جمهورية الفضائح!

[سيف الدين]

المشاركة الأصلية كتبت بواسطة طايوان

خويا سيف باغي نحكي الصح
اوك الجزائر لازمها تغير جذري لازم النظام هدا يتنحي وتحكم ارادة الشعب بالشريعية
مى درك كون تهدر هك واش يقولوا لك يقولك انت تع فتنه
وانت وانت وزيد شوف الجاهلين واش يهدروا
يقولك شوف تونس وليبيا ومصر وسوريا
مى نسو ان امركيا عاشت 100 سنة حرب اهليه حتى توحدت واصبحت قوية
اقري تاريخ فرنسا بعد الانقلاب على النظام الملكي 10 سنوات وهي في حرب اهليه حتى سيطرت
لكن العرب ديما مستعجلون حابين يطيحوا نظام وتم تم يتقدموا
او نقولكم خاوتي مادامه بهده العقلية لا تجيبوا حقكم ولا تتقدموا ولا ترجعوا فلسطين
سوريا تذبح ونحن نقولوا اي شان داخلي ونحن خاطين حاكم وشعب اوووووووووووووووووو هده ارض اسلام ونحن مسلمين ولا كيفاه
فلسطين تحدث ولا حرج
المهم واش نقولك خويا كون نبات نحكي مايفرغش الكلام
الحق باين ونحن ساكتين وراضين بالذل اه ربي يزيدنا وخلاص ذل على ذل
النهار لنكونوا رجال وتكون كلمتنا بيدنا تميك ربي يقوينا
والسلام عليكم

النظام الجزائري راهو اذكى مما نتصور ,, ومراهوش راقد على وذنو كما يقولو
راهو خرج من العشرية السوداء سالما وزايد خرج من انتفاضة الي سموها السكر والزيت
الي قامت في نفس شهر انتفاضة تونس ولكنها هنا في الجزائر اخمدت ,, مستحيل باش
يحصل في الجزائر كما حصل في مصر وليبيا وو واذا حصلت لو سمح الله سيكون مصيرها
الفشل ,, نحن بحاجة الى اناس أذكياء أكثر من أناس شجعان مثل شخصية أردوغان إلي
غيّر الحكم في تركيا ,, هذا هو الرجل المحنك الي رانا محتاجينو وأنا أظمن لك بأن النظام
الجزائري راح يتهاوى بنفسو لأنه ماشي حكم شخص واحد فقط وانما حكم عدة اشخاص
وهاذو اشخاص راهم في سبعينات وثمانينات يعني منا لعشر سنوات او اكثر راح تتغير
الأمور أكيد وزايد من عام 2015 وطلّع العالم العربي سيشهد تغيرات جد جد كبيرة ومع
بداية 2020 راح تكون الدول العربية الرائدة عالميا ان شاء الله ,, الي شفناه في الثورات
العربية دليل على ان الشعوب العربية مزالت حية نأمل منها خيرا ان شاء الله ..

بارك الله فيك اخي طايوان على ابداء رأيك حول الموضوع ومرورك ثانية من هنا ,,
لك ودي وعبير وردي ودير بالك على حالك

[طايوان]

درك نحكوا الصح زعما يخلوه يخدم؟؟؟؟؟؟
ادا كان يخلوه يخدم اوك ترشح انت ونحن باذن الله نطلعوك مي هل تقدر تخدم ولالالا
تهدر على التسعنات ماتخلينش نضحك برك لان كل شيء مدبر
علابالك لنزل من الجبل درك ماعندكش الحق باه تحاسبه او تحاكمه
علابالك كاين الاف مفقودين وذويهم ماعندهمش الحق باه يسالوا عنهم
درك بالله عليك من وين الذكاء جاء؟؟؟؟
والله مازالنا اغبياء صح
زيد البرلمان واش دوره؟؟؟؟؟ ادا ماعندش سلطه في القرارات؟؟؟
شوف تقولي يلعبوا بينا نقولك وي
تقول يسرقوا فينا نقولك وي
مي تقولي ذكي نو
انا شوفت وعشت وعاشت ناس مازالوا يعانوا
زعما كون جاء عندك قريب مفقود وكي تسال عنه يقولولك مانعرفوش
كما واحد نعرفه حوس على خوه الى وين كره وين يروحوا يقولوا لهم ماعندناش
النهار لبغاء يخرجوا له شهادة وفاة قالوا لهم مصالح البلدية نو هدا مازال حي مانقدروش نخرجوه
وانت فهم

