هل للعيد طعم عندكم !!

[سيف الدين]

السلام عليكم ورحمة الله وبركاته

تحية للجميع .. ان شاء الله تكونوا بخير ^^

العيد على أبواب .. >> اذا فيه تأخر لقراءة الموضوع (العيد مرّ علينا ان شاء الله)

فيه حديث يدور في الوسط المجتمعي بأنو العيد عندنا مختلف على العيد نتاع الماضي
ممكن يكون مثلا أننا فقدنا طعم العيد بكون اننا كنا صغار كنا نستمتعوا بالعيد، نتذكر أنني
كما كنت صغير كنت نلعب بالمحارق وكنت ندير ايضا الحنة اخخخ وأيضا مع اللبسة
الجديدة وزيارة الاقارب،..

ولكن بعد ما كبرنا أكيد فقدنا تلك الميزات، ممكن تكون سبب في تغير العيد علينا، بصح كما
تسقسي الناس الكبار وتقولهم العيد نتاع هذا الزمن كما العيد نتاع بكري؟ يقولو أكيد فرق
كبير، والعيد نتاع هاذي السنوات ما عندوش طعم ..

وأنتم واش تقولوا، العيد عندكم فيه طعم؟


وشكرا ليكم ^^

[nadjofeva]

و عليكم السلام و رحمة الله و بركاته
الحمد لله
نعم أكيد حنا و نقولو تغير، فكيف بالكبار عندما يتكلمون تشعر أن العيد كان له طعم آخر في وقتهم و عندو حلاوتو ،
و بالنسبة لنا أيضا عندما كنا أطفالا كنا ننتظره بشوق ، لأننا سنلبس ملابس جديدة و نزور الأهل ،
و كانت والدتي ربي يحفظها دِيرلنا الحنة أيضا و نرقدو بيها ليلة العيد أو يوم قبلها و مانحركوش يدينا باش ماتخسرش و في الغد أول ما نقوم به هو غسل أيدينا و نفرحو كيما تخرج شابة،
و نلعبو بالنبولات أي البالونات (نْسَافات في الغرب) ، مانيش عارفة الاسم بالنسبة لبقية المناطق ،
محارق ماشي في العيد، و حتى النوم مايجيناش لأننا ننتظر صباح العيد، و في الصباح نستيقظ بكل نشاط و حيوية حتى اذا رقدنا ساعة،

دوكا زيارة الأهل نقصت لأننا لا نعيش في نفس المنطقة ، مكاش أهل بزاف هنا للأسف،
و أعز الأحباب بْعاد ، و كاين الي ماتو رحمهم الله ، و كي يروحو لكبار تصماط شويا الحالة (جدتي من الوالد و من الوالدة رحمهما الله ، خاصة جدتي من أمي كانت طيبة لدرجة كبيرة ) ،
الحنة مازال نديرو خاصة شقيقتي الكبرى ،
و النبولات أيضا (عندنا مخزون الله يبارك )،
آه نسيت النقود ، أكثر شخص كان يعطينا دراهم هو زوج عمتي رحمه الله أيضا ،
كنا كي نروحو عند عمتي حفظها الله و نجتمع هناك بزاف أطفال نوقفو gاع عند الحيط ، و يكون موجد كيس من النقود و يعطينا بلواحد مهما يكن العدد نتاعنا ..
و رغم الهيبة لي كانت عندو خاصة و انه كان مجاهدا الا اننا نحبوه بزاف، و له تعامل خاص مع الأطفال ،

بصح العيد يبقى عيد مهما تغير الزمان و المكان و تكون الفرحة أكيد دوما ان شاء الله ، و لازم حنا نخلو عندو طعم ..
شكرا على هذا الموضوع ، التكلم فيه يعيد لنا ذكريات الزمن الجميل ..

[سيف الدين]

المشاركة الأصلية كتبت بواسطة nadjofeva

و عليكم السلام و رحمة الله و بركاته
الحمد لله
نعم أكيد حنا و نقولو تغير، فكيف بالكبار عندما يتكلمون تشعر أن العيد كان له طعم آخر في وقتهم و عندو حلاوتو ،
و بالنسبة لنا أيضا عندما كنا أطفالا كنا ننتظره بشوق ، لأننا سنلبس ملابس جديدة و نزور الأهل ،
و كانت والدتي ربي يحفظها دِيرلنا الحنة أيضا و نرقدو بيها ليلة العيد أو يوم قبلها و مانحركوش يدينا باش ماتخسرش و في الغد أول ما نقوم به هو غسل أيدينا و نفرحو كيما تخرج شابة،
و نلعبو بالنبولات أي البالونات (نْسَافات في الغرب) ، مانيش عارفة الاسم بالنسبة لبقية المناطق ،
محارق ماشي في العيد، و حتى النوم مايجيناش لأننا ننتظر صباح العيد، و في الصباح نستيقظ بكل نشاط و حيوية حتى اذا رقدنا ساعة،

