لَمَّا تْحَب تاكل طفل صغير !!

[سيف الدين]

السلام عليكم ورحمة الله وبركاته

قريت واحد المرة ان السبب وراء الغيرة من الطفل الي تخليك اما انك تعضو وتخلي أثار
لاسنانك او انك تقرصو وتخليه محمر وكاين الي يقولك حاب ناكلو او ناكلها
يكمن انه كاين واحد الغدة في الانسان مش متذكر وش اسمها هاذي الغدة تنشط لما
تشوف حاجة لذيذة تحب تاكلها، مثلا لما تشوف لحم مشوي او فراولة وو المهم اي
حاجة تاكلها، والغريب ان هاذي الغدة تنشط ثاني لما تشوف طفل صغير وتنوض تغير
منو اخخ يعني وكان الغدة هاذي تقول بان هذا الطفل او الطفلة للأكل ههههه .

المهم معليش الله يصبر الكتاكيت الحلوين، ونقولولهم حتى احنا داروا فينا حالة كما
كنا صغار، ما نقولوش كما تدين تدان وانما كما تدان تدين اخخخ.

المهم انا خاطيني الامور هاذي نتاع العض او القريص ونفضل قُبلة واحدة فقط
مش هاه وتقعد تسلم هاه وتقعد تسلم لانو راهو يدير امراض للاطفال وخاصة
انهم صغار وما عندهمش مناعة ضد الامراض كما احنا الكبار .

يعني الأطفال الصغار ما شاء الله عليهم وشحال يسخفوا، تقول ملائكة ، انا نقول كون
يبقاوا صغار ما يكباروش احسن


وش رايكم ^^

اخوكم سيف الدين