[سيف الدين]

المشاركة الأصلية كتبت بواسطة طايوان

درك نحكوا الصح زعما يخلوه يخدم؟؟؟؟؟؟
ادا كان يخلوه يخدم اوك ترشح انت ونحن باذن الله نطلعوك مي هل تقدر تخدم ولالالا

ذرك زعما انت اذا جيت حاب تخدم مش راح يخليوك ؟ وش راح دولة فيك انت خيرت
مثلا المير والمير الي خيرتو راقد في قشو يجي مثلا بوتفليقة يدخلك الماء والغاز ووو
روح شوف بلديات اخرى تلقى لوخرين عنهدم النت وعندهم الغاز والكهرباء ما تروحش
عليهم على العام هذا لانو عندهم الناس الي تخدم ..

علاه مثلا نشوفوا ولايات اخرى متطورة على ولايات اخرى .. المشكل وين راه راهو
في هرم السلطة؟ المشكل راهو في الاشخاص والمشكل الي راهو في هرم السلطة راهو
متمثل في الفساد وسرقة الأموال .. مثلا يجي وزير عوض باش يمد 100 مليار سنتيم
لوالي ولاية مثلا يسرق منهم مثلا 20 مليار وتبقى 80 مليار ينحي منهم والي مثلا 30
يبقاو 50 مليار يحكم والي هذاك يوزعهم على الدوائر يعطي لدائرة مثلا حسب متطلبات
نتاعها اذا عنذها مير يخدم صح راح يرفع انشغالات وبالتالي راح تدرس قال حاب كذا
وحاب كذا يعطيلو صوارد باش ينفذ الماشريع نتاعو قال هاك 10 ملاير اذا جا المير هذا
يصلح 10 ملاير هذوك مش راح ياكل منهم والناس الي راح تخدملو مثلا المقاولين ما
يسرقوش اذا جاوا ماشي مخلصين مع 10 ملاير هذوك المير يدي 2 منهم والمقاول
تبقالو 8 بدلا ما يخدم الخدمة حسب 8 يروح يخدم خدمة ب5 .. وهكذا كل واحد يدي
شوي وهي رايحة .. لذلك تلقى ناس متقدمة على لوخرين والسبب ان الرقابة مكانش
يعني الي ما يخافش ربي يدير رايو ..

نعطيك مثال واقعي هنا عندنا انقطع الماء 25 يوم والناس قاعدة تفرج في بعضاها كل
مرة قالك غدوة نحدمولكم مزال ما شريناش المزود نتاع الماء ووو حتى ولينا كما قلت
في 25 يوم .. ملا واش صرا تلمت ناس وراحت للمدير نتاع المياه هذاك واش قالولو؟
اذا ما ترجعش الماء غدوة راح نحرقوا المقر وزايد قالولوا اخرج ذرك ما تبقاش هنا
المهم خرجوه بذراع ومبعد لغدوة رجعوا الماء ومع صباح ثاني !! شفت المشكل وين
راح

تهدر على التسعنات ماتخلينش نضحك برك لان كل شيء مدبر
علابالك لنزل من الجبل درك ماعندكش الحق باه تحاسبه او تحاكمه
علابالك كاين الاف مفقودين وذويهم ماعندهمش الحق باه يسالوا عنهم
درك بالله عليك من وين الذكاء جاء؟؟؟؟
والله مازالنا اغبياء صح