دوكا زيارة الأهل نقصت لأننا لا نعيش في نفس المنطقة ، مكاش أهل بزاف هنا للأسف،
و أعز الأحباب بْعاد ، و كاين الي ماتو رحمهم الله ، و كي يروحو لكبار تصماط شويا الحالة (جدتي من الوالد و من الوالدة رحمهما الله ، خاصة جدتي من أمي كانت طيبة لدرجة كبيرة ) ،
الحنة مازال نديرو خاصة شقيقتي الكبرى ،
و النبولات أيضا (عندنا مخزون الله يبارك )،
آه نسيت النقود ، أكثر شخص كان يعطينا دراهم هو زوج عمتي رحمه الله أيضا ،
كنا كي نروحو عند عمتي حفظها الله و نجتمع هناك بزاف أطفال نوقفو gاع عند الحيط ، و يكون موجد كيس من النقود و يعطينا بلواحد مهما يكن العدد نتاعنا ..
و رغم الهيبة لي كانت عندو خاصة و انه كان مجاهدا الا اننا نحبوه بزاف، و له تعامل خاص مع الأطفال ،

بصح العيد يبقى عيد مهما تغير الزمان و المكان و تكون الفرحة أكيد دوما ان شاء الله ، و لازم حنا نخلو عندو طعم ..
شكرا على هذا الموضوع ، التكلم فيه يعيد لنا ذكريات الزمن الجميل ..

اييييه ما شاء الله أيام جميلة، أكيد كل واحد منا عندو ذكريات جميلة لأيام العيد وخاصة
في الطفولة.

الحنة انا نشفى كانت والدتي الله يحفظها ويحميها تديرلي الحنة رغما عني مش
متذكر إما في اليد اليمنى أو اليسرى، ونتذكر كنا نديروها ليلة قبل العيد، وفي الصباح
كيما نخرج للبرا يوم العيد راني نتلاقى بصحابي وراني نفوخ بيها ونقولهم نعتولي الحنة
نتاعكم، لانو تقريبا الأولاد الصغار وقتها كامل يديروا الحنة، واحيانا نحشم بيها .

نتذكر جارتنا الله يرحمها، كانت تحبنا وكانت ديما تزورنا، وكانت تعطيلي نقود، وجدتي
أم والدتي أيضا، وخاصة كما نروح لمدينة أمي أين أهل أمي.

البالونات أحنا في الشرق نسموها نفاخات، نتفكر كان فيه بالون كبير ممكن كان يتباع
حينها 5 د، نلعب بيه، وثاني مسدس الألعاب ومبعد شوي تطورت ووليت ندير
محارق وصواريخ هاذوك ههه، في هذا الصدد نتفكر واحد المرة والمشهد ما زال في
مخيلتي، كنا مجموعة من الأولاد وفاتوا علينا ممكن ثلاثة فتيات كبار شوي، هيا سيدي
أولاد هاذو الي كنت نخالط فيهم وأنا صغير قالولي ارمي عليهم المحرقة !! كاين إلي
قالي ارمى، وانا قلتهم ما نرميش علاه نرمي على بنات ونخلعوهم !!

لباس يوم العيد كنا نفرحوا بيهم، كنت نفوخ باللبسة نتاعي قدام أولاد الجيران اخخخ
كلش جديد، وخاصة أنني عمري ولا شريت لبسة من هنا، كانت جدتي أم والدي دائما
ترسل لي لباسا من هناك، يعني ولا واحد لبسة نتاعو تشبهلي

الحلويات يوم العيد كنا نحضروهم قبل أيام وخاصة يوم العيد الصغير، بينما العيد الكبير
ما كناش نديروا الكثير من الأنواع، والآن هنا عندنا نادرا وين نلقاوا الي يدير الحلويات
وممكن اذا كاينة راهي تكون مشرية واذا مش مشرية راهم يديروا مقروط ومادلان.

