اقتباس:
المشاركة الأصلية كتبت بواسطة سيف الدين
السلام عليكم ورحمة الله وبركاته
أهلا وسهلا بكم ^^
شفت تدوينة نتاع أحد الاخوات هنا في المنتدى بشأن الدراسة، مالا تذكرت واش قالي الوالد
هذا الصباح، أنه فيه واحد سيد هو كان مدرس في الطور الابتدائي ودا تقاعد وهو في السن
الخمسين، مالا كما دا التقاعد وهو في سن الخمسين قالهم والله في عشر السنوات لازم نعمل
تغيير في حياتي.
راح حكم عاود الباك لانو ما عندوش الباك، ونجح فيه وقرا ليسانس ونجح وشارك في
مسابقة الماجستير ونجح فيه ومبعد ما شاء الله رجع دكتور !! وراهو ذرك في الخارج يدير
المحاضرات وينتقل من دولة لأخرى، وهذا السيد راهو ابن مدينتي، ربي يبارك على أولاد
الجزائر الطامحين في العلم وما شاء الله،
نفرحو كما نشوفو ناس ما تقراش من أجل الحصول على الوظيفة وانما من أجل العلم وفقط
وبالتالي راح يكون فيه الاخلاص والجهد والمثابرة والتضحية.
المهم واحد ما يفشلش وما ييأسش ولازم ديما يواصل، ولازم ديما يبقى متصل او بعلاقة
بالعلم، حتى وان كنت ما تدرسش في الجامعة أو أي مكان آخر احكم كتاب واقرا، فالعلم ما
نلقاوهش فقط في الجامعات ووو وانما في كل مكان، في الكتاب والنت والتلفاز والحلقات
والمحاضرات،..
ان شاء الله كل واحد منا يحقق الأحلام نتاعو ويوصل للحاجة الي يحبها ^^
أخوكم سيف ^^
|
و عليكم السلام و رحمة الله و بركاته
شكرا
الله يبارك ما شاء الله ،
ان شاء الله نكون مثله و لن نتوقف عن طلب العلم سواء في الجامعات و المعاهد أو غيرها ،
و كما قلتَ العلم لا يقتصر على الجامعات فقط ،
ان شاء الله نحقق أحلامنا حقا ..
صحيح نفرح كثيرا بهكذا أشخاص و يزرعون الأمل فينا ،
شكرا أخ الكريم و ان شاء الله تحقق أحلامك
و تصل الى أهدافك .
2015-11-21, 09:55 PM
رد: أرواحوا نحكيلكم على هذاك الدكتور
العرض المتطور