ماشي هذا دليل على ذكاء النظام !! كون جا غبي كون رانا لعبنا عليه وما خليناهش
يلعب علينا وانا نقولك راهو ذكي في الخبث واذا ما تعاملناش معاه على اساس الذكاء
انا نظمنلك اننا راح نبقاوا هكذا لأنو باش تدير بما يسمى بالثورة وتنحيه غير هاذي
ما تهدرش عليها .. النظام عندنا راهو نظام عسكري مثل ما كانت عليه مصر وتركيا
والجنرالات نتاعنا ماشي كما نتاع مصر قال نروحو نديرو مظاهرات نناديوا فيها باسقاط
بوتفليقة ؟ خلاص يعشي بوتفليقة خارج السرب عادي يضحيوا بيه ومبعد يجيبلك واحد
منهم .. ولا راح تتنادي باسقاط العسكر مثلا .. ولا راح ترجعها عمل عسكري ضد
الدولة !!اذا حاب التغيير لازم نخب سياسية .. نخب سياسية تتحمل المسؤولية وزايد
عادي لما تتفاهم جميع الاحزاب وتتوحد ضد حزب جبهة التحرير يعني تكون قوائم
متحدة هنا نظمنلك بأنو راح يفوزوا بصح راهم ذرك مشتتين وكل واحد يغني وحدو
ويقولك تزوير ووو .. ياو هوما الي ما يعرفوش كيفاه يتعاملوا مع الوضع ..

زيد البرلمان واش دوره؟؟؟؟؟ ادا ماعندش سلطه في القرارات؟؟؟

وش من سلسلة القرارات وجبهة التحرير هي الي مستولية عليه بالاغلبية
لو جاوا احزاب اخرى مستولية عليه والقرارات الي يديروها وما تتنفذش
هنا نقولك عندك الحق .. باش تمرر قرار لازم تكون نسبة الموافقة اكثر من 52/100

شوف تقولي يلعبوا بينا نقولك وي
تقول يسرقوا فينا نقولك وي
مي تقولي ذكي نو

مش ذكي ؟ ملا علاه بقى النظام للآن ؟!! مش ذكي؟ كيفاه عرف يلعب على الاحزاب
بنسبة 7 بالمئة يعني الحزب في الانتخابات اذا ما تحصلش على نسبة فوق 7بالمئة وهو
مثلا عندو 4 بالمئة واربعة بالمئة مثلا 3000 شخص مصوت .. هنا كل هذيك الاصوات
راح تتحول للحزب الي تحصل على نسبة فوق 7 بالمئة وهاذي عفسة خرجت غير مع
التشريعات ولكن بغباء الاحزاب عجبهم القانون وقالوا موافقين عليه !! ومبعد يجي
يقولك افلان اكتسحت البرلمان هاوا انت ما عرفتش كيفاه تساير الوضع ..

انا شوفت وعشت وعاشت ناس مازالوا يعانوا
زعما كون جاء عندك قريب مفقود وكي تسال عنه يقولولك مانعرفوش
كما واحد نعرفه حوس على خوه الى وين كره وين يروحوا يقولوا لهم ماعندناش
النهار لبغاء يخرجوا له شهادة وفاة قالوا لهم مصالح البلدية نو هدا مازال حي مانقدروش نخرجوه
وانت فهم

للأسف هاذي ظاهرة كاينة منها صح .. وراهم كاينين بزاف من هاذي الحالات ولكن
وش راح تدير والقرارات جات من الفوق .. الي قالك ما نعرفش ما يتحملش المسؤولية
ان شاء الله ما يكون غير الخير وبارك الله فيك على النقاش اخي طايوان .. دمت بخير

[ندى96]

وقع العنوان ابلغ مايسعني قولة لك اخي سيف هو ان الحقيقة دوما مرة وخاصة ان تعلقت بأمورنا
بارك الله فيك

[سيف الدين]

المشاركة الأصلية كتبت بواسطة ندى96

وقع العنوان ابلغ مايسعني قولة لك اخي سيف هو ان الحقيقة دوما مرة وخاصة ان تعلقت بأمورنا
بارك الله فيك

حقيقة مرة وواقع ساخن .. نسأل الله الخير والصلاح
بارك الله فيك أختي الفاضلة ندى وجزاك خيرا على المرور من هنا
الله يحفظك

[ThE fLaMe]

شكرا موضوع مميز

[بلقيس 546]

جزاك الله الف خير

[سيف الدين]

المشاركة الأصلية كتبت بواسطة بلقيس 546

جزاك الله الف خير

وانت من اهل الخير

شكرا على المرور