يوم العيد كنت نروح مع والدي نصلي صلاة العيد، وحينها كان ماكانش الجامع بالقرب
من حيينا، كنا نهبطوا للمدينة ونصليوا (بعيدة علينا كاشي 7 د مشي) وهذا المسجد
يعتبر من أكبر مساجد الولاية، كنا نسلموا على الناس الي نعرفوهم والي ما نعرفوهمش،
وبما أنو المسجد كبير وفيه غاشي بزاف، تجيب كاشي 2 سا ولا 1 سا، حتى أنك تحس
بالريق نتاعك نشف .

وصحيح كما قلتي أخت الكريمة احنا إلي نخليوا للعيد طعم، واحنا الي نفسدوا طعم نتاع
العيد، وهو العيد نفسوا مش راح يتغير، واعجبتني طريقة زوج عمتك (الله يرحمه
ويسكنه فسيح جناته) يمكن أن نتبع طريقته لادخال البسمة في وجوه الأطفال الصغار
كما فعل هو وكما فعل غيره من الاقارب الطيبين.

في العاصمة يوم العيد الصغير حكالي ابن عمي أنه عندهم في المسجد نتاع الحي في
ليلة قبل العييد كان عندهم فرح وعرس في المسجد، قالك كل واحد جاب السينية نتاع
الgاطو والبوبون وغيرها، الناس تسلم وتعاود وغيرها من مظاهر البهجة، وهذا
المسجد كنت حضرت فيه من قبل وعيدت العيد الصغير وما كانتش فيه هاذي المظاهر،
إلا أنه الواقع تغير نحو الأفضل ممكن بمبادرة نتاع كاشي شخص،..

مليح كما نعاودوا نحيوا مظاهر نتاع العيد، وما نخليوش العيد يكون ما عندوش طعم
واحنا رانا نشوفوا في الغرب كيفاه يحتفلوا بالاعياد نتاعهم وكيفاه يفرحوا ويديوا العطلة
باسابيع قبل العيد والمشتريات تكون الاسعار نتاعها منخفضة.

راني تحدثت بزاف .. اعتذر عن الاطالة

ان شاء الله يتغير الواقع وبارك الله فيك أخت الكريمة على مشاركتك لنا الموضوع
والأفراح التي عشتها قبل وأثناء العيد ^^

حفظك الله ورعاك ودمت بخير وعافية

[ثاقبايليث]

العيد في الماضي كان له طعم خاص مانعرف اذا احنا كبرنا ولينا صامطين ولا هو ماعندوش نكهة
انا في ليلة العيد كنت مانرقدش كامل وانا نستنى وقتاش يلحق الصباح ونلبس ونخرج نلعب نروحو للمسجد نلعبو بالمحارف والنفاخات كيما قلتي واجمل حاجة نشفالها انو كي يكملو الصلاة نتغافرو كامل ومع الي فالمسجد وكان فيه صندوق للصدقات نتسابق ونشوفو شكون يحط فيه بزاف ومن بعد نروحو نغافرو الاهل والاقارب والجيران وسوايع نروحو حتى لديار مانعرفوهمش .والحنة كيما كل الجزائريين نديروها ليلة العيد او الليلة الي قبلها باه اذا ماخرج لونها باهي نعاودولها في ليلة العيد .
فعلا ايام رائعة ودرك واش راني نشوف مهما يكون الذراري فرحانين بالعيد ماشي كيما فرحنا احنا .والله توحشت ايام بكري بزاف ومهما كبرنا نقعدو دايما صغار وتنذكرو المناسبات كيفاش كانو يفوتو علينا

[سيف الدين]

المشاركة الأصلية كتبت بواسطة ثاقبايليث

العيد في الماضي كان له طعم خاص مانعرف اذا احنا كبرنا ولينا صامطين ولا هو ماعندوش نكهة
انا في ليلة العيد كنت مانرقدش كامل وانا نستنى وقتاش يلحق الصباح ونلبس ونخرج نلعب نروحو للمسجد نلعبو بالمحارف والنفاخات كيما قلتي واجمل حاجة نشفالها انو كي يكملو الصلاة نتغافرو كامل ومع الي فالمسجد وكان فيه صندوق للصدقات نتسابق ونشوفو شكون يحط فيه بزاف ومن بعد نروحو نغافرو الاهل والاقارب والجيران وسوايع نروحو حتى لديار مانعرفوهمش .والحنة كيما كل الجزائريين نديروها ليلة العيد او الليلة الي قبلها باه اذا ماخرج لونها باهي نعاودولها في ليلة العيد .
فعلا ايام رائعة ودرك واش راني نشوف مهما يكون الذراري فرحانين بالعيد ماشي كيما فرحنا احنا .والله توحشت ايام بكري بزاف ومهما كبرنا نقعدو دايما صغار وتنذكرو المناسبات كيفاش كانو يفوتو علينا

