتكم الثلج ، حنا يعني نشوفو غير البرد نتاعو

امممممم ..مسمعتش بيها ..المهم احسنتي نادجو جبتيلنا الخبر ههه ...... لالا مجاتنيش فرصة كهذه من قبل

هههه كنت رايحة نديرها في المنتدى أومبعد مادخلتش في الوقت اللازم ، و دوكا جاز وقت الي يحطو فيه الملفات و الي هو 17 جانفي على ما أظن .

اذا كانت منحة للدراسة نروووح اكيد منراطيهاش اما للعمل منضنش مفكرتش فالامر حتى من قبل لكن بخصوص الدراسة تقدري تقولي ياااااما حلمت بالفكرة

ان شاء الله أجيك فرصة و يكون فيها الخير ليك ، و تكون كل الظروف ملائمة .

مفهمتش سؤالك كيفاش نقرروا مليح..المهم حسب م فهمت انو نقررو وحدنا ولا نشاورو العائلة اذا قصدك هكذا اكيد الانسان ليس حر نفسه في الخروج من البيت الى بلد اجنبي بمفرده في مجتمعنا المحافظ نوعا ما
ايه و لكن مش غير على تشاوري العائلة فهذيك لابد منها، و انما نتي كيفاش حتى تقرري و تقولي خلاص انا نروح ولا لالا مانروحش ، على أي أساس ، واش تشوفي كامل ؟

ابهرونا بالاجابات ذكور المنتدى

أممم رانا نسناو بقية الاعضاء

بالنسبة للاخ او الخطيب عادي للدراسة او حتى العمل ...
خمي مليح ههه

بالنسبة للزوج قد اغض النظر في قضية الدراسة ونخليه يروح يقرا وحدو و يرجع ههه
أخاه يعني كي يروح يقرا ماتقعديش وحدك و هو لهيه و نتي هنا
اما بخصوص العمل يعني يقدر يستقر مكاش كيفاش نبقا هنا وهو لهيه .. ساطالبه بالذهاب معه
أوك

بالنسبة للدراسة اظن الامر عادي ..و كما ذكر سيف في رده من الافضل لو كانت البلد بها اقارب ...لان التغرب بمفردك صعب جدا اما بالنسبة للعمل انا ضد الفكرة
أمم علاش ضد العمل ؟ لأنها مثلا تقعد تطول ولا تقعد على طول تما ؟

موضوع رائع عزيزتي ...شكرا للطرح الطيب ......دمت بود

عفو و لو و مرورك أروع حبيبتي ، ربي يحفظك و ان شاء الله تحقي كل احلامك و امانيك .

[غيثاء]

ان شاء الله أجيك فرصة و يكون فيها الخير ليك ، و تكون كل الظروف ملائمة .

ان شاء الله ليا و لكل الراغبين في الامر

ايه و لكن مش غير على تشاوري العائلة فهذيك لابد منها، و انما نتي كيفاش حتى تقرري و تقولي خلاص انا نروح ولا لالا مانروحش ، على أي أساس ، واش تشوفي كامل ؟

اه حسنا ... يعني هو اولا الفرد يشوف المنحة لاي بلد يشوف ظروف المعيشة ثما لانو ماشي اي بلد راحا تكوني فيه مريحة كاين بلدان عنصرية رغم التطور اللي رانا فيه .. لكن مزالو فعنصريتهم ..ميقدر الانسان يتاقلم بسرعة ..يشوف ظروف الدراسة كذلك ..يشوف مع نفسو الا يقدر يبعد عادي ...لانو كاين اشخاص معندهمش استعداد يبعدو بزاف على البلد و المنزل حتى ... لازم التخطيط المسبق لانو ماشي قصة حلم او رغبة فالدراس فقط..هذا اغتراب ليه انعكاسات بزاف على الرد ربما حتى فشخصيتو لازم يرسم لنفسو مبادىء يسير عليها تما و قواعد ميكسرهاش
كاين ناس شفهم راحو بسبب الدراس او العمل وقلبوها تحواس ورجعو لديارهم خائبين ...صح الانسان يستغل وجودو فالبلد لكن ملازمش يضيع على هدفو الاساسي

يعني بالمختصر ان صحت لي فرصة ...ساحاول الاخذ بكل الاسباب و اغتنامها ههههههه
لاو فعلا الدراسة هناك امر اخر تماما

خمي مليح ههه

قالت نادجو خمي مليح ..نعاود نخمم نردلك لخبر ههههه

أخاه يعني كي يروح يقرا ماتقعديش وحدك و هو لهيه و نتي هنا

هي سيان مع العمل الزوج راح يكون بعيد ...لكن لي وجهة نظر و ذكرتها ولم اتعمق في شرحها .... يعني اذا راح لاجل الدراسة راح يكون عندو انشغالات بزاف من ناحية يخمم فالدراسة ومصاريفها ومن جهة اخرى يخمم على الزوجة والبيت وقصة كبرة يولي يتحتم عليه البحث عن عمل ايضا لاعالة شخص اخر معه هذا بدون ذكر ان كان هناك اولاد ...صح راحا تكون الاسرة بجانبه لكن راحا تشغلو قليلا ...وديجا متقوليليش زيدي خمي فهاد الرد لمنخليهش يروح خلاص هههههههه

