اقتباس:
المشاركة الأصلية كتبت بواسطة nadjofeva
الرسول صلى الله عليه و سلم ندوه قدوة في حياتنا في كل شيء و لو حقا قرينا مليح سيرته و طبقنا واش كان يدير نعيشو في نعيم ،
لكن الواقع أمر آخر و لا اعلم لماذا لكن لا أحب أن نقارن أبدا ناس تع دوكا بالرسول صلى الله عليه و سلم و زوجاته و الصحابة .. لا مجال للمقارنة حتى ان الناس الآن (طبعا ماشي كامل) مايخموش يديرو كاش عفسة اقتداء بالرسول عليه الصلاة و السلام .
|
نعم أخت الكريمة صح عندك في كل النقطة الي قلتيها، فالرسول الكريم راهو قدوة
للبشرية جمعاء وفي مختلف الأزمنة، وهو قبل ما يكون رسول راهو بشر أيضا كيفنا،
صح ممكن مثلا واحد ما يقدرش وهو في عمر ممكن في العشرينيات يتزوج بوحدة في
اربعينيات من العمر أو أكثر وخاصة أنك قلتِ أنو الأمر ممكن ما ينفعش في هذا الزمن
وطبعا ما يصلحش وخاصة لما تطرح سؤال على أي شاب في عشرينيات من العمر
ونطرحو عليه هذاك السؤال أكيد راح يرفض، ولكن زواج سيدنا محمد صلى الله عليه
وسلم بأمنا خديجة رضي الله عنها فقط بكونو أنه كان محتاج للحنان وو وممكن كاشي
نهار مثلا نشوفو دراسة من هذا النوع مثلا تنصح الشباب الي في عشرينيات من العمر
يتزوجو الي أكبر منهم فقط للفئة الي عاشت حرمان الأمومة .. والله أعلم
اقتباس:
رحمها الله،
و 40 سنة أيضا يعني يجب الاخذ بالأسباب ،
ترى مالذي يجعل الفتاة تقبل بهكذا زواج هل حقا لأن الرجل مثلا متدين و فيه كل الصفات الجيدة؟
أم أنها تخاف من أن "يفوتها القطار" كيما يقولو بعض الناس ،أو ماذا خاصة
و ان اولاد او بنات هذا الشخص مش صغار لكي ترعاهم مثلا ولا حبت دير الخير و ترعى هذا الرجل لأنه كبير في السن
|
صراحة هو لا يصلي وعادي بالنسبة ليه لما يقولك ما نصليش، وأيضا والد تلك المرأة
الي تزوجها رفض هذا الزوج الكبير في السن ولكن هي تمسكت به، كما أن ابوها مات
بعد عقد القران وقرب موعد الزواج، وهذا الزوج عندو ثروة وأيضا كما نقولو عايش في
الخارج ..
اقتباس:
أمم الله أعلم ربما ،و لكن حسب علمي ربما هذا ينطبق على الرجل اذا كان صغير في السن و لكن كبير على زوجته، لأنه اذا كان كبير فهو أيضا قد يؤثر على الجنين ممكن يجي مشوه أو مريض فكلما زاد السن كلما زادت امكانية ان لا يكون الجنين بصحة جيدة و الله أعلم.
|
ممكن والله أعلم ..
المهم الحصول هو كل ما كان فارق السن أكبر كل ما زادت الفجوة أكبر، وممكن هذا
الكلام ما ينطبقش على الجميع ولكن هنا نحطو احتمال واحد فقط جيد، لمن يريد الزواج
وهو أنه يتزوج بوحدة مقاربة للسن نتاعو، ممكن فارق سنة او سنتين أو ثلاثة وممكن
أربعة وخمس سنوات، ولكن اذا زاد الفارق أكثر راح تكون فيه أمور ممكن تعتبر حاجز
بين الزوجين، ويصعب التفاهم لأنه الي كبير ممكن ما يقدرش يعرف احتياجات الي
أصغر منو وممكن ما يقدرش يقدملو واش يحب، وأيضا أعتقد زوجة خليلة / صديقة
أحسن من الزوجة الابنة الي تم التطرق اليها في الموضوع والردود.
والله أعلم كل واحد وكيفاه ومش كامل الناس تفكيرها نفسو، وكل واحد وميولات نتاعو
والله أعلم كيفاه واحد كبير يتزوج بوحدة أقل منو بعقود من الزمن !! وخاصة إذا كان ما
تزوجش بوحدة أخرى من قبلها .. انا عن نفسي تجيني شوي صعيبة لما نلقى واحد
في خمسين تزوج بوحدة في 20
شكرا مرة أخرى أخت الكريمة