كانت مظاهر جميلة ما شاء الله، ان شاء الله يتغير الوضع، وكما قالت الاخت نادجو أنو
العيد يبقى نفسو سواء بتغير الزمان والمكان، ولكن احنا الي تغيرنا، حتى أني شفت
ناس من دول عربية تشتكي من نفس المشكلة، ان شاء الله يكون للعيد طعم في السنوات
المقبلة، ونقدروا احنا بانفسنا نصنعوا عادات جديدة ونحيوا مظاهر جديدة للعيد.

شكرا ليك أخت ثاقبايليث على مشاركتك لنا الموضوع .. حفظك المولى ورعاك

[غزة لنا]

السلام عليكم ورحمة الله تعالى وبركاته
عيدكم مبارك , أعاده الله علينا وعليكم بالصحة والخير والعافية
يا حسراااااه على العيد الي كان مطلوب منا فيه برك الاستمتاع وتحضير الالعاب لملاح باه نستمتعوا بيهم مع الأقارب ولبس أحسن الملابس باه نتباهوا بيهم بين الأقارب وفي نفس الوقت تطميع الكبار لينا -البريستيج- انتاعهم أكيد خالنا الكل لصغار نتمنى نكبروا بسرعة ومع هكذا كبرنا وأكيد نتمنوا ذرك لو كان نرجعوا صغار كيما كنا -صعيب بزاف ذرك وعلاااه مستحيل أصلا-في وقتها مانخمموا في والوا كل شيء كيما تقول جدتي -ربي يطول في عمرها- على الهُدى ونعيشوا اللحظة الي رانى فيها - وهكذا لازم تكون حياتنا الاستسلام التام للمولى سبحانه وتعالى وهذا هو الاسلام بكل بساطة -ولكن ذرك ولينا كبار !!!ملخص كلامي ماكاش مقارنة بين العيد انتاع بكري وذرك كل شيء تبدل ناس تفارق الحياة وناس جديدة تجي وحبين العيد يبقى كيما كان صعبية هذه المعادلة!
ومع كل هذا ماواحد ماينكر السرور والبهجة والجمعة انتاع العائلة في هذا اليوم المبارك وكأن الوقت توقف في هذا اليوم ومن بعد تعود الحياة لعادتها ونرجعوا حنا معها لانشغالاتنا وأعمالنا من دارة وجديد -وهذه سنة الحياة-


أستغفر الله وأتوب اليه




سلاااااااااااام

[سيف الدين]

المشاركة الأصلية كتبت بواسطة غزة لنا

السلام عليكم ورحمة الله تعالى وبركاته
عيدكم مبارك , أعاده الله علينا وعليكم بالصحة والخير والعافية
يا حسراااااه على العيد الي كان مطلوب منا فيه برك الاستمتاع وتحضير الالعاب لملاح باه نستمتعوا بيهم مع الأقارب ولبس أحسن الملابس باه نتباهوا بيهم بين الأقارب وفي نفس الوقت تطميع الكبار لينا -البريستيج- انتاعهم أكيد خالنا الكل لصغار نتمنى نكبروا بسرعة ومع هكذا كبرنا وأكيد نتمنوا ذرك لو كان نرجعوا صغار كيما كنا -صعيب بزاف ذرك وعلاااه مستحيل أصلا-في وقتها مانخمموا في والوا كل شيء كيما تقول جدتي -ربي يطول في عمرها- على الهُدى ونعيشوا اللحظة الي رانى فيها - وهكذا لازم تكون حياتنا الاستسلام التام للمولى سبحانه وتعالى وهذا هو الاسلام بكل بساطة -ولكن ذرك ولينا كبار !!!ملخص كلامي ماكاش مقارنة بين العيد انتاع بكري وذرك كل شيء تبدل ناس تفارق الحياة وناس جديدة تجي وحبين العيد يبقى كيما كان صعبية هذه المعادلة!
ومع كل هذا ماواحد ماينكر السرور والبهجة والجمعة انتاع العائلة في هذا اليوم المبارك وكأن الوقت توقف في هذا اليوم ومن بعد تعود الحياة لعادتها ونرجعوا حنا معها لانشغالاتنا وأعمالنا من دارة وجديد -وهذه سنة الحياة-