أمم علاش ضد العمل ؟ لأنها مثلا تقعد تطول ولا تقعد على طول تما ؟

يعني العمل ليس اولوية كالدراسة ....العمل موجود هنا ..انا ضد العمل خارج البلد للمراة الا اذا كان عملا لا يعوض راكي عارفة سفير ولا وزيرة و لا باحثة ربما او عمل مغري يستحق التغرب لاجله واما فلا ...راحا تبعد ن العائلة عن الوطن وتبقى مدة طويلة اجل عمل ممكن تاقي كيفو فالبلد



و امين يا رب نحقق جميعا كل اهدافنا

[nadjofeva]

المشاركة الأصلية كتبت بواسطة غيثاء

ان شاء الله ليا و لكل الراغبين في الامر
يا رب



اه حسنا ... يعني هو اولا الفرد يشوف المنحة لاي بلد يشوف ظروف المعيشة ثما لانو ماشي اي بلد راحا تكوني فيه مريحة كاين بلدان عنصرية رغم التطور اللي رانا فيه ..
ايه اكيد
لكن مزالو فعنصريتهم ..ميقدر الانسان يتاقلم بسرعة ..يشوف ظروف الدراسة كذلك ..يشوف مع نفسو الا يقدر يبعد عادي ...لانو كاين اشخاص معندهمش استعداد يبعدو بزاف على البلد و المنزل حتى ... لازم التخطيط المسبق لانو ماشي قصة حلم او رغبة فالدراس فقط..هذا اغتراب ليه انعكاسات بزاف على الرد ربما حتى فشخصيتو لازم يرسم لنفسو مبادىء يسير عليها تما و قواعد ميكسرهاش
لازم
كاين ناس شفهم راحو بسبب الدراس او العمل وقلبوها تحواس ورجعو لديارهم خائبين ...صح الانسان يستغل وجودو فالبلد لكن ملازمش يضيع على هدفو الاساسي
هههه أخاه اذا الواحد راح يقرا و نسا روحو حوس
و رجع.

يعني بالمختصر ان صحت لي فرصة ...ساحاول الاخذ بكل الاسباب و اغتنامها ههههههه
لاو فعلا الدراسة هناك امر اخر تماما
ههه أوك .

قالت نادجو خمي مليح ..نعاود نخمم نردلك لخبر ههههه
ههه خمي مليح مليح

هي سيان مع العمل الزوج راح يكون بعيد ...لكن لي وجهة نظر و ذكرتها ولم اتعمق في شرحها .... يعني اذا راح لاجل الدراسة راح يكون عندو انشغالات بزاف من ناحية يخمم فالدراسة ومصاريفها (المصاريف زعما راهم خالصين)
ومن جهة اخرى يخمم على الزوجة والبيت وقصة كبرة يولي يتحتم عليه البحث عن عمل ايضا لاعالة شخص اخر معه هذا بدون ذكر ان كان هناك اولاد ...
مافهمتش واش من شخص قصدك يعيلو اذا هو راح، ولا قصدك يعيل زوجته من البلد الي هو فيه.

صح راحا تكون الاسرة بجانبه لكن راحا تشغلو قليلا ...وديجا متقوليليش زيدي خمي فهاد الرد لمنخليهش يروح خلاص هههههههه
أممم اوك مانقولك والو هنايا و لكن شويا مافهمتش هذا الجزء ، يخي رانا نهدرو على كي يروح يقرا ولا يخدم و في الحالتين يكون خلا زوجته ماشي كي تكون الأسرة معاه .



يعني العمل ليس اولوية كالدراسة ....العمل موجود هنا ..انا ضد العمل خارج البلد للمراة الا اذا كان عملا لا يعوض راكي عارفة سفير ولا وزيرة و لا باحثة ربما او عمل مغري يستحق التغرب لاجله واما فلا ...راحا تبعد ن العائلة عن الوطن وتبقى مدة طويلة اجل عمل ممكن تاقي كيفو فالبلد
أممم أوك ايضا (قتلتكم ب(أوك) اليوم أخخ )

و امين يا رب نحقق جميعا كل اهدافنا

ان شاء الله يا رب
شكرا غيثاء لعودتك الى الموضوع .
مشاركتك دائما تضيف للموضوع الكثير .
و يوجد جزء من ردك (الي مانقولش وشنوهو) عزفت به على الوتر الحساس .
شكرا لك