و نتوما واش تشوفو في هاد الموقف؟؟

[nadjofeva]

المشاركة الأصلية كتبت بواسطة سيف الدين

السلام عليكم ورحمة الله وبركاته

رجعنا للموضوع .. منين نبدا امممم
المهم حساب واش حكيتي على هذيك السيدة انا نفسرو من باب سوء النية هههه
لانو رانا عايشين في واحد المجتمع ربي يلطف برك .. وخاصة أنهم ذرك رجعوا يتفننوا في الشر
ويصوروه بأنو راهو مليح وهو في العكس لالا .. كما يجي واحد لابس كوستيم وهاز المحفظة
يقولك راني طحت اومبان وحاب تعطيلي 600 دينار حق سيارة الاجرة باش نرجع للدار ههههه
ايه حتى الطلبة وولات الناس تبدع فيها ..

هذيك السيدة وخاصة لما انها قاعدة تسقسيك على مكان الاقامة نتاعك ووو ممكن تكون
مريضة وممكن تكون مدايرة حاجة مش مليحة في بالها .. بصح راكي قافزة الله يبارك اخت نادجو
كون جيت انا نمد التفاصيل كامل هههه الناس تغلبني بالمظهر نتاعها ههههه كما نتاع
السيد هذاك نتاع الكوستيم صراتلي انا اخخخخخ المهم نتعلمو بشوي ويدير الواحد
في حسابو بلي كما تكون خارج دارك الكذب يجوز عند بورطابل نعيط للدار ضروري؟
لالا ما عنديش اخخخخ عندك الدراهم؟ ما عنديش .... بالاك كاش عفايس اخرى ثاني

ذرك ولينا حتى وان كان واحد يستفسر من باب حسن النية ما نديروش فيه الثقة لانو ولينا
نشوفو بزاف الامور غريبة في المجتمع نتاعنا .. كما نتاع الدراهم تمد الطلاب ع اساس
المساعدة وهو في نيتو يحكم يشعوذ بيهم ..

ربي يحفظ الجميع ان شاء الله

وشكرا

و عليكم السلام و رحمة الله و بركاته
أهلا
ايه صح
راهم غير يتطورو أخخ الله يستر
مريضة لالا بالاك حيلية، (ولا اذا مريضة نفسيا حاجة اخرى الله أعلم)،
لالا التفاصيل مانمدوهاش بصح مينداك الواحد تتحشالو، تمشي بنيتك تعاشي مباصي في هاد الوقت،
ههه تع البورطابل قليل لي ماعندوش بصح شغل دوكا ولينا نخافو،
انا وحدة من الناس يقولولي تليفونك نعيط نقولهم ديراكت لالا اذا ماحشمتش، ادا عندك الكريدي لالا ، تمديلي نعيط نقولهم مكاش الرصيد و نخليهم،
(صحاباتي كي كانو يقولولي نعيطو من عندك نقولهم ادا بالماسكي أخخ بصح باش نمدو للبراني دوكا محال سواء امرأة ولا راجل)،

ايااااااا كيفاش يشعوذو فيهم مام فدراهم؟؟ كيفاش زعما تمد لواحد يطلب دراهم يشعوذ بيهم زعما على الشخص الي عطالو ولا شعوذة عموما،
ايه و الله ولاو يحبسوني بزاف في الطريق و نحصل واش نقولهم ماتعرف واش نيتهم قاع،
اللهم آمين
شكرا على العودة إلى الموضوع أخ الكريم سيف الدين