أستغفر الله وأتوب اليه




سلاااااااااااام

وعليكم السلام ورحمة الله وبركاته

الله يبارك على الطفولة الجميلة، واضح أن الجميع لما كانوا صغار استمتعوا بطفولتهم
وخلاتنا نسترجعوا ذكريات جميلة الي رسمة الابتسامة في وجوهنا، وانا نقول الأطفال
الصغار في الزمن نتاعنا واش راح يحكيوا على الطفولة نتاعهم يوم العيد كما يكباروا !!
ممكن كاين الي راهو يستمتع وممكن كاين عائلات راهي تحاول ترسم بسمة العيد
والبهجة في نفوس أطفالها وتخليهم يشتاقوا ويتحمسوا لأيام العيد، وممكن كاين الي
كما حالو كما حال أطفالو، ومع ذلك تبقى الطفولة نتاع جيلنا والاجيال الي سبقتنا طفولة
ولا اروع ..

ان شاء الله يتغير الواقع نحو الأفضل وان شاء الله نشوفو اعادة احياء مظاهر وعاداات
سواء كانت قديمة أو جديدة للعيد سواء كان عيد الفطر أو الأضحى ..

بارك الله فيك أخت الكريمة غزة لنا على مشاركتك لنا ذكرايتك مع العيد

دمت بخير وعافية

[ثورةالتحرير]

بأتأكيد

[سيف الدين]

المشاركة الأصلية كتبت بواسطة ثورةالتحرير

بأتأكيد

الله يبارك اخي الطيب

شكرا على المرور

مُوفق ان شاء الله

[سجل..انا جزائرية]

السلام عليكم و رحمة الله و بركاته
على حسا ب الشوفة لحقت روظار على الموضوع و رووووظار زاااف عاد ،
المهم بالنسة للعيد ، بنتو ماهيش كي بكري ، راه يجي كل شي قلق في قلق
زمان كنا شحال و احنا نوجدولو ، و فرحانين و نحسبو شحال بقى من ذي القعدة و يجي و دوك حتى يقولو صايي دا الحج ، ش عاد تتكاكا بالعيد
بكري كنا نفرحو كي يجي في يوم مش نتاع عظلة ش نستفادو من ايام الاسوع ( الي نورمالمو نقراو فيهم )
و نهار عرفة ، كي قاع الناس يجيبو كبشهم ،
كل واحد منا (من الجيران ( يخرج يزوخ احنا كبشنا كبير و عندو قرون قدااااااااااه ههه ، و عدها يدا العراك شكون كشهم كبير

و ايضا نتفكر وحد العادة كانت عندنا ، كانو قاع الجيران يذحو مع بعض
صباح العيد و بعد الصلاة و المغفرة ، يدا الواحد يخرج كشو للشارع ، و كان وحد المكان سبيسيال نذبحو فيه ، كامل الجوارين يصورو مع بعض ، و كي يذبحو الاول ، يبعدوه و يزيدو الزاوج و يصورو فاني و هكذا حتى يكملو
و نتفكر مليح كانت شجرة قدام دارنا ، يعلقو فيها الكاش بالواحد ..و يتعاونو الجوارين و يسلخو ، و يكملو لخف واحد بعد خوه
و ظبعا احنا الاظفال غي ندورو من دار لختها ، و نغافرو و فرحانين و نجرو
كانت عادة مليحة ، تولي تسمع غي جيب الماء ، جيب بسينة ، هاك سني الخدمي ، و و و
كان الموفمو زاااف ، و عاد كي يكملو كل واحد يدخل اضحيتو لدارو ، و يدا عمل النسوة فم من دوارة و بوزلوف

دوك راني مفتقدة هاذ الحاجة بزاف ، كي شغل والفنا العيد يجي غي هك برك مع الجيران ، دوك كل واحد يذبح لروحو فدارو مع اولادو ، صح الذكور و الرجال يدورو على بعضهم و يعاونو بعضهم ، مي توحشت نكون صغيرة و نروح نشوف الذبح تع كل كبش

اممم لكن الحمد لله ، هاذ العام كان كيما يقولو { خير من والو }
بحكم انو كل افراد الاسرة نتاعي كانو حاضرين فيه ، على العكس مرات غياب 2 منهم على الاقل
ملمة العيد هاذ المرة فرحتنا و فرحتنا بزاف ، ، خاصة و انو ما عيدناش مع بعضنا و بحضور الكل من اكثر من 12 سنة ، هاذ الحدث جدد بنتو يعني
اييييييي موضوعك رجعلي بنة العيد ، شكراا